২. পানধিদাযকত্থেৰঅপদানং

৬. ‘‘আৰঞ্ঞিকস্স ইসিনো, চিৰৰত্ততপস্সিনো [ঝাযিনো, মেত্তচিত্ততপস্সিনো (স্যা.)];

বুদ্ধস্স [ধম্মস্স (স্যা. ক.)] ভাৱিতত্তস্স, অদাসিং পানধিং অহং.

৭. ‘‘তেন কম্মেন দ্ৱিপদিন্দ, লোকজেট্ঠ নৰাসভ;

দিব্বযানং [সব্বং যানং (সী.)] অনুভোমি, পুব্বকম্মস্সিদং ফলং.

৮. ‘‘চতুন্নৱুতে ইতো কপ্পে, যং কম্মমকৰিং তদা;

দুগ্গতিং নাভিজানামি, পানধিস্স ইদং ফলং.

৯. ‘‘সত্তসত্ততিতো কপ্পে, অট্ঠ আসিংসু খত্তিযা;

সুযানা নাম নামেন, চক্কৱত্তী মহব্বলা.

১০. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা পানধিদাযকো থেৰো ইমা গাথাযো অভাসিত্থাতি.

পানধিদাযকত্থেৰস্সাপদানং দুতিযং.