৪. কিংসুকপুপ্ফিযত্থেৰঅপদানং

২৫. ‘‘কিংসুকং পুপ্ফিতং দিস্ৱা, পগ্গহেত্ৱান অঞ্জলিং;

বুদ্ধসেট্ঠং সৰিত্ৱান, আকাসে অভিপূজযিং.

২৬. ‘‘তেন কম্মেন সুকতেন, চেতনাপণিধীহি চ;

জহিত্ৱা মানুসং দেহং, তাৱতিংসমগচ্ছহং.

২৭. ‘‘একতিংসে ইতো কপ্পে, যং কম্মমকৰিং তদা;

দুগ্গতিং নাভিজানামি, বুদ্ধপূজাযিদং ফলং.

২৮. ‘‘কিলেসা ঝাপিতা ময্হং…পে… ৱিহৰামি অনাসৱো.

২৯. ‘‘স্ৱাগতং ৱত মে আসি…পে… কতং বুদ্ধস্স সাসনং.

৩০. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা কিংসুকপুপ্ফিযো থেৰো ইমা গাথাযো

অভাসিত্থাতি.

কিংসুকপুপ্ফিযত্থেৰস্সাপদানং চতুত্থং.