২. অতীতৱাৰো

(ক) অনুলোমং

৪৪৩. (ক) যো চক্খুন্দ্ৰিযং পৰিজানিত্থ সো দোমনস্সিন্দ্ৰিযং পজহিত্থাতি? আমন্তা.

(খ) যো ৱা পন দোমনস্সিন্দ্ৰিযং পজহিত্থ সো চক্খুন্দ্ৰিযং পৰিজানিত্থাতি?

দ্ৱে পুগ্গলা দোমনস্সিন্দ্ৰিযং পজহিত্থ, নো চ চক্খুন্দ্ৰিযং পৰিজানিত্থ. অৰহা দোমনস্সিন্দ্ৰিযঞ্চ পজহিত্থ চক্খুন্দ্ৰিযঞ্চ পৰিজানিত্থ.

(ক) যো চক্খুন্দ্ৰিযং পৰিজানিত্থ সো অনঞ্ঞাতঞ্ঞস্সামীতিন্দ্ৰিযং ভাৱিত্থাতি? আমন্তা.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ভাৱিত্থ সো চক্খুন্দ্ৰিযং পৰিজানিত্থাতি?

ছ পুগ্গলা অনঞ্ঞাতঞ্ঞস্সামীতিন্দ্ৰিযং ভাৱিত্থ, নো চ চক্খুন্দ্ৰিযং পৰিজানিত্থ. অৰহা অনঞ্ঞাতঞ্ঞস্সামীতিন্দ্ৰিযঞ্চ ভাৱিত্থ চক্খুন্দ্ৰিযঞ্চ পৰিজানিত্থ.

(ক) যো চক্খুন্দ্ৰিযং পৰিজানিত্থ সো অঞ্ঞিন্দ্ৰিযং ভাৱিত্থাতি? আমন্তা.

(খ) যো ৱা পন অঞ্ঞিন্দ্ৰিযং ভাৱিত্থ সো চক্খুন্দ্ৰিযং পৰিজানিত্থাতি? আমন্তা.

(ক) যো চক্খুন্দ্ৰিযং পৰিজানিত্থ সো অঞ্ঞাতাৱিন্দ্ৰিযং সচ্ছিকৰিত্থাতি?

যো অগ্গফলং সচ্ছিকৰোতি সো চক্খুন্দ্ৰিযং পৰিজানিত্থ, নো চ অঞ্ঞাতাৱিন্দ্ৰিযং সচ্ছিকৰিত্থ. যো অগ্গফলং সচ্ছাকাসি সো চক্খুন্দ্ৰিযঞ্চ পৰিজানিত্থ অঞ্ঞাতাৱিন্দ্ৰিযঞ্চ সচ্ছিকৰিত্থ.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিত্থ সো চক্খুন্দ্ৰিযং পৰিজানিত্থাতি? আমন্তা. (চক্খুন্দ্ৰিযমূলকং)

৪৪৪. (ক) যো দোমনস্সিন্দ্ৰিযং পজহিত্থ সো অনঞ্ঞাতঞ্ঞস্সামীতিন্দ্ৰিযং ভাৱিত্থাতি? আমন্তা.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ভাৱিত্থ সো দোমনস্সিন্দ্ৰিযং পজহিত্থাতি?

চত্তাৰো পুগ্গলা অনঞ্ঞাতঞ্ঞস্সামীতিন্দ্ৰিযং ভাৱিত্থ, নো চ দোমনস্সিন্দ্ৰিযং পজহিত্থ. তযো পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ভাৱিত্থ দোমনস্সিন্দ্ৰিযঞ্চ পজহিত্থ.

(ক) যো দোমনস্সিন্দ্ৰিযং পজহিত্থ সো অঞ্ঞিন্দ্ৰিযং ভাৱিত্থাতি?

দ্ৱে পুগ্গলা দোমনস্সিন্দ্ৰিযং পজহিত্থ, নো চ অঞ্ঞিন্দ্ৰিযং ভাৱিত্থ. অৰহা দোমনস্সিন্দ্ৰিযঞ্চ পজহিত্থ অঞ্ঞিন্দ্ৰিযঞ্চ ভাৱিত্থ.

(খ) যো ৱা পন অঞ্ঞিন্দ্ৰিযং ভাৱিত্থ সো দোমনস্সিন্দ্ৰিযং পজহিত্থাতি? আমন্তা.

(ক) যো দোমনস্সিন্দ্ৰিযং পজহিত্থ সো অঞ্ঞাতাৱিন্দ্ৰিযং সচ্ছিকৰিত্থাতি?

তযো পুগ্গলা দোমনস্সিন্দ্ৰিযং পজহিত্থ, নো চ অঞ্ঞাতাৱিন্দ্ৰিযং সচ্ছিকৰিত্থ. অৰহা দোমনস্সিন্দ্ৰিযঞ্চ পজহিত্থ অঞ্ঞাতাৱিন্দ্ৰিযঞ্চ সচ্ছিকৰিত্থ.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিত্থ সো দোমনস্সিন্দ্ৰিযং পজহিত্থাতি? আমন্তা. (দোমনস্সিন্দ্ৰিযমূলকং)

৪৪৫. (ক) যো অনঞ্ঞাতঞ্ঞস্সামীতিন্দ্ৰিযং ভাৱিত্থ সো অঞ্ঞিন্দ্ৰিযং ভাৱিত্থাতি?

ছ পুগ্গলা অনঞ্ঞাতঞ্ঞস্সামীতিন্দ্ৰিযং ভাৱিত্থ, নো চ অঞ্ঞিন্দ্ৰিযং ভাৱিত্থ. অৰহা অনঞ্ঞাতঞ্ঞস্সামীতিন্দ্ৰিযঞ্চ ভাৱিত্থ অঞ্ঞিন্দ্ৰিযঞ্চ ভাৱিত্থ.

(খ) যো ৱা পন অঞ্ঞিন্দ্ৰিযং ভাৱিত্থ সো অনঞ্ঞাতঞ্ঞস্সামীতিন্দ্ৰিযং ভাৱিত্থাতি? আমন্তা.

(ক) যো অনঞ্ঞাতঞ্ঞস্সামীতিন্দ্ৰিযং ভাৱিত্থ সো অঞ্ঞাতাৱিন্দ্ৰিযং সচ্ছিকৰিত্থাতি?

সত্ত পুগ্গলা অনঞ্ঞাতঞ্ঞস্সামীতিন্দ্ৰিযং ভাৱিত্থ, নো চ অঞ্ঞাতাৱিন্দ্ৰিযং সচ্ছিকৰিত্থ. অৰহা অনঞ্ঞাতঞ্ঞস্সামীতিন্দ্ৰিযঞ্চ ভাৱিত্থ অঞ্ঞাতাৱিন্দ্ৰিযঞ্চ সচ্ছিকৰিত্থ.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিত্থ সো অনঞ্ঞাতঞ্ঞস্সামীতিন্দ্ৰিযং ভাৱিত্থাতি? আমন্তা. (অনঞ্ঞাতঞ্ঞস্সামীতিন্দ্ৰিযমূলকং)

৪৪৬. (ক) যো অঞ্ঞিন্দ্ৰিযং ভাৱিত্থ সো অঞ্ঞাতাৱিন্দ্ৰিযং সচ্ছিকৰিত্থাতি?

যো অগ্গফলং সচ্ছিকৰোতি সো অঞ্ঞিন্দ্ৰিযং ভাৱিত্থ, নো চ অঞ্ঞাতাৱিন্দ্ৰিযং সচ্ছিকৰিত্থ. যো অগ্গফলং সচ্ছাকাসি সো অঞ্ঞিন্দ্ৰিযঞ্চ ভাৱিত্থ অঞ্ঞাতাৱিন্দ্ৰিযঞ্চ সচ্ছিকৰিত্থ.

(খ) যো ৱা পন অঞ্ঞাতাৱিন্দ্ৰিযং সচ্ছিকৰিত্থ সো অঞ্ঞিন্দ্ৰিযং ভাৱিত্থাতি? আমন্তা. (অঞ্ঞিন্দ্ৰিযমূলকং)

(খ) পচ্চনীকং

৪৪৭. (ক) যো চক্খুন্দ্ৰিযং ন পৰিজানিত্থ সো দোমনস্সিন্দ্ৰিযং নপ্পজহিত্থাতি?

দ্ৱে পুগ্গলা চক্খুন্দ্ৰিযং ন পৰিজানিত্থ, নো চ দোমনস্সিন্দ্ৰিযং নপ্পজহিত্থ. ছ পুগ্গলা চক্খুন্দ্ৰিযঞ্চ ন পৰিজানিত্থ দোমনস্সিন্দ্ৰিযঞ্চ নপ্পজহিত্থ.

(খ) যো ৱা পন দোমনস্সিন্দ্ৰিযং নপ্পজহিত্থ সো চক্খুন্দ্ৰিযং ন পৰিজানিত্থাতি? আমন্তা.

(ক) যো চক্খুন্দ্ৰিযং ন পৰিজানিত্থ সো অনঞ্ঞাতঞ্ঞস্সামীতিন্দ্ৰিযং ন ভাৱিত্থাতি?

ছ পুগ্গলা চক্খুন্দ্ৰিযং ন পৰিজানিত্থ, নো চ অনঞ্ঞাতঞ্ঞস্সামীতিন্দ্ৰিযং ন ভাৱিত্থ. দ্ৱে পুগ্গলা চক্খুন্দ্ৰিযঞ্চ ন পৰিজানিত্থ অনঞ্ঞাতঞ্ঞস্সামীতিন্দ্ৰিযঞ্চ ন ভাৱিত্থ.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ন ভাৱিত্থ সো চক্খুন্দ্ৰিযং ন পৰিজানিত্থাতি? আমন্তা.

(ক) যো চক্খুন্দ্ৰিযং ন পৰিজানিত্থ সো অঞ্ঞিন্দ্ৰিযং ন ভাৱিত্থাতি? আমন্তা.

(খ) যো ৱা পন অঞ্ঞিন্দ্ৰিযং ন ভাৱিত্থ সো চক্খুন্দ্ৰিযং ন পৰিজানিত্থাতি? আমন্তা.

(ক) যো চক্খুন্দ্ৰিযং ন পৰিজানিত্থ সো অঞ্ঞাতাৱিন্দ্ৰিযং ন সচ্ছিকৰিত্থাতি? আমন্তা.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিত্থ সো চক্খুন্দ্ৰিযং ন পৰিজানিত্থাতি?

যো অগ্গফলং সচ্ছিকৰোতি সো অঞ্ঞাতাৱিন্দ্ৰিযং ন সচ্ছিকৰিত্থ, নো চ চক্খুন্দ্ৰিযং ন পৰিজানিত্থ. অট্ঠ পুগ্গলা অঞ্ঞাতাৱিন্দ্ৰিযঞ্চ ন সচ্ছিকৰিত্থ চক্খুন্দ্ৰিযঞ্চ ন পৰিজানিত্থ. (চক্খুন্দ্ৰিযমূলকং)

৪৪৮. (ক) যো দোমনস্সিন্দ্ৰিযং নপ্পজহিত্থ সো অনঞ্ঞাতঞ্ঞস্সামীতিন্দ্ৰিযং ন ভাৱিত্থাতি?

চত্তাৰো পুগ্গলা দোমনস্সিন্দ্ৰিযং নপ্পজহিত্থ, নো চ অনঞ্ঞাতঞ্ঞস্সামীতিন্দ্ৰিযং ন ভাৱিত্থ. দ্ৱে পুগ্গলা দোমনস্সিন্দ্ৰিযঞ্চ নপ্পজহিত্থ অনঞ্ঞাতঞ্ঞস্সামীতিন্দ্ৰিযঞ্চ ন ভাৱিত্থ.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ন ভাৱিত্থ সো দোমনস্সিন্দ্ৰিযং নপ্পজহিত্থাতি? আমন্তা.

(ক) যো দোমনস্সিন্দ্ৰিযং নপ্পজহিত্থ সো অঞ্ঞিন্দ্ৰিযং ন ভাৱিত্থাতি? আমন্তা.

(খ) যো ৱা পন অঞ্ঞিন্দ্ৰিযং ন ভাৱিত্থ সো দোমনস্সিন্দ্ৰিযং নপ্পজহিত্থাতি?

দ্ৱে পুগ্গলা অঞ্ঞিন্দ্ৰিযং ন ভাৱিত্থ, নো চ দোমনস্সিন্দ্ৰিযং নপ্পজহিত্থ. ছ পুগ্গলা অঞ্ঞিন্দ্ৰিযঞ্চ ন ভাৱিত্থ দোমনস্সিন্দ্ৰিযঞ্চ নপ্পজহিত্থ.

(ক) যো দোমনস্সিন্দ্ৰিযং নপ্পজহিত্থ সো অঞ্ঞাতাৱিন্দ্ৰিযং ন সচ্ছিকৰিত্থাতি? আমন্তা.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিত্থ সো দোমনস্সিন্দ্ৰিযং নপ্পজহিত্থাতি?

তযো পুগ্গলা অঞ্ঞাতাৱিন্দ্ৰিযং ন সচ্ছিকৰিত্থ, নো চ দোমনস্সিন্দ্ৰিযং নপ্পজহিত্থ. ছ পুগ্গলা অঞ্ঞাতাৱিন্দ্ৰিযঞ্চ ন সচ্ছিকৰিত্থ দোমনস্সিন্দ্ৰিযঞ্চ নপ্পজহিত্থ. (দোমনস্সিন্দ্ৰিযমূলকং)

৪৪৯. (ক) যো অনঞ্ঞাতঞ্ঞস্সামীতিন্দ্ৰিযং ন ভাৱিত্থ সো অঞ্ঞিন্দ্ৰিযং ন ভাৱিত্থাতি? আমন্তা.

(খ) যো ৱা পন অঞ্ঞিন্দ্ৰিযং ন ভাৱিত্থ সো অনঞ্ঞাতঞ্ঞস্সামীতিন্দ্ৰিযং ন ভাৱিত্থাতি?

ছ পুগ্গলা অঞ্ঞিন্দ্ৰিযং ন ভাৱিত্থ, নো চ অনঞ্ঞাতঞ্ঞস্সামীতিন্দ্ৰিযং ন ভাৱিত্থ. দ্ৱে পুগ্গলা অঞ্ঞিন্দ্ৰিযঞ্চ ন ভাৱিত্থ অনঞ্ঞাতঞ্ঞস্সামীতিন্দ্ৰিযঞ্চ ন ভাৱিত্থ.

(ক) যো অনঞ্ঞাতঞ্ঞস্সামীতিন্দ্ৰিযং ন ভাৱিত্থ সো অঞ্ঞাতাৱিন্দ্ৰিযং ন সচ্ছিকৰিত্থাতি? আমন্তা.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিত্থ সো অনঞ্ঞাতঞ্ঞস্সামীতিন্দ্ৰিযং ন ভাৱিত্থাতি?

সত্ত পুগ্গলা অঞ্ঞাতাৱিন্দ্ৰিযং ন সচ্ছিকৰিত্থ, নো চ অনঞ্ঞাতঞ্ঞস্সামীতিন্দ্ৰিযং ন ভাৱিত্থ. দ্ৱে পুগ্গলা অঞ্ঞাতাৱিন্দ্ৰিযঞ্চ ন সচ্ছিকৰিত্থ অনঞ্ঞাতঞ্ঞস্সামীতিন্দ্ৰিযঞ্চ ন ভাৱিত্থ. (অনঞ্ঞাতঞ্ঞস্সামীতিন্দ্ৰিযমূলকং)

৪৫০. (ক) যো অঞ্ঞিন্দ্ৰিযং ন ভাৱিত্থ সো অঞ্ঞাতাৱিন্দ্ৰিযং ন সচ্ছিকৰিত্থাতি? আমন্তা.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰিত্থ সো অঞ্ঞিন্দ্ৰিযং ন ভাৱিত্থাতি?

যো অগ্গফলং সচ্ছিকৰোতি সো অঞ্ঞাতাৱিন্দ্ৰিযং ন সচ্ছিকৰিত্থ, নো চ অঞ্ঞিন্দ্ৰিযং ন ভাৱিত্থ. অট্ঠ পুগ্গলা অঞ্ঞাতাৱিন্দ্ৰিযঞ্চ ন সচ্ছিকৰিত্থ অঞ্ঞিন্দ্ৰিযঞ্চ ন ভাৱিত্থ. (অঞ্ঞিন্দ্ৰিযমূলকং)