৩. কাসুমাৰফলিযত্থেৰঅপদানং

৫১. ‘‘কণিকাৰংৱ জোতন্তং, নিসিন্নং পব্বতন্তৰে;

অদ্দসং ৱিৰজং বুদ্ধং, লোকজেট্ঠং নৰাসভং.

৫২. ‘‘পসন্নচিত্তো সুমনো, সিৰে কত্ৱান অঞ্জলিং;

কাসুমাৰিকমাদায, বুদ্ধসেট্ঠস্সদাসহং.

৫৩. ‘‘একতিংসে ইতো কপ্পে, যং ফলং অদদিং তদা;

দুগ্গতিং নাভিজানামি, ফলদানস্সিদং ফলং.

৫৪. ‘‘কিলেসা ঝাপিতা ময্হং…পে… ৱিহৰামি অনাসৱো.

৫৫. ‘‘স্ৱাগতং ৱত মে আসি…পে… কতং বুদ্ধস্স সাসনং.

৫৬. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা কাসুমাৰফলিযো থেৰো ইমা গাথাযো

অভাসিত্থাতি.

কাসুমাৰফলিযত্থেৰস্সাপদানং ততিযং.