২. বন্ধুজীৱকত্থেৰঅপদানং

৬. ‘‘সিদ্ধত্থো নাম সম্বুদ্ধো, সযম্ভূ সব্ভি ৱণ্ণিতো;

সমাধিং সো সমাপন্নো, নিসীদি পব্বতন্তৰে.

৭. ‘‘জাতস্সৰে গৱেসন্তো, দকজং পুপ্ফমুত্তমং;

বন্ধুজীৱকপুপ্ফানি, অদ্দসং সমনন্তৰং.

৮. ‘‘উভো হত্থেহি পগ্গয্হ, উপাগচ্ছিং মহামুনিং;

পসন্নচিত্তো সুমনো, সিদ্ধত্থস্সাভিৰোপযিং.

৯. ‘‘চতুন্নৱুতিতো কপ্পে, যং পুপ্ফমভিৰোপযিং;

দুগ্গতিং নাভিজানামি, বুদ্ধপূজাযিদং ফলং.

১০. ‘‘ইতো চাতুদ্দসে কপ্পে, একো আসিং জনাধিপো;

সমুদ্দকপ্পো নামেন, চক্কৱত্তী মহব্বলো.

১১. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা বন্ধুজীৱকো থেৰো ইমা গাথাযো অভাসিত্থাতি.

বন্ধুজীৱকত্থেৰস্সাপদানং দুতিযং.