৮. ততিযওৱাদসুত্তৱণ্ণনা

১৫১. অট্ঠমে তথা হি পনাতি পুব্বে সোৱচস্সতায, এতৰহি চ দোৱচস্সতায কাৰণপট্ঠপনে নিপাতো. তত্ৰাতি তেসু থেৰেসু. কো নামাযং ভিক্খূতি কো নামো অযং ভিক্খু? কিং তিস্সত্থেৰো কিং নাগত্থেৰোতি? তত্ৰাতি তস্মিং এৱং সক্কাৰে কযিৰমানে. তথত্তাযাতি তথাভাৱায, আৰঞ্ঞিকাদিভাৱাযাতি অত্থো. সব্ৰহ্মচাৰিকামোতি ‘‘ইমে মং পৰিৱাৰেত্ৱা চৰন্তূ’’তি এৱং কামেতি ইচ্ছতি পত্থেতীতি সব্ৰহ্মচাৰিকামো. তথত্তাযাতি লাভসক্কাৰনিব্বত্তনত্থায. ব্ৰহ্মচাৰুপদ্দৱেনাতি যো সব্ৰহ্মচাৰীনং চতূসু পচ্চযেসু অধিমত্তচ্ছন্দৰাগো উপদ্দৱোতি ৱুচ্চতি, তেন উপদ্দুতা. অভিপত্থনাতি অধিমত্তপত্থনা. ব্ৰহ্মচাৰিঅভিপত্থনেনাতি ব্ৰহ্মচাৰীনং অধিমত্তপত্থনাসঙ্খাতেন চতুপচ্চযভাৱেন. অট্ঠমং.