১০. দসমসিক্খাপদৱণ্ণনা

৯৭৩. দসমে – আহুন্দৰিকাতি সম্বাধা.

৯৭৫. ধুৰং নিক্খিত্তমত্তেতি সচেপি ধুৰং নিক্খিপিত্ৱা পচ্ছা পক্কমতি, আপত্তিযেৱাতি অত্থো. পৱাৰেত্ৱা পঞ্চ যোজনানি গচ্ছন্তিযাপি অনাপত্তি. ছসু ৱত্তব্বমেৱ নত্থি. সচে পন তীণি গন্ত্ৱা তেনেৱ মগ্গেন পচ্চাগচ্ছতি, ন ৱট্টতি. অঞ্ঞেন মগ্গেন আগন্তুং ৱট্টতি.

৯৭৬. অন্তৰাযেতি দসৱিধে অন্তৰাযে – পৰং গচ্ছিস্সামীতি নিক্খন্তা, নদীপূৰো পন আগতো, চোৰা ৱা মগ্গে হোন্তি, মেঘো ৱা উট্ঠাতি, নিৱত্তিতুং ৱট্টতি. সেসং উত্তানমেৱ. পঠমপাৰাজিকসমুট্ঠানং – অকিৰিযং, সঞ্ঞাৱিমোক্খং, সচিত্তকং, লোকৱজ্জং, কাযকম্মং, অকুসলচিত্তং, দুক্খৱেদনন্তি.

দসমসিক্খাপদং.

তুৱট্টৱগ্গো চতুত্থো.