৪২৩. ইন্দ্ৰিযজাতকং (৭)

৬০. যো ইন্দ্ৰিযানং কামেন, ৱসং নাৰদ গচ্ছতি;

সো পৰিচ্চজ্জুভো লোকে, জীৱন্তোৱ ৱিসুস্সতি [জীৱন্তোপিৱিসুস্সতি (স্যা.), জীৱন্তো ৱাপি সুস্সতি (ক.)].

৬১. সুখস্সানন্তৰং দুক্খং, দুক্খস্সানন্তৰং সুখং;

সোসি [সোপি (স্যা. পী. ক.)] পত্তো সুখা [সুখ (স্যা.), সুখং (ক.)] দুক্খং, পাটিকঙ্খ ৱৰং সুখং.

৬২. কিচ্ছকালে কিচ্ছসহো, যো কিচ্ছং নাতিৱত্ততি;

স কিচ্ছন্তং সুখং ধীৰো, যোগং সমধিগচ্ছতি.

৬৩. ন হেৱ কামান কামা, নানত্থা নাত্থকাৰণা;

ন কতঞ্চ নিৰঙ্কত্ৱা, ধম্মা চৱিতুমৰহসি.

৬৪. দক্খং গহপতী [গহপতং (সী. স্যা. পী.), গহৱতং (?)] সাধু, সংৱিভজ্জঞ্চ ভোজনং;

অহাসো অত্থলাভেসু, অত্থব্যাপত্তি অব্যথো.

৬৫. এত্তাৱতেতং পণ্ডিচ্চং, অপি সো [অসিতো (সী. স্যা. পী.)] দৱিলো [দেৱলো (সী. পী.)] ব্ৰৱি;

ন যিতো কিঞ্চি পাপিযো, যো ইন্দ্ৰিযানং ৱসং ৱজে.

৬৬. অমিত্তানংৱ হত্থত্থং, সিৱি পপ্পোতি মামিৱ;

কম্মং ৱিজ্জঞ্চ দক্খেয্যং, ৱিৱাহং সীলমদ্দৱং;

এতে চ যসে হাপেত্ৱা, নিব্বত্তো সেহি কম্মেহি.

৬৭. সোহং সহস্সজীনোৱ অবন্ধু অপৰাযণো;

অৰিযধম্মা অপক্কন্তো, যথা পেতো তথেৱহং.

৬৮. সুখকামে দুক্খাপেত্ৱা, আপন্নোস্মি পদং ইমং;

সো সুখং নাধিগচ্ছামি, ঠিতো [চিতো (পী. সী. অট্ঠ.)] ভাণুমতামিৱাতি.

ইন্দ্ৰিযজাতকং সত্তমং.