১০-১১. আঘাতপটিৱিনযসুত্তাদিৱণ্ণনা
৩০-৩১. দসমে আঘাতপটিৱিনযাতি আঘাতস্স পটিৱিনযকাৰণানি. তং কুতেত্থ লব্ভাতি ‘‘তং অনত্থচৰণং মা অহোসী’’তি এতস্মিং পুগ্গলে কুতো লব্ভা, কেন কাৰণেন সক্কা লদ্ধুং, ‘‘পৰো নাম পৰস্স অত্তনো চিত্তৰুচিযা অনত্থং কৰোতী’’তি এৱং চিন্তেত্ৱা আঘাতং পটিৱিনেতি. অথ ৱা সচাহং কোপং কৰেয্যং, তং কোপকৰণং এত্থ পুগ্গলে কুতো লব্ভা, কেন কাৰণেন লদ্ধব্বন্তি অত্থো. কুতো লাভাতিপি পাঠো. সচাহং এত্থ কোপং কৰেয্যং, তস্মিং মে কোপকৰণে কুতো লাভা লাভা, নাম কে সিযুন্তি অত্থো. ইমস্মিঞ্চ অত্থে তন্তি নিপাতমত্তমেৱ হোতি. একাদসমে অনুপুব্বনিৰোধাতি অনুপটিপাটিনিৰোধা. সেসং সব্বত্থ উত্তানত্থমেৱাতি.
সত্তাৱাসৱগ্গো ততিযো.