৫. ফলদাযকত্থেৰঅপদানং

২০. ‘‘ভাগীৰথীনদীতীৰে, অহোসি অস্সমো তদা;

তমহং অস্সমং গচ্ছিং, ফলহত্থো অপেক্খৱা.

২১. ‘‘ৱিপস্সিং তত্থ অদ্দক্খিং, পীতৰংসিংৱ ভাণুমং;

যং মে অত্থি ফলং সব্বং, অদাসিং সত্থুনো অহং.

২২. ‘‘একনৱুতিতো কপ্পে, যং ফলং অদদিং তদা;

দুগ্গতিং নাভিজানামি, ফলদানস্সিদং ফলং.

২৩. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা ফলদাযকো থেৰো ইমা গাথাযো অভাসিত্থাতি.

ফলদাযকত্থেৰস্সাপদানং পঞ্চমং.