৪. পচ্চুপ্পন্নাতীতৱাৰো

(ক) অনুলোমং

৪৫৯. (ক) যো চক্খুন্দ্ৰিযং পৰিজানাতি সো দোমনস্সিন্দ্ৰিযং পজহিত্থাতি? আমন্তা.

(খ) যো ৱা পন দোমনস্সিন্দ্ৰিযং পজহিত্থ সো চক্খুন্দ্ৰিযং পৰিজানাতীতি?

দ্ৱে পুগ্গলা দোমনস্সিন্দ্ৰিযং পজহিত্থ, নো চ চক্খুন্দ্ৰিযং পৰিজানন্তি. অগ্গমগ্গসমঙ্গী দোমনস্সিন্দ্ৰিযঞ্চ পজহিত্থ চক্খুন্দ্ৰিযঞ্চ পৰিজানন্তি.

(ক) যো চক্খুন্দ্ৰিযং পৰিজানাতি সো অনঞ্ঞাতঞ্ঞস্সামীতিন্দ্ৰিযং ভাৱিত্থাতি? আমন্তা.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ভাৱিত্থ সো চক্খুন্দ্ৰিযং পৰিজানাতীতি?

ছ পুগ্গলা অনঞ্ঞাতঞ্ঞস্সামীতিন্দ্ৰিযং ভাৱিত্থ, নো চ চক্খুন্দ্ৰিযং পৰিজানন্তি. অগ্গমগ্গসমঙ্গী অনঞ্ঞাতঞ্ঞস্সামীতিন্দ্ৰিযঞ্চ ভাৱিত্থ চক্খুন্দ্ৰিযঞ্চ পৰিজানাতি.

(ক) যো চক্খুন্দ্ৰিযং পৰিজানাতি সো অঞ্ঞিন্দ্ৰিযং ভাৱিত্থাতি? নো.

(খ) যো ৱা পন অঞ্ঞিন্দ্ৰিযং ভাৱিত্থ সো চক্খুন্দ্ৰিযং পৰিজানাতীতি? নো.

(ক) যো চক্খুন্দ্ৰিযং পৰিজানাতি সো অঞ্ঞাতাৱিন্দ্ৰিযং সচ্ছিকৰিত্থাতি? নো.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিত্থ সো চক্খুন্দ্ৰিযং পৰিজানাতীতি? নো. (চক্খুন্দ্ৰিযমূলকং)

৪৬০. (ক) যো দোমনস্সিন্দ্ৰিযং পজহতি সো অনঞ্ঞাতঞ্ঞস্সামীতিন্দ্ৰিযং ভাৱিত্থাতি? আমন্তা.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ভাৱিত্থ সো দোমনস্সিন্দ্ৰিযং পজহতীতি?

ছ পুগ্গলা অনঞ্ঞাতঞ্ঞস্সামীতিন্দ্ৰিযং ভাৱিত্থ, নো চ দোমনস্সিন্দ্ৰিযং পজহন্তি. অনাগামিমগ্গসমঙ্গী অনঞ্ঞাতঞ্ঞস্সামীতিন্দ্ৰিযঞ্চ ভাৱিত্থ দোমনস্সিন্দ্ৰিযঞ্চ পজহতি.

(ক) যো দোমনস্সিন্দ্ৰিযং পজহতি সো অঞ্ঞিন্দ্ৰিযং ভাৱিত্থাতি? নো.

(খ) যো ৱা পন অঞ্ঞিন্দ্ৰিযং ভাৱিত্থ সো দোমনস্সিন্দ্ৰিযং পজহতীতি? নো.

(ক) যো দোমনস্সিন্দ্ৰিযং পজহতি সো অঞ্ঞাতাৱিন্দ্ৰিযং সচ্ছিকৰিত্থাতি? নো.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিত্থ সো দোমনস্সিন্দ্ৰিযং পজহতীতি? নো. (দোমনস্সিন্দ্ৰিযমূলকং)

৪৬১. (ক) যো অনঞ্ঞাতঞ্ঞস্সামীতিন্দ্ৰিযং ভাৱেতি সো অঞ্ঞিন্দ্ৰিযং ভাৱিত্থাতি? নো.

(খ) যো ৱা পন অঞ্ঞিন্দ্ৰিযং ভাৱিত্থ সো অনঞ্ঞাতঞ্ঞস্সামীতিন্দ্ৰিযং ভাৱেতীতি? নো.

(ক) যো অনঞ্ঞাতঞ্ঞস্সামীতিন্দ্ৰিযং ভাৱেতি সো অঞ্ঞাতাৱিন্দ্ৰিযং সচ্ছিকৰিত্থাতি? নো.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিত্থ সো অনঞ্ঞাতঞ্ঞস্সামীতিন্দ্ৰিযং ভাৱেতীতি? নো. (অনঞ্ঞাতঞ্ঞস্সামীতিন্দ্ৰিযমূলকং)

৪৬২. (ক) যো অঞ্ঞিন্দ্ৰিযং ভাৱেতি সো অঞ্ঞাতাৱিন্দ্ৰিযং সচ্ছিকৰিত্থাতি? নো.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিত্থ সো অঞ্ঞিন্দ্ৰিযং ভাৱেতীতি? নো. (অঞ্ঞিন্দ্ৰিযমূলকং)

(খ) পচ্চনীকং

৪৬৩. (ক) যো চক্খুন্দ্ৰিযং ন পৰিজানাতি সো দোমনস্সিন্দ্ৰিযং নপ্পজহিত্থাতি?

দ্ৱে পুগ্গলা চক্খুন্দ্ৰিযং ন পৰিজানন্তি, নো চ দোমনস্সিন্দ্ৰিযং নপ্পজহিত্থ. ছ পুগ্গলা চক্খুন্দ্ৰিযঞ্চ ন পৰিজানন্তি দোমনস্সিন্দ্ৰিযঞ্চ নপ্পজহিত্থ.

(খ) যো ৱা পন দোমনস্সিন্দ্ৰিযং নপ্পজহিত্থ সো চক্খুন্দ্ৰিযং ন পৰিজানাতীতি? আমন্তা.

(ক) যো চক্খুন্দ্ৰিযং ন পৰিজানাতি সো অনঞ্ঞাতঞ্ঞস্সামীতিন্দ্ৰিযং ন ভাৱিত্থাতি?

ছ পুগ্গলা চক্খুন্দ্ৰিযং ন পৰিজানন্তি, নো চ অনঞ্ঞাতঞ্ঞস্সামীতিন্দ্ৰিযং ন ভাৱিত্থ. দ্ৱে পুগ্গলা চক্খুন্দ্ৰিযঞ্চ ন পৰিজানন্তি অনঞ্ঞাতঞ্ঞস্সামীতিন্দ্ৰিযঞ্চ ন ভাৱিত্থ.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ন ভাৱিত্থ সো চক্খুন্দ্ৰিযং ন পৰিজানাতীতি? আমন্তা.

(ক) যো চক্খুন্দ্ৰিযং ন পৰিজানাতি সো অঞ্ঞিন্দ্ৰিযং ন ভাৱিত্থাতি?

অৰহা চক্খুন্দ্ৰিযং ন পৰিজানাতি, নো চ অঞ্ঞিন্দ্ৰিযং ন ভাৱিত্থ. সত্ত পুগ্গলা চক্খুন্দ্ৰিযঞ্চ ন পৰিজানন্তি অঞ্ঞিন্দ্ৰিযঞ্চ ন ভাৱিত্থ.

(খ) যো ৱা পন অঞ্ঞিন্দ্ৰিযং ন ভাৱিত্থ সো চক্খুন্দ্ৰিযং ন পৰিজানাতীতি?

অগ্গমগ্গসমঙ্গী অঞ্ঞিন্দ্ৰিযং ন ভাৱিত্থ, নো চ চক্খুন্দ্ৰিযং ন পৰিজানাতি. সত্ত পুগ্গলা অঞ্ঞিন্দ্ৰিযঞ্চ ন ভাৱিত্থ চক্খুন্দ্ৰিযঞ্চ ন পৰিজানন্তি.

(ক) যো চক্খুন্দ্ৰিযং ন পৰিজানাতি সো অঞ্ঞাতাৱিন্দ্ৰিযং ন সচ্ছিকৰিত্থাতি?

অৰহা চক্খুন্দ্ৰিযং ন পৰিজানাতি, নো চ অঞ্ঞাতাৱিন্দ্ৰিযং ন সচ্ছিকৰিত্থ. অট্ঠ পুগ্গলা চক্খুন্দ্ৰিযঞ্চ ন পৰিজানন্তি অঞ্ঞাতাৱিন্দ্ৰিযঞ্চ ন সচ্ছিকৰিত্থ.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিত্থ সো চক্খুন্দ্ৰিযং ন পৰিজানাতীতি?

অগ্গমগ্গসমঙ্গী অঞ্ঞাতাৱিন্দ্ৰিযং ন সচ্ছিকৰিত্থ, নো চ চক্খুন্দ্ৰিযং ন পৰিজানাতি. অট্ঠ পুগ্গলা অঞ্ঞাতাৱিন্দ্ৰিযঞ্চ ন সচ্ছিকৰিত্থ চক্খুন্দ্ৰিযঞ্চ ন পৰিজানন্তি. (চক্খুন্দ্ৰিযমূলকং)

৪৬৪. (ক) যো দোমনস্সিন্দ্ৰিযং নপ্পজহতি সো অনঞ্ঞাতঞ্ঞস্সামীতিন্দ্ৰিযং ন ভাৱিত্থাতি?

ছ পুগ্গলা দোমনস্সিন্দ্ৰিযং নপ্পজহন্তি, নো চ অনঞ্ঞাতঞ্ঞস্সামীতিন্দ্ৰিযং ন ভাৱিত্থ. দ্ৱে পুগ্গলা দোমনস্সিন্দ্ৰিযঞ্চ নপ্পজহন্তি অনঞ্ঞাতঞ্ঞস্সামীতিন্দ্ৰিযঞ্চ ন ভাৱিত্থ.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ন ভাৱিত্থ সো দোমনস্সিন্দ্ৰিযং নপ্পজহতীতি? আমন্তা.

(ক) যো দোমনস্সিন্দ্ৰিযং নপ্পজহতি সো অঞ্ঞিন্দ্ৰিযং ন ভাৱিত্থাতি?

অৰহা দোমনস্সিন্দ্ৰিযং নপ্পজহতি, নো চ অঞ্ঞিন্দ্ৰিযং ন ভাৱিত্থ. সত্ত পুগ্গলা দোমনস্সিন্দ্ৰিযঞ্চ নপ্পজহন্তি অঞ্ঞিন্দ্ৰিযঞ্চ ন ভাৱিত্থ.

(খ) যো ৱা পন অঞ্ঞিন্দ্ৰিযং ন ভাৱিত্থ সো দোমনস্সিন্দ্ৰিযং নপ্পজহতীতি?

অনাগামিমগ্গসমঙ্গী অঞ্ঞিন্দ্ৰিযং ন ভাৱিত্থ, নো চ দোমনস্সিন্দ্ৰিযং নপ্পজহতি. সত্ত পুগ্গলা অঞ্ঞিন্দ্ৰিযঞ্চ ন ভাৱিত্থ দোমনস্সিন্দ্ৰিযঞ্চ নপ্পজহন্তি.

(ক) যো দোমনস্সিন্দ্ৰিযং নপ্পজহতি সো অঞ্ঞাতাৱিন্দ্ৰিযং ন সচ্ছিকৰিত্থাতি?

অৰহা দোমনস্সিন্দ্ৰিযং নপ্পজহতি, নো চ অঞ্ঞাতাৱিন্দ্ৰিযং ন সচ্ছিকৰিত্থ. অট্ঠ পুগ্গলা দোমনস্সিন্দ্ৰিযঞ্চ নপ্পজহন্তি অঞ্ঞাতাৱিন্দ্ৰিযঞ্চ ন সচ্ছিকৰিত্থ.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিত্থ সো দোমনস্সিন্দ্ৰিযং নপ্পজহতীতি?

অনাগামিমগ্গসমঙ্গী অঞ্ঞাতাৱিন্দ্ৰিযং ন সচ্ছিকৰিত্থ, নো চ দোমনস্সিন্দ্ৰিযং নপ্পজহতি. অট্ঠ পুগ্গলা অঞ্ঞাতাৱিন্দ্ৰিযঞ্চ ন সচ্ছিকৰিত্থ দোমনস্সিন্দ্ৰিযঞ্চ নপ্পজহন্তি. (দোমনস্সিন্দ্ৰিযমূলকং)

৪৬৫. (ক) যো অনঞ্ঞাতঞ্ঞস্সামীতিন্দ্ৰিযং ন ভাৱেতি সো অঞ্ঞিন্দ্ৰিযং ন ভাৱিত্থাতি?

অৰহা অনঞ্ঞাতঞ্ঞস্সামীতিন্দ্ৰিযং ন ভাৱেতি, নো চ অঞ্ঞিন্দ্ৰিযং ন ভাৱিত্থ. সত্ত পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি অঞ্ঞিন্দ্ৰিযঞ্চ ন ভাৱিত্থ.

(খ) যো ৱা পন অঞ্ঞিন্দ্ৰিযং ন ভাৱিত্থ সো অনঞ্ঞাতঞ্ঞস্সামীতিন্দ্ৰিযং ন ভাৱেতীতি?

অট্ঠমকো অঞ্ঞিন্দ্ৰিযং ন ভাৱিত্থ, নো চ অনঞ্ঞাতঞ্ঞস্সামীতিন্দ্ৰিযং ন ভাৱেতি. সত্ত পুগ্গলা অঞ্ঞিন্দ্ৰিযঞ্চ ন ভাৱিত্থ অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি.

(ক) যো অনঞ্ঞাতঞ্ঞস্সামীতিন্দ্ৰিযং ন ভাৱেতি সো অঞ্ঞাতাৱিন্দ্ৰিযং ন সচ্ছিকৰিত্থাতি?

অৰহা অনঞ্ঞাতঞ্ঞস্সামীতিন্দ্ৰিযং ন ভাৱেতি, নো চ অঞ্ঞাতাৱিন্দ্ৰিযং ন সচ্ছিকৰিত্থ. অট্ঠ [সত্ত (সী. স্যা. ক.)] পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি অঞ্ঞাতাৱিন্দ্ৰিযঞ্চ ন সচ্ছিকৰিত্থ.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিত্থ সো অনঞ্ঞাতঞ্ঞস্সামীতিন্দ্ৰিযং ন ভাৱেতীতি?

অট্ঠমকো অঞ্ঞাতাৱিন্দ্ৰিযং ন সচ্ছিকৰিত্থ, নো চ অনঞ্ঞাতঞ্ঞস্সামীতিন্দ্ৰিযং ন ভাৱেতি. অট্ঠ পুগ্গলা অঞ্ঞাতাৱিন্দ্ৰিযঞ্চ ন সচ্ছিকৰিত্থ অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি. (অনঞ্ঞাতঞ্ঞস্সামীতিন্দ্ৰিযমূলকং)

৪৬৬. (ক) যো অঞ্ঞিন্দ্ৰিযং ন ভাৱেতি সো অঞ্ঞাতাৱিন্দ্ৰিযং ন সচ্ছিকৰিত্থাতি?

অৰহা অঞ্ঞিন্দ্ৰিযং ন ভাৱেতি, নো চ অঞ্ঞাতাৱিন্দ্ৰিযং ন সচ্ছিকৰিত্থ. ছ [পঞ্চ (সী. স্যা. ক.)] পুগ্গলা অঞ্ঞিন্দ্ৰিযঞ্চ ন ভাৱেন্তি অঞ্ঞাতাৱিন্দ্ৰিযঞ্চ ন সচ্ছিকৰিত্থ.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিত্থ সো অঞ্ঞিন্দ্ৰিযং ন ভাৱেতীতি?

তযো মগ্গসমঙ্গিনো অঞ্ঞাতাৱিন্দ্ৰিযং ন সচ্ছিকৰিত্থ, নো চ অঞ্ঞিন্দ্ৰিযং ন ভাৱেন্তি. ছ [পঞ্চ (সী. স্যা. ক.)] পুগ্গলা অঞ্ঞাতাৱিন্দ্ৰিযঞ্চ ন সচ্ছিকৰিত্থ অঞ্ঞিন্দ্ৰিযঞ্চ ন ভাৱেন্তি. (অঞ্ঞিন্দ্ৰিযমূলকং)