৪২৬. দীপিজাতকং (১০)

৮৮. খমনীযং যাপনীযং, কচ্চি মাতুল তে সুখং;

সুখং তে অম্মা অৱচ, সুখকামাৱ [সুখকামা হি (সী. স্যা. পী.)] তে মযং.

৮৯. নঙ্গুট্ঠং মে অৱক্কম্ম [অপক্কম্ম (ক.)], হেঠযিত্ৱান [পোথযিত্ৱান (ক.)] এড়িকে [এড়কি (স্যা.), এড়িকি (পী.)];

সাজ্জ মাতুলৱাদেন, মুঞ্চিতব্বা নু মঞ্ঞসি.

৯০. পুৰত্থামুখো নিসিন্নোসি, অহং তে মুখমাগতা;

পচ্ছতো তুয্হং নঙ্গুট্ঠং, কথং খ্ৱাহং অৱক্কমিং [অপক্কমিং (ক.)].

৯১. যাৱতা চতুৰো দীপা, সসমুদ্দা সপব্বতা;

তাৱতা ময্হং নঙ্গুট্ঠং, কথং খো ত্ৱং ৱিৱজ্জযি.

৯২. পুব্বেৱ মেতমক্খিংসু [মেতং অক্খংসু (সী. পী.)], মাতা পিতা চ ভাতৰো;

দীঘং দুট্ঠস্স নঙ্গুট্ঠং, সাম্হি ৱেহাযসাগতা.

৯৩. তঞ্চ দিস্ৱান আযন্তিং, অন্তলিক্খস্মি এড়িকে;

মিগসঙ্ঘো পলাযিত্থ, ভক্খো মে নাসিতো তযা.

৯৪. ইচ্চেৱং ৱিলপন্তিযা, এড়কিযা ৰুহগ্ঘসো;

গলকং অন্ৱাৱমদ্দি, নত্থি দুট্ঠে সুভাসিতং.

৯৫. নেৱ দুট্ঠে নযো অত্থি, ন ধম্মো ন সুভাসিতং;

নিক্কমং দুট্ঠে যুঞ্জেথ, সো চ সব্ভিং ন ৰঞ্জতীতি.

দীপিজাতকং দসমং.

অট্ঠকনিপাতং নিট্ঠিতং.