৩. অনাগতৱাৰো

(ক) অনুলোমং

৪৫১. (ক) যো চক্খুন্দ্ৰিযং পৰিজানিস্সতি সো দোমনস্সিন্দ্ৰিযং পজহিস্সতীতি?

দ্ৱে পুগ্গলা চক্খুন্দ্ৰিযং পৰিজানিস্সন্তি, নো চ দোমনস্সিন্দ্ৰিযং পজহিস্সন্তি. পঞ্চ পুগ্গলা চক্খুন্দ্ৰিযঞ্চ পৰিজানিস্সন্তি দোমনস্সিন্দ্ৰিযঞ্চ পজহিস্সন্তি.

(খ) যো ৱা পন দোমনস্সিন্দ্ৰিযং পজহিস্সতি সো চক্খুন্দ্ৰিযং পৰিজানিস্সতীতি? আমন্তা.

(ক) যো চক্খুন্দ্ৰিযং পৰিজানিস্সতি সো অনঞ্ঞাতঞ্ঞস্সামীতিন্দ্ৰিযং ভাৱেস্সতীতি?

ছ পুগ্গলা চক্খুন্দ্ৰিযং পৰিজানিস্সন্তি, নো চ অনঞ্ঞাতঞ্ঞস্সামীতিন্দ্ৰিযং ভাৱেস্সন্তি. যে পুথুজ্জনা মগ্গং পটিলভিস্সন্তি তে চক্খুন্দ্ৰিযঞ্চ পৰিজানিস্সন্তি অনঞ্ঞাতঞ্ঞস্সামীতিন্দ্ৰিযঞ্চ ভাৱেস্সন্তি.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ভাৱেস্সতি সো চক্খুন্দ্ৰিযং পৰিজানিস্সতীতি? আমন্তা.

(ক) যো চক্খুন্দ্ৰিযং পৰিজানিস্সতি সো অঞ্ঞিন্দ্ৰিযং ভাৱেস্সতীতি? আমন্তা.

(খ) যো ৱা পন অঞ্ঞিন্দ্ৰিযং ভাৱেস্সতি সো চক্খুন্দ্ৰিযং পৰিজানিস্সতীতি? আমন্তা.

(ক) যো চক্খুন্দ্ৰিযং পৰিজানিস্সতি সো অঞ্ঞাতাৱিন্দ্ৰিযং সচ্ছিকৰিস্সতীতি? আমন্তা.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিস্সতি সো চক্খুন্দ্ৰিযং পৰিজানিস্সতীতি?

অগ্গমগ্গসমঙ্গী অঞ্ঞাতাৱিন্দ্ৰিযং সচ্ছিকৰিস্সতি, নো চ চক্খুন্দ্ৰিযং পৰিজানিস্সতি. সত্ত পুগ্গলা অঞ্ঞাতাৱিন্দ্ৰিযঞ্চ সচ্ছিকৰিস্সন্তি চক্খুন্দ্ৰিযঞ্চ পৰিজানিস্সন্তি. (চক্খুন্দ্ৰিযমূলকং)

৪৫২. (ক) যো দোমনস্সিন্দ্ৰিযং পজহিস্সতি সো অনঞ্ঞাতঞ্ঞস্সামীতিন্দ্ৰিযং ভাৱেস্সতীতি?

চত্তাৰো পুগ্গলা দোমনস্সিন্দ্ৰিযং পজহিস্সন্তি, নো চ অনঞ্ঞাতঞ্ঞস্সামীতিন্দ্ৰিযং ভাৱেস্সন্তি. যে পুথুজ্জনা মগ্গং পটিলভিস্সন্তি তে দোমনস্সিন্দ্ৰিযঞ্চ পজহিস্সন্তি অনঞ্ঞাতঞ্ঞস্সামীতিন্দ্ৰিযঞ্চ ভাৱেস্সন্তি.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ভাৱেস্সতি সো দোমনস্সিন্দ্ৰিযং পজহিস্সতীতি? আমন্তা.

(ক) যো দোমনস্সিন্দ্ৰিযং পজহিস্সতি সো অঞ্ঞিন্দ্ৰিযং ভাৱেস্সতীতি? আমন্তা.

(খ) যো ৱা পন অঞ্ঞিন্দ্ৰিযং ভাৱেস্সতি সো দোমনস্সিন্দ্ৰিযং পজহিস্সতীতি?

দ্ৱে পুগ্গলা অঞ্ঞিন্দ্ৰিযং ভাৱেস্সন্তি নো চ দোমনস্সিন্দ্ৰিযং পজহিস্সন্তি, পঞ্চ পুগ্গলা অঞ্ঞিন্দ্ৰিযঞ্চ ভৱিস্সন্তি দোমনস্সিন্দ্ৰিযঞ্চ পজহিস্সন্তি.

(ক) যো দোমনস্সিন্দ্ৰিযং পজহিস্সতি সো অঞ্ঞাতাৱিন্দ্ৰিযং সচ্ছিকৰিস্সতীতি? আমন্তা.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিস্সতি সো দোমনস্সিন্দ্ৰিযং পজহিস্সতীতি?

তযো পুগ্গলা অঞ্ঞাতাৱিন্দ্ৰিযং সচ্ছিকৰিস্সন্তি, নো চ দোমনস্সিন্দ্ৰিযং পজহিস্সন্তি. পঞ্চ পুগ্গলা অঞ্ঞাতাৱিন্দ্ৰিযঞ্চ সচ্ছিকৰিস্সন্তি দোমনস্সিন্দ্ৰিযঞ্চ পজহিস্সন্তি. (দোমনস্সিন্দ্ৰিযমূলকং)

৪৫৩. (ক) যো অনঞ্ঞাতঞ্ঞস্সামীতিন্দ্ৰিযং ভাৱেস্সতি সো অঞ্ঞিন্দ্ৰিযং ভাৱেস্সতীতি? আমন্তা.

(খ) যো ৱা পন অঞ্ঞিন্দ্ৰিযং ভাৱেস্সতি সো অনঞ্ঞাতঞ্ঞস্সামীতিন্দ্ৰিযং ভাৱেস্সতীতি?

ছ পুগ্গলা অঞ্ঞিন্দ্ৰিযং ভাৱেস্সন্তি, নো চ অনঞ্ঞাতঞ্ঞস্সামীতিন্দ্ৰিযং ভাৱেস্সন্তি. যে পুথুজ্জনা মগ্গং পটিলভিস্সন্তি তে অঞ্ঞিন্দ্ৰিযঞ্চ ভাৱেস্সন্তি অনঞ্ঞাতঞ্ঞস্সামীতিন্দ্ৰিযঞ্চ ভাৱেস্সন্তি.

(ক) যো অনঞ্ঞাতঞ্ঞস্সামীতিন্দ্ৰিযং ভাৱেস্সতি সো অঞ্ঞাতাৱিন্দ্ৰিযং সচ্ছিকৰিস্সতীতি? আমন্তা.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিস্সতি সো অনঞ্ঞাতঞ্ঞস্সামীতিন্দ্ৰিযং ভাৱেস্সতীতি?

সত্ত পুগ্গলা অঞ্ঞাতাৱিন্দ্ৰিযং সচ্ছিকৰিস্সন্তি, নো চ অনঞ্ঞাতঞ্ঞস্সামীতিন্দ্ৰিযং ভাৱেস্সন্তি. যে পুথুজ্জনা মগ্গং পটিলভিস্সন্তি তে অঞ্ঞাতাৱিন্দ্ৰিযঞ্চ সচ্ছিকৰিস্সন্তি অনঞ্ঞাতঞ্ঞস্সামীতিন্দ্ৰিযঞ্চ ভাৱেস্সন্তি. (অনঞ্ঞাতঞ্ঞস্সামীতিন্দ্ৰিযমূলকং)

৪৫৪. (ক) যো অঞ্ঞিন্দ্ৰিযং ভাৱেস্সতি সো অঞ্ঞাতাৱিন্দ্ৰিযং সচ্ছিকৰিস্সতীতি? আমন্তা.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিস্সতি সো অঞ্ঞিন্দ্ৰিযং ভাৱেস্সতীতি?

অগ্গমগ্গসমঙ্গী অঞ্ঞাতাৱিন্দ্ৰিযং সচ্ছিকৰিস্সন্তি, নো চ অঞ্ঞিন্দ্ৰিযং ভাৱেস্সন্তি. সত্ত পুগ্গলা অঞ্ঞাতাৱিন্দ্ৰিযঞ্চ সচ্ছিকৰিস্সন্তি অঞ্ঞিন্দ্ৰিযঞ্চ ভাৱেস্সন্তি. (অঞ্ঞিন্দ্ৰিযমূলকং)

(খ) পচ্চনীকং

৪৫৫. (ক) যো চক্খুন্দ্ৰিযং ন পৰিজানিস্সতি সো দোমনস্সিন্দ্ৰিযং নপ্পজহিস্সতীতি? আমন্তা.

(খ) যো ৱা পন দোমনস্সিন্দ্ৰিযং নপ্পজহিস্সতি সো চক্খুন্দ্ৰিযং ন পৰিজানিস্সতীতি?

দ্ৱে পুগ্গলা দোমনস্সিন্দ্ৰিযং নপ্পজহিস্সন্তি, নো চ চক্খুন্দ্ৰিযং ন পৰিজানিস্সন্তি. তযো পুগ্গলা দোমনস্সিন্দ্ৰিযঞ্চ নপ্পজহিস্সন্তি চক্খুন্দ্ৰিযঞ্চ ন পৰিজানিস্সন্তি.

(ক) যো চক্খুন্দ্ৰিযং ন পৰিজানিস্সতি সো অনঞ্ঞাতঞ্ঞস্সামীতিন্দ্ৰিযং ন ভাৱেস্সতীতি. আমন্তা.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ন ভাৱেস্সতি সো চক্খুন্দ্ৰিযং ন পৰিজানিস্সতীতি.

ছ পুগ্গলা অনঞ্ঞাতঞ্ঞস্সামীতিন্দ্ৰিযং ন ভাৱেস্সন্তি, নো চ চক্খুন্দ্ৰিযং ন পৰিজানিস্সন্তি. তযো পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেস্সন্তি চক্খুন্দ্ৰিযঞ্চ ন পৰিজানিস্সন্তি.

(ক) যো চক্খুন্দ্ৰিযং ন পৰিজানিস্সতি সো অঞ্ঞিন্দ্ৰিযং ন ভাৱেস্সতীতি? আমন্তা.

(খ) যো ৱা পন অঞ্ঞিন্দ্ৰিযং ন ভাৱেস্সতি সো চক্খুন্দ্ৰিযং ন পৰিজানিস্সতীতি? আমন্তা.

(ক) যো চক্খুন্দ্ৰিযং ন পৰিজানিস্সতি সো অঞ্ঞাতাৱিন্দ্ৰিযং ন সচ্ছিকৰিস্সতীতি?

অগ্গমগ্গসমঙ্গী চক্খুন্দ্ৰিযং ন পৰিজানিস্সতি, নো চ অঞ্ঞাতাৱিন্দ্ৰিযং ন সচ্ছিকৰিস্সতি. দ্ৱে পুগ্গলা চক্খুন্দ্ৰিযঞ্চ ন পৰিজানিস্সন্তি অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিস্সতি সো চক্খুন্দ্ৰিযং ন পৰিজানিস্সতীতি? আমন্তা. (চক্খুন্দ্ৰিযমূলকং)

৪৫৬. (ক) যো দোমনস্সিন্দ্ৰিযং নপ্পজহিস্সতি সো অনঞ্ঞাতঞ্ঞস্সামীতিন্দ্ৰিযং ন ভাৱেস্সতীতি? আমন্তা.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ন ভাৱেস্সতি সো দোমনস্সিন্দ্ৰিযং নপ্পজহিস্সতীতি?

চত্তাৰো পুগ্গলা অনঞ্ঞাতঞ্ঞস্সামীতিন্দ্ৰিযং ন ভাৱেস্সন্তি, নো চ দোমনস্সিন্দ্ৰিযং নপ্পজহিস্সন্তি. পঞ্চ পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেস্সন্তি দোমনস্সিন্দ্ৰিযঞ্চ নপ্পজহিস্সন্তি.

(ক) যো দোমনস্সিন্দ্ৰিযং নপ্পজহিস্সতি সো অঞ্ঞিন্দ্ৰিযং ন ভাৱেস্সতীতি?

দ্ৱে পুগ্গলা দোমনস্সিন্দ্ৰিযং নপ্পজহিস্সন্তি, নো চ অঞ্ঞিন্দ্ৰিযং ন ভাৱেস্সন্তি. তযো পুগ্গলা দোমনস্সিন্দ্ৰিযঞ্চ নপ্পজহিস্সন্তি অঞ্ঞিন্দ্ৰিযঞ্চ ন ভাৱেস্সন্তি.

(খ) যো ৱা পন অঞ্ঞিন্দ্ৰিযং ন ভাৱেস্সতি সো দোমনস্সিন্দ্ৰিযং নপ্পজহিস্সতীতি? আমন্তা.

(ক) যো দোমনস্সিন্দ্ৰিযং নপ্পজহিস্সতি সো অঞ্ঞাতাৱিন্দ্ৰিযং ন সচ্ছিকৰিস্সতীতি?

তযো পুগ্গলা দোমনস্সিন্দ্ৰিযং নপ্পজহিস্সন্তি, নো চ অঞ্ঞাতাৱিন্দ্ৰিযং ন সচ্ছিকৰিস্সন্তি. দ্ৱে পুগ্গলা দোমনস্সিন্দ্ৰিযঞ্চ নপ্পজহিস্সন্তি অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিস্সতি সো দোমনস্সিন্দ্ৰিযং নপ্পজহিস্সতীতি? আমন্তা. (দোমনস্সিন্দ্ৰিযমূলকং)

৪৫৭. (ক) যো অনঞ্ঞাতঞ্ঞস্সামীতিন্দ্ৰিযং ন ভাৱেস্সতি সো অঞ্ঞিন্দ্ৰিযং ন ভাৱেস্সতীতি?

ছ পুগ্গলা অনঞ্ঞাতঞ্ঞস্সামীতিন্দ্ৰিযং ন ভাৱেস্সন্তি, নো চ অঞ্ঞিন্দ্ৰিযং ন ভাৱেস্সন্তি. তযো পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেস্সন্তি অঞ্ঞিন্দ্ৰিযঞ্চ ন ভাৱেস্সন্তি.

(খ) যো ৱা পন অঞ্ঞিন্দ্ৰিযং ন ভাৱেস্সতি সো অনঞ্ঞাতঞ্ঞস্সামীতিন্দ্ৰিযং ন ভাৱেস্সতীতি? আমন্তা.

(ক) যো অনঞ্ঞাতঞ্ঞস্সামীতিন্দ্ৰিযং ন ভাৱেস্সতি সো অঞ্ঞাতাৱিন্দ্ৰিযং ন সচ্ছিকৰিস্সতীতি?

সত্ত পুগ্গলা অনঞ্ঞাতঞ্ঞস্সামীতিন্দ্ৰিযং ন ভাৱেস্সন্তি, নো চ অঞ্ঞাতাৱিন্দ্ৰিযং ন সচ্ছিকৰিস্সন্তি. দ্ৱে পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেস্সন্তি অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিস্সতি সো অনঞ্ঞাতঞ্ঞস্সামীতিন্দ্ৰিযং ন ভাৱেস্সতীতি? আমন্তা. (অনঞ্ঞাতঞ্ঞস্সামীতিন্দ্ৰিযমূলকং)

৪৫৮. (ক) যো অঞ্ঞিন্দ্ৰিযং ন ভাৱেস্সতি সো অঞ্ঞাতাৱিন্দ্ৰিযং ন সচ্ছিকৰিস্সতীতি?

অগ্গমগ্গসমঙ্গী অঞ্ঞিন্দ্ৰিযং ন ভাৱেস্সতি, নো চ অঞ্ঞাতাৱিন্দ্ৰিযং ন সচ্ছিকৰিস্সতি. দ্ৱে পুগ্গলা অঞ্ঞিন্দ্ৰিযঞ্চ ন ভাৱেস্সন্তি অঞ্ঞাতাৱিন্দ্ৰিযঞ্চ ন সচ্ছিকৰিস্সন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিস্সতি সো অঞ্ঞিন্দ্ৰিযং ন ভাৱেস্সতীতি? আমন্তা. (অঞ্ঞিন্দ্ৰিযমূলকং)