১. পচ্চুপ্পন্নৱাৰো

(ক) অনুলোমং

৪৩৫. (ক) যো চক্খুন্দ্ৰিযং পৰিজানাতি সো সোতিন্দ্ৰিযং পৰিজানাতীতি? আমন্তা.

(খ) যো ৱা পন সোতিন্দ্ৰিযং পৰিজানাতি সো চক্খুন্দ্ৰিযং পৰিজানাতীতি? আমন্তা.

(ক) যো চক্খুন্দ্ৰিযং পৰিজানাতি সো দোমনস্সিন্দ্ৰিযং পজহতীতি? নো.

(খ) যো ৱা পন দোমনস্সিন্দ্ৰিযং পজহতি সো চক্খুন্দ্ৰিযং পৰিজানাতীতি? নো.

(ক) যো চক্খুন্দ্ৰিযং পৰিজানাতি সো অনঞ্ঞাতঞ্ঞস্সামীতিন্দ্ৰিযং ভাৱেতীতি? নো.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ভাৱেতি সো চক্খুন্দ্ৰিযং পৰিজানাতীতি? নো.

(ক) যো চক্খুন্দ্ৰিযং পৰিজানাতি সো অঞ্ঞিন্দ্ৰিযং ভাৱেতীতি? আমন্তা.

(খ) যো ৱা পন অঞ্ঞিন্দ্ৰিযং ভাৱেতি সো চক্খুন্দ্ৰিযং পৰিজানাতীতি?

দ্ৱে পুগ্গলা অঞ্ঞিন্দ্ৰিযং ভাৱেন্তি, নো চ চক্খুন্দ্ৰিযং পৰিজানন্তি. অগ্গমগ্গসমঙ্গী অঞ্ঞিন্দ্ৰিযঞ্চ ভাৱেতি চক্খুন্দ্ৰিযঞ্চ পৰিজানাতি.

(ক) যো চক্খুন্দ্ৰিযং পৰিজানাতি সো অঞ্ঞাতাৱিন্দ্ৰিযং সচ্ছিকৰোতীতি? নো.

(খ) যো ৱা পন অঞ্ঞাতাৱিন্দ্ৰিযং সচ্ছিকৰোতি সো চক্খুন্দ্ৰিযং পৰিজানাতীতি? নো. (চক্খুন্দ্ৰিযমূলকং)

৪৩৬. (ক) যো দোমনস্সিন্দ্ৰিযং পজহতি সো অনঞ্ঞাতঞ্ঞস্সামীতিন্দ্ৰিযং ভাৱেতীতি? নো.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ভাৱেতি সো দোমনস্সিন্দ্ৰিযং পজহতীতি? নো.

(ক) যো দোমনস্সিন্দ্ৰিযং পজহতি সো অঞ্ঞিন্দ্ৰিযং ভাৱেতীতি? আমন্তা.

(খ) যো ৱা পন অঞ্ঞিন্দ্ৰিযং ভাৱেতি সো দোমনস্সিন্দ্ৰিযং পজহতীতি?

দ্ৱে পুগ্গলা অঞ্ঞিন্দ্ৰিযং ভাৱেন্তি, নো চ দোমনস্সিন্দ্ৰিযং পজহন্তি. অনাগামিমগ্গসমঙ্গী অঞ্ঞিন্দ্ৰিযঞ্চ ভাৱেতি দোমনস্সিন্দ্ৰিযঞ্চ পজহতি.

(ক) যো দোমনস্সিন্দ্ৰিযং পজহতি সো অঞ্ঞাতাৱিন্দ্ৰিযং সচ্ছিকৰোতীতি? নো.

(খ) যো ৱা পন অঞ্ঞাতাৱিন্দ্ৰিযং সচ্ছিকৰোতি সো দোমনস্সিন্দ্ৰিযং পজহতীতি? নো. (দোমনস্সিন্দ্ৰিযমূলকং)

৪৩৭. (ক) যো অনঞ্ঞাতঞ্ঞস্সামীতিন্দ্ৰিযং ভাৱেতি সো অঞ্ঞিন্দ্ৰিযং ভাৱেতীতি? নো.

(খ) যো ৱা পন অঞ্ঞিন্দ্ৰিযং ভাৱেতি সো অনঞ্ঞাতঞ্ঞস্সামীতিন্দ্ৰিযং ভাৱেতীতি? নো.

(ক) যো অনঞ্ঞাতঞ্ঞস্সামীতিন্দ্ৰিযং ভাৱেতি সো অঞ্ঞাতাৱিন্দ্ৰিযং সচ্ছিকৰোতীতি? নো.

(খ) যো ৱা পন অঞ্ঞাতাৱিন্দ্ৰিযং সচ্ছিকৰোতি সো অনঞ্ঞাতঞ্ঞস্সামীতিন্দ্ৰিযং ভাৱেতীতি? নো. (অনঞ্ঞাতঞ্ঞস্সামীতিন্দ্ৰিযমূলকং)

৪৩৮. (ক) যো অঞ্ঞিন্দ্ৰিযং ভাৱেতি সো অঞ্ঞাতাৱিন্দ্ৰিযং সচ্ছিকৰোতীতি? নো.

(খ) যো ৱা পন অঞ্ঞাতাৱিন্দ্ৰিযং সচ্ছিকৰোতি সো অঞ্ঞিন্দ্ৰিযং ভাৱেতীতি? নো. (অঞ্ঞিন্দ্ৰিযমূলকং)

(খ) পচ্চনীকং

৪৩৯. (ক) যো চক্খুন্দ্ৰিযং ন পৰিজানাতি সো দোমনস্সিন্দ্ৰিযং নপ্পজহতীতি?

অনাগামিমগ্গসমঙ্গী চক্খুন্দ্ৰিযং ন পৰিজানাতি, নো চ দোমনস্সিন্দ্ৰিযং নপ্পজহতি. দ্ৱে মগ্গসমঙ্গিনো ঠপেত্ৱা অৱসেসা পুগ্গলা চক্খুন্দ্ৰিযঞ্চ ন পৰিজানন্তি দোমনস্সিন্দ্ৰিযঞ্চ নপ্পজহন্তি.

(খ) যো ৱা পন দোমনস্সিন্দ্ৰিযং নপ্পজহতি সো চক্খুন্দ্ৰিযং ন পৰিজানাতীতি?

অগ্গমগ্গসমঙ্গী দোমনস্সিন্দ্ৰিযং নপ্পজহতি, নো চ চক্খুন্দ্ৰিযং ন পৰিজানাতি. দ্ৱে মগ্গসমঙ্গিনো ঠপেত্ৱা অৱসেসা পুগ্গলা দোমনস্সিন্দ্ৰিযঞ্চ নপ্পজহন্তি চক্খুন্দ্ৰিযঞ্চ ন পৰিজানন্তি.

(ক) যো চক্খুন্দ্ৰিযং ন পৰিজানাতি সো অনঞ্ঞাতঞ্ঞস্সামীতিন্দ্ৰিযং ন ভাৱেতীতি?

অট্ঠমকো চক্খুন্দ্ৰিযং ন পৰিজানাতি, নো চ অনঞ্ঞাতঞ্ঞস্সামীতিন্দ্ৰিযং ন ভাৱেতি. দ্ৱে মগ্গসমঙ্গিনো ঠপেত্ৱা অৱসেসা পুগ্গলা চক্খুন্দ্ৰিযঞ্চ ন পৰিজানন্তি অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ন ভাৱেতি সো চক্খুন্দ্ৰিযং ন পৰিজানাতীতি?

অগ্গমগ্গসমঙ্গী অনঞ্ঞাতঞ্ঞস্সামীতিন্দ্ৰিযং ন ভাৱেতি, নো চ চক্খুন্দ্ৰিযং ন পৰিজানাতি. দ্ৱে মগ্গসমঙ্গিনো ঠপেত্ৱা অৱসেসা পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি চক্খুন্দ্ৰিযঞ্চ ন পৰিজানন্তি.

(ক) যো চক্খুন্দ্ৰিযং ন পৰিজানাতি সো অঞ্ঞিন্দ্ৰিযং ন ভাৱেতীতি?

দ্ৱে পুগ্গলা চক্খুন্দ্ৰিযং ন পৰিজানন্তি, নো চ অঞ্ঞিন্দ্ৰিযং ন ভাৱেন্তি. তযো মগ্গসমঙ্গিনো ঠপেত্ৱা অৱসেসা পুগ্গলা চক্খুন্দ্ৰিযঞ্চ ন পৰিজানন্তি অঞ্ঞিন্দ্ৰিযঞ্চ ন ভাৱেন্তি.

(খ) যো ৱা পন অঞ্ঞিন্দ্ৰিযং ন ভাৱেতি সো চক্খুন্দ্ৰিযং ন পৰিজানাতীতি? আমন্তা.

(ক) যো চক্খুন্দ্ৰিযং ন পৰিজানাতি সো অঞ্ঞাতাৱিন্দ্ৰিযং ন সচ্ছিকৰোতীতি?

যো অগ্গফলং সচ্ছিকৰোতি সো চক্খুন্দ্ৰিযং ন পৰিজানাতি, নো চ অঞ্ঞাতাৱিন্দ্ৰিযং ন সচ্ছিকৰোতি. অগ্গমগ্গসমঙ্গিঞ্চ অৰহন্তঞ্চ ঠপেত্ৱা অৱসেসা পুগ্গলা চক্খুন্দ্ৰিযঞ্চ ন পৰিজানন্তি অঞ্ঞাতাৱিন্দ্ৰিযঞ্চ ন সচ্ছিকৰোন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰোতি সো চক্খুন্দ্ৰিযং ন পৰিজানাতীতি?

অগ্গমগ্গসমঙ্গী অঞ্ঞাতাৱিন্দ্ৰিযং ন সচ্ছিকৰোতি, নো চ চক্খুন্দ্ৰিযং ন পৰিজানাতি. অগ্গমগ্গসমঙ্গিঞ্চ অৰহন্তঞ্চ ঠপেত্ৱা অৱসেসা পুগ্গলা অঞ্ঞাতাৱিন্দ্ৰিযঞ্চ ন সচ্ছিকৰোন্তি চক্খুন্দ্ৰিযঞ্চ ন পৰিজানন্তি. (চক্খুন্দ্ৰিযমূলকং)

৪৪০. (ক) যো দোমনস্সিন্দ্ৰিযং নপ্পজহতি সো অনঞ্ঞাতঞ্ঞস্সামীতিন্দ্ৰিযং ন ভাৱেতীতি?

অট্ঠমকো দোমনস্সিন্দ্ৰিযং নপ্পজহতি, নো চ অনঞ্ঞাতঞ্ঞস্সামীতিন্দ্ৰিযং ন ভাৱেতি. দ্ৱে মগ্গসমঙ্গিনো ঠপেত্ৱা অৱসেসা পুগ্গলা দোমনস্সিন্দ্ৰিযঞ্চ নপ্পজহন্তি অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি.

(খ) যো ৱা পন অনঞ্ঞাতঞ্ঞস্সামীতিন্দ্ৰিযং ন ভাৱেতি সো দোমনস্সিন্দ্ৰিযং নপ্পজহতীতি?

অনাগামিমগ্গসমঙ্গী অনঞ্ঞাতঞ্ঞস্সামীতিন্দ্ৰিযং ন ভাৱেতি, নো চ দোমনস্সিন্দ্ৰিযং নপ্পজহতি. দ্ৱে মগ্গসমঙ্গিনো ঠপেত্ৱা অৱসেসা পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি দোমনস্সিন্দ্ৰিযঞ্চ নপ্পজহন্তি.

(ক) যো দোমনস্সিন্দ্ৰিযং নপ্পজহতি সো অঞ্ঞিন্দ্ৰিযং ন ভাৱেতীতি?

দ্ৱে পুগ্গলা দোমনস্সিন্দ্ৰিযং নপ্পজহন্তি, নো চ অঞ্ঞিন্দ্ৰিযং ন ভাৱেন্তি. তযো মগ্গসমঙ্গিনো ঠপেত্ৱা অৱসেসা পুগ্গলা দোমনস্সিন্দ্ৰিযঞ্চ নপ্পজহন্তি অঞ্ঞিন্দ্ৰিযঞ্চ ন ভাৱেন্তি.

(খ) যো ৱা পন অঞ্ঞিন্দ্ৰিযং ন ভাৱেতি সো দোমনস্সিন্দ্ৰিযং নপ্পজহতীতি? আমন্তা.

(ক) যো দোমনস্সিন্দ্ৰিযং নপ্পজহতি সো অঞ্ঞাতাৱিন্দ্ৰিযং ন সচ্ছিকৰোতীতি?

যো অগ্গফলং সচ্ছিকৰোতি সো দোমনস্সিন্দ্ৰিযং নপ্পজহতি, নো চ অঞ্ঞাতাৱিন্দ্ৰিযং ন সচ্ছিকৰোতি. অনাগামিমগ্গসমঙ্গিঞ্চ অৰহন্তঞ্চ ঠপেত্ৱা অৱসেসা পুগ্গলা দোমনস্সিন্দ্ৰিযঞ্চ নপ্পজহন্তি অঞ্ঞাতাৱিন্দ্ৰিযঞ্চ ন সচ্ছিকৰোন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰোতি সো দোমনস্সিন্দ্ৰিযং নপ্পজহতীতি?

অনাগামিমগ্গসমঙ্গী অঞ্ঞাতাৱিন্দ্ৰিযং ন সচ্ছিকৰোতি, নো চ দোমনস্সিন্দ্ৰিযং নপ্পজহতি. অনাগামিমগ্গসমঙ্গিঞ্চ অৰহন্তঞ্চ ঠপেত্ৱা অৱসেসা পুগ্গলা অঞ্ঞাতাৱিন্দ্ৰিযঞ্চ ন সচ্ছিকৰোন্তি দোমনস্সিন্দ্ৰিযঞ্চ নপ্পজহন্তি. (দোমনস্সিন্দ্ৰিযমূলকং)

৪৪১. (ক) যো অনঞ্ঞাতঞ্ঞস্সামীতিন্দ্ৰিযং ন ভাৱেতি সো অঞ্ঞিন্দ্ৰিযং ন ভাৱেতীতি?

তযো মগ্গসমঙ্গিনো [তযো পুগ্গলা (পী.)] অনঞ্ঞাতঞ্ঞস্সামীতিন্দ্ৰিযং ন ভাৱেন্তি, নো চ অঞ্ঞিন্দ্ৰিযং ন ভাৱেন্তি. চত্তাৰো মগ্গসমঙ্গিনো [অট্ঠমকঞ্চ তযো মগ্গসমঙ্গিনো চ (পী.)] ঠপেত্ৱা অৱসেসা পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি অঞ্ঞিন্দ্ৰিযঞ্চ ন ভাৱেন্তি.

(খ) যো ৱা পন অঞ্ঞিন্দ্ৰিযং ন ভাৱেতি সো অনঞ্ঞাতঞ্ঞস্সামীতিন্দ্ৰিযং ন ভাৱেতীতি?

অট্ঠমকো অঞ্ঞিন্দ্ৰিযং ন ভাৱেতি, নো চ অনঞ্ঞাতঞ্ঞস্সামীতিন্দ্ৰিযং ন ভাৱেতি. চত্তাৰো মগ্গসমঙ্গিনো ঠপেত্ৱা অৱসেসা পুগ্গলা অঞ্ঞিন্দ্ৰিযঞ্চ ন ভাৱেন্তি অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি.

(ক) যো অনঞ্ঞাতঞ্ঞস্সামীতিন্দ্ৰিযং ন ভাৱেতি সো অঞ্ঞাতাৱিন্দ্ৰিযং ন সচ্ছিকৰোতীতি?

যো অগ্গফলং সচ্ছিকৰোতি সো অনঞ্ঞাতঞ্ঞস্সামীতিন্দ্ৰিযং ন ভাৱেতি, নো চ অঞ্ঞাতাৱিন্দ্ৰিযং ন সচ্ছিকৰোতি. অট্ঠমকঞ্চ অৰহন্তঞ্চ ঠপেত্ৱা অৱসেসা পুগ্গলা অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি অঞ্ঞাতাৱিন্দ্ৰিযঞ্চ ন সচ্ছিকৰোন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰোতি সো অনঞ্ঞাতঞ্ঞস্সামীতিন্দ্ৰিযং ন ভাৱেতীতি?

অট্ঠমকো অঞ্ঞাতাৱিন্দ্ৰিযং ন সচ্ছিকৰোতি, নো চ অনঞ্ঞাতঞ্ঞস্সামীতিন্দ্ৰিযং ন ভাৱেতি. অট্ঠমকঞ্চ অৰহন্তঞ্চ ঠপেত্ৱা অৱসেসা পুগ্গলা অঞ্ঞাতাৱিন্দ্ৰিযঞ্চ ন সচ্ছিকৰোন্তি অনঞ্ঞাতঞ্ঞস্সামীতিন্দ্ৰিযঞ্চ ন ভাৱেন্তি. (অনঞ্ঞাতঞ্ঞস্সামীতিন্দ্ৰিযমূলকং)

৪৪২. (ক) যো অঞ্ঞিন্দ্ৰিযং ন ভাৱেতি সো অঞ্ঞাতাৱিন্দ্ৰিযং ন সচ্ছিকৰোতীতি?

যো অগ্গফলং সচ্ছিকৰোতি সো অঞ্ঞিন্দ্ৰিযং ন ভাৱেতি, নো চ অঞ্ঞাতাৱিন্দ্ৰিযং ন সচ্ছিকৰোতি. তযো মগ্গসমঙ্গিনো চ অৰহন্তঞ্চ ঠপেত্ৱা অৱসেসা পুগ্গলা অঞ্ঞিন্দ্ৰিযঞ্চ ন ভাৱেন্তি অঞ্ঞাতাৱিন্দ্ৰিযঞ্চ ন সচ্ছিকৰোন্তি.

(খ) যো ৱা পন অঞ্ঞাতাৱিন্দ্ৰিযং ন সচ্ছিকৰোতি সো অঞ্ঞিন্দ্ৰিযং ন ভাৱেতীতি?

তযো মগ্গসমঙ্গিনো অঞ্ঞাতাৱিন্দ্ৰিযং ন সচ্ছিকৰোন্তি, নো চ অঞ্ঞিন্দ্ৰিযং ন ভাৱেন্তি. তযো মগ্গসমঙ্গিনো চ অৰহন্তঞ্চ ঠপেত্ৱা অৱসেসা পুগ্গলা অঞ্ঞাতাৱিন্দ্ৰিযঞ্চ ন সচ্ছিকৰোন্তি অঞ্ঞিন্দ্ৰিযঞ্চ ন ভাৱেন্তি. (অঞ্ঞিন্দ্ৰিযমূলকং)