৪. একপুপ্ফিযত্থেৰঅপদানং

১৬. ‘‘দক্খিণম্হি দুৱাৰম্হি, পিসাচো আসহং তদা;

অদ্দসং ৱিৰজং বুদ্ধং, পীতৰংসিংৱ ভাণুমং.

১৭. ‘‘ৱিপস্সিস্স নৰগ্গস্স, সব্বলোকহিতেসিনো;

একপুপ্ফং মযা দিন্নং, দ্ৱিপদিন্দস্স তাদিনো.

১৮. ‘‘একনৱুতিতো কপ্পে, যং পুপ্ফমদদিং তদা;

দুগ্গতিং নাভিজানামি, বুদ্ধপূজাযিদং ফলং.

১৯. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা একপুপ্ফিযো থেৰো ইমা গাথাযো অভাসিত্থাতি.

একপুপ্ফিযত্থেৰস্সাপদানং চতুত্থং.