১০. গিলানদস্সনসুত্তৱণ্ণনা

৩৫২. দসমে আৰামদেৱতাতি পুপ্ফাৰামফলাৰামেসু অধিৱত্থা দেৱতা. ৱনদেৱতাতি ৱনসণ্ডেসু অধিৱত্থা দেৱতা. ৰুক্খদেৱতাতি মত্তৰাজকালে ৱেস্সৱণো চ দেৱতাতি এৱং তেসু তেসু ৰুক্খেসু অধিৱত্থা দেৱতা. ওসধিতিণৱনপ্পতীসূতি হৰীতকামলকীআদীসু মুঞ্জপব্বজাদীসু ৱনজেট্ঠৰুক্খেসু চ অধিৱত্থা দেৱতা. সংগম্মাতি সন্নিপতিত্ৱা. সমাগম্মাতি ততো ততো সমাগন্ত্ৱা. পণিধেহীতি পত্থনাৱসেন ঠপেহি. ইজ্ঝিস্সতি সীলৱতো চেতোপণিধীতি সমিজ্ঝিস্সতি সীলৱন্তস্স চিত্তপত্থনা. ধম্মিকোতি দসকুসলধম্মসমন্নাগতো অগতিগমনৰহিতো. ধম্মৰাজাতি তস্সেৱ ৱেৱচনং, ধম্মেন ৱা লদ্ধৰজ্জত্তা ধম্মৰাজা. তস্মাতি ‘‘যস্মা তেন হি, অয্যপুত্ত, অম্হেপি ওৱদাহী’’তি ৱদথ, তস্মা. অপ্পটিৱিভত্তন্তি ‘‘ইদং ভিক্খূনং দস্সাম, ইদং অত্তনা ভুঞ্জিস্সামা’’তি এৱং অৱিভত্তং ভিক্খূহি সদ্ধিং সাধাৰণমেৱ ভৱিস্সতীতি.

চিত্তসংযুত্তৱণ্ণনা নিট্ঠিতা.