৬. অতীতানাগতৱাৰো

(ক) অনুলোমং

৪৭৫. (ক) যো চক্খুন্দ্ৰিযং পৰিজানিত্থ সো দোমনস্সিন্দ্ৰিযং পজহিস্সতীতি? নো.

(খ) যো ৱা পন দোমনস্সিন্দ্ৰিযং পজহিস্সতি সো চক্খুন্দ্ৰিযং পৰিজানিত্থাতি? নো.

(ক) যো চক্খুন্দ্ৰিযং পৰিজানিত্থ সো অনঞ্ঞাতঞ্ঞস্সামীতিন্দ্ৰিযং ভাৱেস্সতীতি? নো.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ভাৱেস্সতি সো চক্খুন্দ্ৰিযং পৰিজানিত্থাতি? নো.

(ক) যো চক্খুন্দ্ৰিযং পৰিজানিত্থ সো অঞ্ঞিন্দ্ৰিযং ভাৱেস্সতীতি? নো.

(খ) যো ৱা পন অঞ্ঞিন্দ্ৰিযং ভাৱেস্সতি সো চক্খুন্দ্ৰিযং পৰিজানিত্থাতি? নো.

(ক) যো চক্খুন্দ্ৰিযং পৰিজানিত্থ সো অঞ্ঞাতাৱিন্দ্ৰিযং সচ্ছিকৰিস্সতীতি? নো.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিস্সতি সো চক্খুন্দ্ৰিযং পৰিজানিত্থাতি? নো. (চক্খুন্দ্ৰিযমূলকং)

৪৭৬. (ক) যো দোমনস্সিন্দ্ৰিযং পজহিত্থ সো অনঞ্ঞাতঞ্ঞস্সামীতিন্দ্ৰিযং ভাৱেস্সতীতি? নো.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ভাৱেস্সতি সো দোমনস্সিন্দ্ৰিযং পজহিত্থাতি? নো.

(ক) যো দোমনস্সিন্দ্ৰিযং পজহিত্থ সো অঞ্ঞিন্দ্ৰিযং ভাৱেস্সতীতি?

দ্ৱে পুগ্গলা দোমনস্সিন্দ্ৰিযং পজহিত্থ, নো চ অঞ্ঞিন্দ্ৰিযং ভাৱেস্সন্তি. অনাগামী দোমনস্সিন্দ্ৰিযঞ্চ পজহিত্থ অঞ্ঞিন্দ্ৰিযঞ্চ ভাৱেস্সতি.

(খ) যো ৱা পন অঞ্ঞিন্দ্ৰিযং ভাৱেস্সতি সো দোমনস্সিন্দ্ৰিযং পজহিত্থাতি?

ছ পুগ্গলা অঞ্ঞিন্দ্ৰিযং ভাৱেস্সন্তি, নো চ দোমনস্সিন্দ্ৰিযং পজহিত্থ. অনাগামী অঞ্ঞিন্দ্ৰিযঞ্চ ভাৱেস্সতি দোমনস্সিন্দ্ৰিযঞ্চ পজহিত্থ.

(ক) যো দোমনস্সিন্দ্ৰিযং পজহিত্থ সো অঞ্ঞাতাৱিন্দ্ৰিযং সচ্ছিকৰিস্সতীতি?

অৰহা দোমনস্সিন্দ্ৰিযং পজহিত্থ, নো চ অঞ্ঞাতাৱিন্দ্ৰিযং সচ্ছিকৰিস্সতি. দ্ৱে পুগ্গলা দোমনস্সিন্দ্ৰিযঞ্চ পজহিত্থ অঞ্ঞাতাৱিন্দ্ৰিযঞ্চ সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিস্সতি সো দোমনস্সিন্দ্ৰিযং পজহিত্থাতি?

ছ পুগ্গলা অঞ্ঞাতাৱিন্দ্ৰিযং সচ্ছিকৰিস্সন্তি, নো চ দোমনস্সিন্দ্ৰিযং পজহিত্থ. দ্ৱে পুগ্গলা অঞ্ঞাতাৱিন্দ্ৰিযঞ্চ সচ্ছিকৰিস্সন্তি দোমনস্সিন্দ্ৰিযঞ্চ পজহিত্থ. (দোমনস্সিন্দ্ৰিযমূলকং)

৪৭৭. (ক) যো অনঞ্ঞাতঞ্ঞস্সামীতিন্দ্ৰিযং ভাৱিত্থ সো অঞ্ঞিন্দ্ৰিযং ভাৱেস্সতীতি?

দ্ৱে পুগ্গলা অনঞ্ঞাতঞ্ঞস্সামীতিন্দ্ৰিযং ভাৱিত্থ, নো চ অঞ্ঞিন্দ্ৰিযং ভাৱেস্সন্তি. পঞ্চ পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ভাৱিত্থ অঞ্ঞিন্দ্ৰিযঞ্চ ভাৱেস্সন্তি.

(খ) যো ৱা পন অঞ্ঞিন্দ্ৰিযং ভাৱেস্সতি. সো অনঞ্ঞাতঞ্ঞস্সামীতিন্দ্ৰিযং ভাৱিত্থাতি?

দ্ৱে পুগ্গলা অঞ্ঞিন্দ্ৰিযং ভাৱেস্সন্তি নো চ অনঞ্ঞাতঞ্ঞস্সামীতিন্দ্ৰিযং ভাৱিত্থ. তযো পুগ্গলা অঞ্ঞিন্দ্ৰিযঞ্চ ভাৱেস্সন্তি অনঞ্ঞাতঞ্ঞস্সামীতিন্দ্ৰিযঞ্চ ভাৱিত্থ.

(ক) যো অনঞ্ঞাতঞ্ঞস্সামীতিন্দ্ৰিযং ভাৱিত্থ সো অঞ্ঞাতাৱিন্দ্ৰিযং সচ্ছিকৰিস্সতীতি?

অৰহা অনঞ্ঞাতঞ্ঞস্সামীতিন্দ্ৰিযং ভাৱিত্থ, নো চ অঞ্ঞাতাৱিন্দ্ৰিযং সচ্ছিকৰিস্সতি. ছ পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ভাৱিত্থ অঞ্ঞাতাৱিন্দ্ৰিযঞ্চ সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিস্সতি সো অনঞ্ঞাতঞ্ঞস্সামীতিন্দ্ৰিযং ভাৱিত্থাতি?

দ্ৱে পুগ্গলা অঞ্ঞাতাৱিন্দ্ৰিযং সচ্ছিকৰিস্সন্তি, নো চ অনঞ্ঞাতঞ্ঞস্সামীতিন্দ্ৰিযং ভাৱিত্থ. ছ পুগ্গলা অঞ্ঞাতাৱিন্দ্ৰিযঞ্চ সচ্ছিকৰিস্সন্তি অনঞ্ঞাতঞ্ঞস্সামীতিন্দ্ৰিযঞ্চ ভাৱিত্থ. (অনঞ্ঞাতঞ্ঞস্সামীতিন্দ্ৰিযমূলকং)

৪৭৮. (ক) যো অঞ্ঞিন্দ্ৰিযং ভাৱিত্থ সো অঞ্ঞাতাৱিন্দ্ৰিযং সচ্ছিকৰিস্সতীতি? নো.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিস্সতি সো অঞ্ঞিন্দ্ৰিযং ভাৱিত্থাতি? নো. (অঞ্ঞিন্দ্ৰিযমূলকং)

(খ) পচ্চনীকং

৪৭৯. (ক) যো চক্খুন্দ্ৰিযং ন পৰিজানিত্থ সো দোমনস্সিন্দ্ৰিযং নপ্পজহিস্সতীতি?

পঞ্চ পুগ্গলা চক্খুন্দ্ৰিযং ন পৰিজানিত্থ, নো চ দোমনস্সিন্দ্ৰিযং নপ্পজহিস্সন্তি. চত্তাৰো পুগ্গলা চক্খুন্দ্ৰিযঞ্চ ন পৰিজানিত্থ দোমনস্সিন্দ্ৰিযঞ্চ নপ্পজহিস্সন্তি.

(খ) যো ৱা পন দোমনস্সিন্দ্ৰিযং নপ্পজহিস্সতি সো চক্খুন্দ্ৰিযং ন পৰিজানিত্থাতি?

অৰহা দোমনস্সিন্দ্ৰিযং নপ্পজহিস্সতি, নো চ চক্খুন্দ্ৰিযং ন পৰিজানিত্থ. চত্তাৰো পুগ্গলা দোমনস্সিন্দ্ৰিযঞ্চ নপ্পজহিস্সন্তি চক্খুন্দ্ৰিযঞ্চ ন পৰিজানিত্থ.

(ক) যো চক্খুন্দ্ৰিযং ন পৰিজানিত্থ সো অনঞ্ঞাতঞ্ঞস্সামীতিন্দ্ৰিযং ন ভাৱেস্সতীতি?

যে পুথুজ্জনা মগ্গং পটিলভিস্সন্তি তে চক্খুন্দ্ৰিযং ন পৰিজানিত্থ, নো চ অনঞ্ঞাতঞ্ঞস্সামীতিন্দ্ৰিযং ন ভাৱেস্সন্তি. অট্ঠ পুগ্গলা চক্খুন্দ্ৰিযঞ্চ ন পৰিজানিত্থ অনঞ্ঞাতঞ্ঞস্সামীতিন্দ্ৰিযঞ্চ ন ভাৱেস্সন্তি.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ন ভাৱেস্সতি সো চক্খুন্দ্ৰিযং ন পৰিজানিত্থাতি?

অৰহা অনঞ্ঞাতঞ্ঞস্সামীতিন্দ্ৰিযং ন ভাৱেস্সতি, নো চ চক্খুন্দ্ৰিযং ন পৰিজানিত্থ. অট্ঠ পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেস্সন্তি চক্খুন্দ্ৰিযঞ্চ ন পৰিজানিত্থ.

(ক) যো চক্খুন্দ্ৰিযং ন পৰিজানিত্থ সো অঞ্ঞিন্দ্ৰিযং ন ভাৱেস্সতীতি?

সত্ত পুগ্গলা চক্খুন্দ্ৰিযং ন পৰিজানিত্থ, নো চ অঞ্ঞিন্দ্ৰিযং ন ভাৱেস্সন্তি. দ্ৱে পুগ্গলা চক্খুন্দ্ৰিযঞ্চ ন পৰিজানিত্থ অঞ্ঞিন্দ্ৰিযঞ্চ ন ভাৱেস্সন্তি.

(খ) যো ৱা পন অঞ্ঞিন্দ্ৰিযং ন ভাৱেস্সতি সো চক্খুন্দ্ৰিযং ন পৰিজানিত্থাতি?

অৰহা অঞ্ঞিন্দ্ৰিযং ন ভাৱেস্সতি, নো চ চক্খুন্দ্ৰিযং ন পৰিজানিত্থ. দ্ৱে পুগ্গলা অঞ্ঞিন্দ্ৰিযঞ্চ ন ভাৱেস্সন্তি চক্খুন্দ্ৰিযঞ্চ ন পৰিজানিত্থ.

(ক) যো চক্খুন্দ্ৰিযং ন পৰিজানিত্থ সো অঞ্ঞাতাৱিন্দ্ৰিযং ন সচ্ছিকৰিস্সতীতি?

অট্ঠ পুগ্গলা চক্খুন্দ্ৰিযং ন পৰিজানিত্থ, নো চ অঞ্ঞাতাৱিন্দ্ৰিযং ন সচ্ছিকৰিস্সন্তি. যে পুথুজ্জনা মগ্গং ন পটিলভিস্সন্তি তে চক্খুন্দ্ৰিযঞ্চ ন পৰিজানিত্থ অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিস্সতি সো চক্খুন্দ্ৰিযং ন পৰিজানিত্থাতি?

অৰহা অঞ্ঞাতাৱিন্দ্ৰিযং ন সচ্ছিকৰিস্সতি, নো চ চক্খুন্দ্ৰিযং ন পৰিজানিত্থ. যে পুথুজ্জনা মগ্গং ন পটিলভিস্সন্তি তে অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি চক্খুন্দ্ৰিযঞ্চ ন পৰিজানিত্থ. (চক্খুন্দ্ৰিযমূলকং)

৪৮০. (ক) যো দোমনস্সিন্দ্ৰিযং নপ্পজহিত্থ সো অনঞ্ঞাতঞ্ঞস্সামীতিন্দ্ৰিযং ন ভাৱেস্সতীতি?

যে পুথুজ্জনা মগ্গং পটিলভিস্সন্তি তে দোমনস্সিন্দ্ৰিযং নপ্পজহিত্থ, নো চ অনঞ্ঞাতঞ্ঞস্সামীতিন্দ্ৰিযং ন ভাৱেস্সন্তি. ছ পুগ্গলা দোমনস্সিন্দ্ৰিযঞ্চ নপ্পজহিত্থ অনঞ্ঞাতঞ্ঞস্সামীতিন্দ্ৰিযঞ্চ ন ভাৱেস্সন্তি.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ন ভাৱেস্সতি সো দোমনস্সিন্দ্ৰিযং নপ্পজহিত্থাতি?

তযো পুগ্গলা অনঞ্ঞাতঞ্ঞস্সামীতিন্দ্ৰিযং ন ভাৱেস্সন্তি, নো চ দোমনস্সিন্দ্ৰিযং নপ্পজহিত্থ. ছ পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেস্সন্তি দোমনস্সিন্দ্ৰিযঞ্চ নপ্পজহিত্থ.

(ক) যো দোমনস্সিন্দ্ৰিযং নপ্পজহিত্থ সো অঞ্ঞিন্দ্ৰিযং ন ভাৱেস্সতীতি?

ছ পুগ্গলা দোমনস্সিন্দ্ৰিযং নপ্পজহিত্থ, নো চ অঞ্ঞিন্দ্ৰিযং ন ভাৱেস্সন্তি. যে পুথুজ্জনা মগ্গং ন পটিলভিস্সন্তি তে দোমনস্সিন্দ্ৰিযঞ্চ নপ্পজহিত্থ অঞ্ঞিন্দ্ৰিযঞ্চ ন ভাৱেস্সন্তি.

(খ) যো ৱা পন অঞ্ঞিন্দ্ৰিযং ন ভাৱেস্সতি সো দোমনস্সিন্দ্ৰিযং নপ্পজহিত্থাতি?

দ্ৱে পুগ্গলা অঞ্ঞিন্দ্ৰিযং ন ভাৱেস্সন্তি, নো চ দোমনস্সিন্দ্ৰিযং নপ্পজহিত্থ. যে পুথুজ্জনা মগ্গং ন পটিলভিস্সন্তি তে অঞ্ঞিন্দ্ৰিযঞ্চ ন ভাৱেস্সন্তি দোমনস্সিন্দ্ৰিযঞ্চ নপ্পজহিত্থ.

(ক) যো দোমনস্সিন্দ্ৰিযং নপ্পজ্জহিত্থ সো অঞ্ঞাতাৱিন্দ্ৰিযং ন সচ্ছিকৰিস্সতীতি?

ছ পুগ্গলা দোমনস্সিন্দ্ৰিযং নপ্পজহিত্থ, নো চ অঞ্ঞাতাৱিন্দ্ৰিযং ন সচ্ছিকৰিস্সন্তি. যে পুথুজ্জনা মগ্গং ন পটিলভিস্সন্তি তে দোমনস্সিন্দ্ৰিযঞ্চ নপ্পজহিত্থ অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিস্সতি সো দোমনস্সিন্দ্ৰিযং নপ্পজহিত্থাতি?

অৰহা অঞ্ঞাতাৱিন্দ্ৰিযং ন সচ্ছিকৰিস্সতি, নো চ দোমনস্সিন্দ্ৰিযং নপ্পজহিত্থ. যে পুথুজ্জনা মগ্গং ন পটিলভিস্সন্তি তে অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি দোমনস্সিন্দ্ৰিযঞ্চ নপ্পজহিত্থ. (দোমনস্সিন্দ্ৰিযমূলকং)

৪৮১. (ক) যো অনঞ্ঞাতঞ্ঞস্সামীতিন্দ্ৰিযং ন ভাৱিত্থ সো অঞ্ঞিন্দ্ৰিযং ন ভাৱেস্সতীতি?

দ্ৱে পুগ্গলা অনঞ্ঞাতঞ্ঞস্সামীতিন্দ্ৰিযং ন ভাৱিত্থ, নো চ অঞ্ঞিন্দ্ৰিযং ন ভাৱেস্সন্তি. যে পুথুজ্জনা মগ্গং ন পটিলভিস্সন্তি তে অনঞ্ঞাতঞ্ঞস্সামীতিন্দ্ৰিযঞ্চ ন ভাৱিত্থ অঞ্ঞিন্দ্ৰিযঞ্চ ন ভাৱেস্সন্তি.

(খ) যো ৱা পন অঞ্ঞিন্দ্ৰিযং ন ভাৱেস্সতি সো অনঞ্ঞাতঞ্ঞস্সামীতিন্দ্ৰিযং ন ভাৱিত্থাতি?

দ্ৱে পুগ্গলা অঞ্ঞিন্দ্ৰিযং ন ভাৱেস্সন্তি, নো চ অনঞ্ঞাতঞ্ঞস্সামীতিন্দ্ৰিযং ন ভাৱিত্থ. যে পুথুজ্জনা মগ্গং ন পটিলভিস্সন্তি তে অঞ্ঞিন্দ্ৰিযঞ্চ ন ভাৱেস্সন্তি অনঞ্ঞাতঞ্ঞস্সামীতিন্দ্ৰিযঞ্চ ন ভাৱিত্থ.

(ক) যো অনঞ্ঞাতঞ্ঞস্সামীতিন্দ্ৰিযং ন ভাৱিত্থ সো অঞ্ঞাতাৱিন্দ্ৰিযং ন সচ্ছিকৰিস্সতীতি?

দ্ৱে পুগ্গলা অনঞ্ঞাতঞ্ঞস্সামীতিন্দ্ৰিযং ন ভাৱিত্থ, নো চ অঞ্ঞাতাৱিন্দ্ৰিযং ন সচ্ছিকৰিস্সন্তি. যে পুথুজ্জনা মগ্গং ন পটিলভিস্সন্তি তে অনঞ্ঞাতঞ্ঞস্সামীতিন্দ্ৰিযঞ্চ ন ভাৱিত্থ অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিস্সতি সো অনঞ্ঞাতঞ্ঞস্সামীতিন্দ্ৰিযং ন ভাৱিত্থাতি?

অৰহা অঞ্ঞাতাৱিন্দ্ৰিযং ন সচ্ছিকৰিস্সতি, নো চ অনঞ্ঞাতঞ্ঞস্সামীতিন্দ্ৰিযং ন ভাৱিত্থ. যে পুথুজ্জনা মগ্গং ন পটিলভিস্সন্তি তে অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি অনঞ্ঞাতঞ্ঞস্সামীতিন্দ্ৰিযঞ্চ ন ভাৱিত্থ. (অনঞ্ঞাতঞ্ঞস্সামীতিন্দ্ৰিযমূলকং)

৪৮২. (ক) যো অঞ্ঞিন্দ্ৰিযং ন ভাৱিত্থ সো অঞ্ঞাতাৱিন্দ্ৰিযং ন সচ্ছিকৰিস্সতীতি?

অট্ঠ পুগ্গলা অঞ্ঞিন্দ্ৰিযং ন ভাৱিত্থ, নো চ অঞ্ঞাতাৱিন্দ্ৰিযং ন সচ্ছিকৰিস্সন্তি. যে পুথুজ্জনা মগ্গং ন পটিলভিস্সন্তি তে অঞ্ঞিন্দ্ৰিযঞ্চ ন ভাৱিত্থ অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিস্সতি সো অঞ্ঞিন্দ্ৰিযং ন ভাৱিত্থাতি?

অৰহা অঞ্ঞাতাৱিন্দ্ৰিযং ন সচ্ছিকৰিস্সতি, নো চ অঞ্ঞিন্দ্ৰিযং ন ভাৱিত্থ. যে পুথুজ্জনা মগ্গং ন পটিলভিস্সন্তি তে অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি অঞ্ঞিন্দ্ৰিযঞ্চ ন ভাৱিত্থ. (অঞ্ঞিন্দ্ৰিযমূলকং).

পৰিঞ্ঞাৱাৰো.

ইন্দ্ৰিযযমকং নিট্ঠিতং.

যমকপকৰণং নিট্ঠিতং.