৭. পুলিনপূজকত্থেৰঅপদানং

১৬৫. ‘‘ৱিপস্সিস্স ভগৱতো, বোধিযা পাদপুত্তমে;

পুৰাণপুলিনং হিত্ৱা [ছড্ডেত্ৱা (সী. স্যা.)], সুদ্ধপুলিনমাকিৰিং.

১৬৬. ‘‘একনৱুতিতো কপ্পে, যং পুলিনমদাসহং;

দুগ্গতিং নাভিজানামি, পুলিনদানস্সিদং ফলং.

১৬৭. ‘‘তিংসতিমে [তিপঞ্ঞাসে (সী. স্যা.)] ইতো কপ্পে, ৰাজা আসিং জনাধিভূ;

মহাপুলিননামেন, চক্কৱত্তী মহব্বলো.

১৬৮. ‘‘পটিসম্ভিদা চতস্সো, ৱিমোক্খাপি চ অট্ঠিমে;

ছড়ভিঞ্ঞা সচ্ছিকতা, কতং বুদ্ধস্স সাসনং’’.

ইত্থং সুদং আযস্মা পুলিনপূজকো থেৰো ইমা গাথাযো অভাসিত্থাতি.

পুলিনপূজকত্থেৰস্সাপদানং সত্তমং.