১. কুটজপুপ্ফিযত্থেৰঅপদানং

১. ‘‘সুৱণ্ণৱণ্ণং সম্বুদ্ধং, সতৰংসিংৱ উগ্গতং;

দিসং অনুৱিলোকেন্তং, গচ্ছন্তং অনিলঞ্জসে.

২. ‘‘কুটজং পুপ্ফিতং দিস্ৱা, সংৱিত্থতসমোত্থতং;

ৰুক্খতো ওচিনিত্ৱান, ফুস্সস্স অভিৰোপযিং.

৩. ‘‘দ্ৱেনৱুতে ইতো কপ্পে, যং পুপ্ফমভিৰোপযিং;

দুগ্গতিং নাভিজানামি, বুদ্ধপূজাযিদং ফলং.

৪. ‘‘ইতো সত্তৰসে কপ্পে, তযো আসুং সুপুপ্ফিতা;

সত্তৰতনসম্পন্না, চক্কৱত্তী মহব্বলা.

৫. ‘‘পটিসম্ভিদা চতস্সো, ৱিমোক্খাপি চ অট্ঠিমে;

ছড়ভিঞ্ঞা সচ্ছিকতা, কতং বুদ্ধস্স সাসনং’’.

ইত্থং সুদং আযস্মা কুটজপুপ্ফিযো থেৰো ইমা গাথাযো অভাসিত্থাতি.

কুটজপুপ্ফিযত্থেৰস্সাপদানং পঠমং.