৭. সীহাসনিকত্থেৰঅপদানং

৪২. ‘‘পদুমুত্তৰস্স ভগৱতো, সব্বভূতহিতেসিনো;

পসন্নচিত্তো সুমনো, সীহাসনমদাসহং.

৪৩. ‘‘দেৱলোকে মনুস্সে ৱা, যত্থ যত্থ ৱসামহং;

লভামি ৱিপুলং ব্যম্হং, সীহাসনস্সিদং ফলং.

৪৪. ‘‘সোণ্ণমযা ৰূপিমযা, লোহিতঙ্গমযা [লোহিতঙ্কমযা (সী. স্যা. পী.)] বহূ;

মণিমযা চ পল্লঙ্কা, নিব্বত্তন্তি মমং সদা.

৪৫. ‘‘বোধিযা আসনং কত্ৱা, জলজুত্তমনামিনো;

উচ্চে কুলে পজাযামি, অহো ধম্মসুধম্মতা.

৪৬. ‘‘সতসহস্সিতো কপ্পে, সীহাসনমকাসহং;

দুগ্গতিং নাভিজানামি, সীহাসনস্সিদং ফলং.

৪৭. ‘‘কিলেসা ঝাপিতা ময্হং…পে… ৱিহৰামি অনাসৱো.

৪৮. ‘‘স্ৱাগতং ৱত মে আসি…পে… কতং বুদ্ধস্স সাসনং.

৪৯. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা সীহাসনিকো থেৰো ইমা গাথাযো

অভাসিত্থাতি.

সীহাসনিকত্থেৰস্সাপদানং সত্তমং.