৫. পচ্চুপ্পন্নানাগতৱাৰো

(ক) অনুলোমং

৪৬৭. (ক) যো চক্খুন্দ্ৰিযং পৰিজানাতি সো দোমনস্সিন্দ্ৰিযং পজহিস্সতীতি? নো.

(খ) যো ৱা পন দোমনস্সিন্দ্ৰিযং পজহিস্সতি সো চক্খুন্দ্ৰিযং পৰিজানাতীতি? নো.

(ক) যো চক্খুন্দ্ৰিযং পৰিজানাতি সো অনঞ্ঞাতঞ্ঞস্সামীতিন্দ্ৰিযং ভাৱেস্সতীতি? নো.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ভাৱেস্সতি সো চক্খুন্দ্ৰিযং পৰিজানাতীতি? নো.

(ক) যো চক্খুন্দ্ৰিযং পৰিজানাতি সো অঞ্ঞিন্দ্ৰিযং ভাৱেস্সতীতি? নো.

(খ) যো ৱা পন অঞ্ঞিন্দ্ৰিযং ভাৱেস্সতি সো চক্খুন্দ্ৰিযং পৰিজানাতীতি? নো.

(ক) যো চক্খুন্দ্ৰিযং পৰিজানাতি সো অঞ্ঞাতাৱিন্দ্ৰিযং সচ্ছিকৰিস্সতীতি? আমন্তা.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিস্সতি সো চক্খুন্দ্ৰিযং পৰিজানাতীতি?

সত্ত পুগ্গলা অঞ্ঞাতাৱিন্দ্ৰিযং সচ্ছিকৰিস্সন্তি, নো চ চক্খুন্দ্ৰিযং পৰিজানন্তি. অগ্গমগ্গসমঙ্গী অঞ্ঞাতাৱিন্দ্ৰিযঞ্চ সচ্ছিকৰিস্সতি চক্খুন্দ্ৰিযঞ্চ পৰিজানাতি. (চক্খুন্দ্ৰিযমূলকং)

৪৬৮. (ক) যো দোমনস্সিন্দ্ৰিযং পজহতি সো অনঞ্ঞাতঞ্ঞস্সামীতিন্দ্ৰিযং ভাৱেস্সতীতি? নো.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ভাৱেস্সতি সো দোমনস্সিন্দ্ৰিযং পজহতীতি? নো.

(ক) যো দোমনস্সিন্দ্ৰিযং পজহতি সো অঞ্ঞিন্দ্ৰিযং ভাৱেস্সতীতি? আমন্তা.

(খ) যো ৱা পন অঞ্ঞিন্দ্ৰিযং ভাৱেস্সতি সো দোমনস্সিন্দ্ৰিযং পজহতীতি?

ছ পুগ্গলা অঞ্ঞিন্দ্ৰিযং ভাৱেস্সন্তি, নো চ দোমনস্সিন্দ্ৰিযং পজহন্তি অনাগামিমগ্গসমঙ্গি অঞ্ঞিন্দ্ৰিযঞ্চ ভাৱেস্সন্তি, দোমনস্সিন্দ্ৰিযঞ্চ পজহন্তি.

(ক) যো দোমনস্সিন্দ্ৰিযং পজহতি সো অঞ্ঞাতাৱিন্দ্ৰিযং সচ্ছিকৰিস্সতীতি? আমন্তা.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিস্সতি সো দোমনস্সিন্দ্ৰিযং পজহতীতি?

সত্ত পুগ্গলা অঞ্ঞাতাৱিন্দ্ৰিযং সচ্ছিকৰিস্সন্তি, নো চ দোমনস্সিন্দ্ৰিযং পজহন্তি. অনাগামিমগ্গসমঙ্গী অঞ্ঞাতাৱিন্দ্ৰিযঞ্চ সচ্ছিকৰিস্সতি দোমনস্সিন্দ্ৰিযঞ্চ পজহতি. (দোমনস্সিন্দ্ৰিযমূলকং)

৪৬৯. (ক) যো অনঞ্ঞাতঞ্ঞস্সামীতিন্দ্ৰিযং ভাৱেতি সো অঞ্ঞিন্দ্ৰিযং ভাৱেস্সতীতি? আমন্তা.

(খ) যো ৱা পন অঞ্ঞিন্দ্ৰিযং ভাৱেস্সতি সো অনঞ্ঞাতঞ্ঞস্সামীতিন্দ্ৰিযং ভাৱেতীতি?

ছ পুগ্গলা অঞ্ঞিন্দ্ৰিযং ভাৱেস্সন্তি, নো চ অনঞ্ঞাতঞ্ঞস্সামীতিন্দ্ৰিযং ভাৱেন্তি. অট্ঠমকো অঞ্ঞিন্দ্ৰিযঞ্চ ভাৱেস্সতি অনঞ্ঞাতঞ্ঞস্সামীতিন্দ্ৰিযঞ্চ ভাৱেতি.

(ক) যো অনঞ্ঞাতঞ্ঞস্সামীতিন্দ্ৰিযং ভাৱেতি সো অঞ্ঞাতাৱিন্দ্ৰিযং সচ্ছিকৰিস্সতীতি? আমন্তা.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিস্সতি সো অনঞ্ঞাতঞ্ঞস্সামীতিন্দ্ৰিযং ভাৱেতীতি?

সত্ত পুগ্গলা অঞ্ঞাতাৱিন্দ্ৰিযং সচ্ছিকৰিস্সন্তি, নো চ অনঞ্ঞাতঞ্ঞস্সামীতিন্দ্ৰিযং ভাৱেন্তি. অট্ঠমকো অঞ্ঞাতাৱিন্দ্ৰিযঞ্চ সচ্ছিকৰিস্সতি অনঞ্ঞাতঞ্ঞস্সামীতিন্দ্ৰিযঞ্চ ভাৱেতি. (অনঞ্ঞাতঞ্ঞস্সামীতিন্দ্ৰিযমূলকং)

৪৭০. (ক) যো অঞ্ঞিন্দ্ৰিযং ভাৱেতি সো অঞ্ঞাতাৱিন্দ্ৰিযং সচ্ছিকৰিস্সতীতি? আমন্তা.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিস্সতি সো অঞ্ঞিন্দ্ৰিযং ভাৱেতীতি?

পঞ্চ পুগ্গলা অঞ্ঞাতাৱিন্দ্ৰিযং সচ্ছিকৰিস্সন্তি, নো চ অঞ্ঞিন্দ্ৰিযং ভাৱেন্তি. তযো মগ্গসমঙ্গিনো অঞ্ঞাতাৱিন্দ্ৰিযঞ্চ সচ্ছিকৰিস্সন্তি অঞ্ঞিন্দ্ৰিযঞ্চ ভাৱেন্তি. (অঞ্ঞিন্দ্ৰিযমূলকং)

(খ) পচ্চনীকং

৪৭১. (ক) যো চক্খুন্দ্ৰিযং ন পৰিজানাতি সো দোমনস্সিন্দ্ৰিযং নপ্পজহিস্সতীতি?

পঞ্চ পুগ্গলা চক্খুন্দ্ৰিযং ন পৰিজানন্তি, নো চ দোমনস্সিন্দ্ৰিযং নপ্পজহিস্সন্তি. চত্তাৰো পুগ্গলা চক্খুন্দ্ৰিযঞ্চ ন পৰিজানন্তি দোমনস্সিন্দ্ৰিযঞ্চ নপ্পজহিস্সন্তি.

(খ) যো ৱা পন দোমনস্সিন্দ্ৰিযং নপ্পজহিস্সতি সো চক্খুন্দ্ৰিযং ন পৰিজানাতীতি?

অগ্গমগ্গসমঙ্গী দোমনস্সিন্দ্ৰিযং নপ্পজহিস্সতি, নো চ চক্খুন্দ্ৰিযং ন পৰিজানাতি. চত্তাৰো পুগ্গলা দোমনস্সিন্দ্ৰিযঞ্চ নপ্পজহিস্সন্তি চক্খুন্দ্ৰিযঞ্চ ন পৰিজানন্তি.

(ক) যো চক্খুন্দ্ৰিযং ন পৰিজানাতি সো অনঞ্ঞাতঞ্ঞস্সামীতিন্দ্ৰিযং ন ভাৱেস্সতীতি?

যে পুথুজ্জনা মগ্গং পটিলভিস্সন্তি তে চক্খুন্দ্ৰিযং ন পৰিজানন্তি, নো চ অনঞ্ঞাতঞ্ঞস্সামীতিন্দ্ৰিযং ন ভাৱেস্সন্তি. অট্ঠ পুগ্গলা চক্খুন্দ্ৰিযঞ্চ ন পৰিজানন্তি অনঞ্ঞাতঞ্ঞস্সামীতিন্দ্ৰিযঞ্চ ন ভাৱেস্সন্তি.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ন ভাৱেস্সতি সো চক্খুন্দ্ৰিযং ন পৰিজানাতীতি?

অগ্গমগ্গসমঙ্গী অনঞ্ঞাতঞ্ঞস্সামীতিন্দ্ৰিযং ন ভাৱেস্সতি, নো চ চক্খুন্দ্ৰিযং ন পৰিজানাতি. অট্ঠ পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেস্সন্তি চক্খুন্দ্ৰিযঞ্চ ন পৰিজানন্তি.

(ক) যো চক্খুন্দ্ৰিযং ন পৰিজানাতি সো অঞ্ঞিন্দ্ৰিযং ন ভাৱেস্সতীতি?

সত্ত পুগ্গলা চক্খুন্দ্ৰিযং ন পৰিজানন্তি, নো চ অঞ্ঞিন্দ্ৰিযং ন ভাৱেস্সন্তি. দ্ৱে পুগ্গলা চক্খুন্দ্ৰিযঞ্চ ন পৰিজানন্তি অঞ্ঞিন্দ্ৰিযঞ্চ ন ভাৱেস্সন্তি.

(খ) যো ৱা পন অঞ্ঞিন্দ্ৰিযং ন ভাৱেস্সতি সো চক্খুন্দ্ৰিযং ন পৰিজানাতীতি?

অগ্গমগ্গসমঙ্গী অঞ্ঞিন্দ্ৰিযং ন ভাৱেস্সতি, নো চ চক্খুন্দ্ৰিযং ন পৰিজানাতি. দ্ৱে পুগ্গলা অঞ্ঞিন্দ্ৰিযঞ্চ ন ভাৱেস্সন্তি চক্খুন্দ্ৰিযঞ্চ ন পৰিজানন্তি.

(ক) যো চক্খুন্দ্ৰিযং ন পৰিজানাতি সো অঞ্ঞাতাৱিন্দ্ৰিযং ন সচ্ছিকৰিস্সতীতি?

সত্ত পুগ্গলা চক্খুন্দ্ৰিযং ন পৰিজানন্তি, নো চ অঞ্ঞাতাৱিন্দ্ৰিযং ন সচ্ছিকৰিস্সন্তি. দ্ৱে পুগ্গলা চক্খুন্দ্ৰিযঞ্চ ন পৰিজানন্তি অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিস্সতি সো চক্খুন্দ্ৰিযং ন পৰিজানাতীতি? আমন্তা. (চক্খুন্দ্ৰিযমূলকং)

৪৭২. (ক) যো দোমনস্সিন্দ্ৰিযং নপ্পজহতি সো অনঞ্ঞাতঞ্ঞস্সামীতিন্দ্ৰিযং ন ভাৱেস্সতীতি?

যে পুথুজ্জনা মগ্গং পটিলভিস্সন্তি তে দোমনস্সিন্দ্ৰিযং নপ্পজহন্তি, নো চ অনঞ্ঞাতঞ্ঞস্সামীতিন্দ্ৰিযং ন ভাৱেস্সন্তি. অট্ঠ পুগ্গলা দোমনস্সিন্দ্ৰিযঞ্চ নপ্পজহন্তি অনঞ্ঞাতঞ্ঞস্সামীতিন্দ্ৰিযঞ্চ ন ভাৱেস্সন্তি.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ন ভাৱেস্সতি সো দোমনস্সিন্দ্ৰিযং নপ্পজহতীতি?

অনাগামিমগ্গসমঙ্গী অনঞ্ঞাতঞ্ঞস্সামীতিন্দ্ৰিযং ন ভাৱেস্সতি, নো চ দোমনস্সিন্দ্ৰিযং নপ্পজহতি. অট্ঠ পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেস্সন্তি দোমনস্সিন্দ্ৰিযঞ্চ নপ্পজহন্তি.

(ক) যো দোমনস্সিন্দ্ৰিযং নপ্পজহতি সো অঞ্ঞিন্দ্ৰিযং ন ভাৱেস্সতীতি?

ছ পুগ্গলা দোমনস্সিন্দ্ৰিযং নপ্পজহন্তি, নো চ অঞ্ঞিন্দ্ৰিযং ন ভাৱেস্সন্তি. তযো পুগ্গলা দোমনস্সিন্দ্ৰিযঞ্চ নপ্পজহন্তি অঞ্ঞিন্দ্ৰিযঞ্চ ন ভাৱেস্সন্তি.

(খ) যো ৱা পন অঞ্ঞিন্দ্ৰিযং ন ভাৱেস্সতি সো দোমনস্সিন্দ্ৰিযং নপ্পজহতীতি? আমন্তা.

(ক) যো দোমনস্সিন্দ্ৰিযং নপ্পজহতি সো অঞ্ঞাতাৱিন্দ্ৰিযং ন সচ্ছিকৰিস্সতীতি?

সত্ত পুগ্গলা দোমনস্সিন্দ্ৰিযং নপ্পজহন্তি, নো চ অঞ্ঞাতাৱিন্দ্ৰিযং ন সচ্ছিকৰিস্সন্তি. দ্ৱে পুগ্গলা দোমনস্সিন্দ্ৰিযঞ্চ নপ্পজহন্তি অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিস্সতি সো দোমনস্সিন্দ্ৰিযং নপ্পজহতীতি? আমন্তা. (দোমনস্সিন্দ্ৰিযমূলকং)

৪৭৩. (ক) যো অনঞ্ঞাতঞ্ঞস্সামীতিন্দ্ৰিযং ন ভাৱেতি সো অঞ্ঞিন্দ্ৰিযং ন ভাৱেস্সতীতি?

ছ পুগ্গলা অনঞ্ঞাতঞ্ঞস্সামীতিন্দ্ৰিযং ন ভাৱেন্তি, নো চ অঞ্ঞিন্দ্ৰিযং ন ভাৱেস্সন্তি. তযো পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি অঞ্ঞিন্দ্ৰিযঞ্চ ন ভাৱেস্সন্তি.

(খ) যো ৱা পন অঞ্ঞিন্দ্ৰিযং ন ভাৱেস্সতি সো অনঞ্ঞাতঞ্ঞস্সামীতিন্দ্ৰিযং ন ভাৱেতীতি? আমন্তা.

(ক) যো অনঞ্ঞাতঞ্ঞস্সামীতিন্দ্ৰিযং ন ভাৱেতি সো অঞ্ঞাতাৱিন্দ্ৰিযং ন সচ্ছিকৰিস্সতীতি?

সত্ত পুগ্গলা অনঞ্ঞাতঞ্ঞস্সামীতিন্দ্ৰিযং ন ভাৱেন্তি, নো চ অঞ্ঞাতাৱিন্দ্ৰিযং ন সচ্ছিকৰিস্সন্তি. দ্ৱে পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিস্সতি সো অনঞ্ঞাতঞ্ঞস্সামীতিন্দ্ৰিযং ন ভাৱেতীতি? আমন্তা. (অনঞ্ঞাতঞ্ঞস্সামীতিন্দ্ৰিযমূলকং)

৪৭৪. (ক) যো অঞ্ঞিন্দ্ৰিযং ন ভাৱেতি সো অঞ্ঞাতাৱিন্দ্ৰিযং ন সচ্ছিকৰিস্সতীতি?

পঞ্চ পুগ্গলা অঞ্ঞিন্দ্ৰিযং ন ভাৱেন্তি, নো চ অঞ্ঞাতাৱিন্দ্ৰিযং ন সচ্ছিকৰিস্সন্তি. দ্ৱে পুগ্গলা অঞ্ঞিন্দ্ৰিযঞ্চ ন ভাৱেন্তি অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিস্সতি সো অঞ্ঞিন্দ্ৰিযং ন ভাৱেতীতি? আমন্তা. (অঞ্ঞিন্দ্ৰিযমূলকং)