১. ৱিধূপনদাযকত্থেৰঅপদানং

১. ‘‘পদুমুত্তৰবুদ্ধস্স, লোকজেট্ঠস্স তাদিনো;

বীজনিকা [ৱীজনিকা (সী. স্যা.)] মযা দিন্না, দ্ৱিপদিন্দস্স তাদিনো.

২. ‘‘সকং চিত্তং পসাদেত্ৱা, পগ্গহেত্ৱান অঞ্জলিং;

সম্বুদ্ধমভিৱাদেত্ৱা, পক্কমিং উত্তৰামুখো.

৩. ‘‘বীজনিং পগ্গহেত্ৱান, সত্থা লোকগ্গনাযকো [লোকে অনুত্তৰো (সী.)];

ভিক্খুসঙ্ঘে ঠিতো সন্তো, ইমা গাথা অভাসথ.

৪. ‘‘‘ইমিনা বীজনিদানেন, চিত্তস্স পণিধীহি [চেতনাপণিধীহি (অঞ্ঞত্থ)] চ;

কপ্পানং সতসহস্সং, ৱিনিপাতং ন গচ্ছতি’.

৫. ‘‘আৰদ্ধৱীৰিযো পহিতত্তো, চেতোগুণসমাহিতো;

জাতিযা সত্তৱস্সোহং, অৰহত্তং অপাপুণিং.

৬. ‘‘সট্ঠিকপ্পসহস্সম্হি, বীজমানসনামকা;

সোড়সাসিংসু ৰাজানো, চক্কৱত্তী মহব্বলা.

৭. ‘‘পটিসম্ভিদা চতস্সো, ৱিমোক্খাপি চ অট্ঠিমে;

ছড়ভিঞ্ঞা সচ্ছিকতা, কতং বুদ্ধস্স সাসনং’’.

ইত্থং সুদং আযস্মা ৱিধূপনদাযকো থেৰো ইমা গাথাযো অভাসিত্থাতি.

ৱিধূপনদাযকত্থেৰস্সাপদানং পঠমং.