৩. উদুম্বৰফলদাযকত্থেৰঅপদানং

১৫. ‘‘ৱিনতানদিযা তীৰে, ৱিহাসি পুৰিসুত্তমো;

অদ্দসং ৱিৰজং বুদ্ধং, একগ্গং সুসমাহিতং.

১৬. ‘‘তস্মিং পসন্নমানসো, কিলেসমলধোৱনে;

উদুম্বৰফলং গয্হ, বুদ্ধসেট্ঠস্সদাসহং.

১৭. ‘‘একনৱুতিতো কপ্পে, যং ফলমদদিং তদা;

দুগ্গতিং নাভিজানামি, ফলদানস্সিদং ফলং.

১৮. ‘‘কিলেসা ঝাপিতা ময্হং…পে… ৱিহৰামি অনাসৱো.

১৯. ‘‘স্ৱাগতং ৱত মে আসি…পে… কতং বুদ্ধস্স সাসনং.

২০. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা উদুম্বৰফলদাযকো থেৰো ইমা গাথাযো অভাসিত্থাতি.

উদুম্বৰফলদাযকত্থেৰস্সাপদানং ততিযং.