৭. উচ্ছঙ্গপুপ্ফিযত্থেৰঅপদানং

১৪২. ‘‘নগৰে বন্ধুমতিযা, অহোসিং মালিকো তদা;

উচ্ছঙ্গং পূৰযিত্ৱান, অগমং অন্তৰাপণং.

১৪৩. ‘‘ভগৱা তম্হি সমযে, ভিক্খুসঙ্ঘপুৰক্খতো;

মহতা আনুভাৱেন, নিয্যাতি লোকনাযকো.

১৪৪. ‘‘দিস্ৱান লোকপজ্জোতং, ৱিপস্সিং লোকতাৰণং;

পুপ্ফং পগ্গয্হ উচ্ছঙ্গা, বুদ্ধসেট্ঠং অপূজযিং.

১৪৫. ‘‘একনৱুতিতো কপ্পে, যং পুপ্ফমভিপূজযিং;

দুগ্গতিং নাভিজানামি, বুদ্ধপূজাযিদং ফলং.

১৪৬. ‘‘কিলেসা ঝাপিতা ময্হং…পে… ৱিহৰামি অনাসৱো.

১৪৭. ‘‘স্ৱাগতং ৱত মে আসি…পে… কতং বুদ্ধস্স সাসনং.

১৪৮. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা উচ্ছঙ্গপুপ্ফিযো থেৰো ইমা গাথাযো অভাসিত্থাতি.

উচ্ছঙ্গপুপ্ফিযত্থেৰস্সাপদানং সত্তমং.