১. উদকাসনদাযকত্থেৰঅপদানং

১. ‘‘আৰামদ্ৱাৰা নিক্খম্ম, ফলকং সন্থৰিং অহং;

উদকঞ্চ উপট্ঠাসিং, উত্তমত্থস্স পত্তিযা.

২. ‘‘একত্তিংসে ইতো কপ্পে, যং কম্মমকৰিং তদা;

দুগ্গতিং নাভিজানামি, আসনে চোদকে ফলং.

৩. ‘‘ইতো পন্নৰসে কপ্পে, অভিসামসমৱ্হযো;

সত্তৰতনসম্পন্নো, চক্কৱত্তী মহব্বলো.

৪. ‘‘পটিসম্ভিদা চতস্সো, ৱিমোক্খাপি চ অট্ঠিমে;

ছড়ভিঞ্ঞা সচ্ছিকতা, কতং বুদ্ধস্স সাসনং’’.

ইত্থং সুদং আযস্মা উদকাসনদাযকো থেৰো ইমা গাথাযো অভাসিত্থাতি.

উদকাসনদাযকত্থেৰস্সাপদানং পঠমং.