১. মন্দাৰৱপুপ্ফিযত্থেৰঅপদানং

১. ‘‘তাৱতিংসা ইধাগন্ত্ৱা, মঙ্গলো নাম মাণৱো;

মন্দাৰৱং গহেত্ৱান, ৱিপস্সিস্স মহেসিনো.

২. ‘‘সমাধিনা নিসিন্নস্স, মত্থকে ধাৰযিং অহং;

সত্তাহং ধাৰযিত্ৱান, দেৱলোকং পুনাগমিং.

৩. ‘‘একনৱুতিতো কপ্পে, যং পুপ্ফমভিপূজযিং;

দুগ্গতিং নাভিজানামি, বুদ্ধপূজাযিদং ফলং.

৪. ‘‘পটিসম্ভিদা চতস্সো, ৱিমোক্খাপি চ অট্ঠিমে;

ছড়ভিঞ্ঞা সচ্ছিকতা, কতং বুদ্ধস্স সাসনং’’.

ইত্থং সুদং আযস্মা মন্দাৰৱপুপ্ফিযো থেৰো ইমা গাথাযো অভাসিত্থাতি.

মন্দাৰৱপুপ্ফিযত্থেৰস্সাপদানং পঠমং.