৫. পঞ্চমসিক্খাপদৱণ্ণনা

৯০৩. পঞ্চমে – চীৱৰসঙ্কমনীযন্তি সঙ্কমেতব্বং চীৱৰং; অঞ্ঞিস্সা সন্তকং অনাপুচ্ছা গহিতং পুন পটিদাতব্বচীৱৰন্তি অত্থো.

৯০৬. আপদাসূতি সচে অপাৰুতং ৱা অনিৱত্থং ৱা চোৰা হৰন্তি, এৱৰূপাসু আপদাসু ধাৰেন্তিযা অনাপত্তি. সেসং উত্তানমেৱ. কথিনসমুট্ঠানং – কিৰিযাকিৰিযং, নোসঞ্ঞাৱিমোক্খং, অচিত্তকং, পণ্ণত্তিৱজ্জং, কাযকম্মং, ৱচীকম্মং, তিচিত্তং, তিৱেদনন্তি.

পঞ্চমসিক্খাপদং.