৪. অৱটফলিযত্থেৰঅপদানং

৫৭. ‘‘সহস্সৰংসী ভগৱা, সযম্ভূ অপৰাজিতো;

ৱিৱেকা উট্ঠহিত্ৱান, গোচৰাযাভিনিক্খমি.

৫৮. ‘‘ফলহত্থো অহং দিস্ৱা, উপগচ্ছিং নৰাসভং;

পসন্নচিত্তো সুমনো, অৱটং অদদিং ফলং.

৫৯. ‘‘চতুন্নৱুতিতো কপ্পে, যং ফলং অদদিং তদা;

দুগ্গতিং নাভিজানামি, ফলদানস্সিদং ফলং.

৬০. ‘‘কিলেসা ঝাপিতা ময্হং…পে… ৱিহৰামি অনাসৱো.

৬১. ‘‘স্ৱাগতং ৱত মে আসি…পে… কতং বুদ্ধস্স সাসনং.

৬২. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা অৱটফলিযো থেৰো ইমা গাথাযো

অভাসিত্থাতি.

অৱটফলিযত্থেৰস্সাপদানং চতুত্থং.