২. সুচিন্তিকত্থেৰঅপদানং

৮. ‘‘তিস্সস্স লোকনাথস্স, সুদ্ধপীঠমদাসহং;

হট্ঠো হট্ঠেন চিত্তেন, বুদ্ধস্সাদিচ্চবন্ধুনো.

৯. ‘‘অট্ঠাৰসে [অট্ঠতিংসে (সী. স্যা.)] ইতো কপ্পে, ৰাজা আসিং মহাৰুচি;

ভোগো চ ৱিপুলো আসি, সযনঞ্চ অনপ্পকং.

১০. ‘‘পীঠং বুদ্ধস্স দত্ৱান, ৱিপ্পসন্নেন চেতসা;

অনুভোমি সকং কম্মং, পুব্বে সুকতমত্তনো.

১১. ‘‘দ্ৱেনৱুতে ইতো কপ্পে, যং পীঠমদদিং তদা;

দুগ্গতিং নাভিজানামি, পীঠদানস্সিদং ফলং.

১২. ‘‘অট্ঠতিংসে ইতো কপ্পে, তযো তে চক্কৱত্তিনো;

ৰুচি উপৰুচি চেৱ, মহাৰুচি ততিযকো.

১৩. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা সুচিন্তিকো থেৰো ইমা গাথাযো অভাসিত্থাতি.

সুচিন্তিকত্থেৰস্সাপদানং দুতিযং.