(১) পচ্চুপ্পন্নৱাৰো

(ক) অনুলোমপুগ্গলো

১৯. (ক) যস্স কাযসঙ্খাৰো উপ্পজ্জতি তস্স ৱচীসঙ্খাৰো উপ্পজ্জতীতি?

ৱিনা ৱিতক্কৱিচাৰেহি অস্সাসপস্সাসানং উপ্পাদক্খণে তেসং কাযসঙ্খাৰো উপ্পজ্জতি, নো চ তেসং ৱচীসঙ্খাৰো উপ্পজ্জতি. পঠমজ্ঝানং সমাপন্নানং কামাৱচৰানং অস্সাসপস্সাসানং উপ্পাদক্খণে তেসং কাযসঙ্খাৰো চ উপ্পজ্জতি ৱচীসঙ্খাৰো চ উপ্পজ্জতি.

(খ) যস্স ৱা পন ৱচীসঙ্খাৰো উপ্পজ্জতি তস্স কাযসঙ্খাৰো উপ্পজ্জতীতি?

ৱিনা অস্সাসপস্সাসেহি ৱিতক্কৱিচাৰানং উপ্পাদক্খণে তেসং ৱচীসঙ্খাৰো উপ্পজ্জতি, নো চ তেসং কাযসঙ্খাৰো উপ্পজ্জতি. পঠমজ্ঝানং সমাপন্নানং কামাৱচৰানং অস্সাসপস্সাসানং উপ্পাদক্খণে তেসং ৱচীসঙ্খাৰো চ উপ্পজ্জতি কাযসঙ্খাৰো চ উপ্পজ্জতি.

(ক) যস্স কাযসঙ্খাৰো উপ্পজ্জতি তস্স চিত্তসঙ্খাৰো উপ্পজ্জতীতি? আমন্তা.

(খ) যস্স ৱা পন চিত্তসঙ্খাৰো উপ্পজ্জতি তস্স কাযসঙ্খাৰো উপ্পজ্জতীতি?

ৱিনা অস্সাসপস্সাসেহি চিত্তস্স উপ্পাদক্খণে তেসং চিত্তসঙ্খাৰো উপ্পজ্জতি, নো চ তেসং কাযসঙ্খাৰো উপ্পজ্জতি. অস্সাসপস্সাসানং উপ্পাদক্খণে তেসং চিত্তসঙ্খাৰো চ উপ্পজ্জতি কাযসঙ্খাৰো চ উপ্পজ্জতি.

২০. (ক) যস্স ৱচীসঙ্খাৰো উপ্পজ্জতি তস্স চিত্তসঙ্খাৰো উপ্পজ্জতীতি? আমন্তা.

(খ) যস্স ৱা পন চিত্তসঙ্খাৰো উপ্পজ্জতি তস্স ৱচীসঙ্খাৰো উপ্পজ্জতীতি?

ৱিনা ৱিতক্কৱিচাৰেহি চিত্তস্স উপ্পাদক্খণে তেসং চিত্তসঙ্খাৰো উপ্পজ্জতি, নো চ তেসং ৱচীসঙ্খাৰো উপ্পজ্জতি. ৱিতক্কৱিচাৰানং উপ্পাদক্খণে তেসং চিত্তসঙ্খাৰো চ উপ্পজ্জতি ৱচীসঙ্খাৰো চ উপ্পজ্জতি.

(খ) অনুলোমওকাসো

২১. (ক) যত্থ কাযসঙ্খাৰো উপ্পজ্জতি তত্থ ৱচীসঙ্খাৰো উপ্পজ্জতীতি?

দুতিযজ্ঝানে ততিযজ্ঝানে তত্থ কাযসঙ্খাৰো উপ্পজ্জতি, নো চ তত্থ ৱচীসঙ্খাৰো উপ্পজ্জতি. পঠমজ্ঝানে কামাৱচৰে তত্থ কাযসঙ্খাৰো চ উপ্পজ্জতি ৱচীসঙ্খাৰো চ উপ্পজ্জতি.

(খ) যত্থ ৱা পন ৱচীসঙ্খাৰো উপ্পজ্জতি তত্থ কাযসঙ্খাৰো উপ্পজ্জতীতি?

ৰূপাৱচৰে অৰূপাৱচৰে তত্থ ৱচীসঙ্খাৰো উপ্পজ্জতি, নো চ তত্থ কাযসঙ্খাৰো উপ্পজ্জতি. পঠমজ্ঝানে কামাৱচৰে তত্থ ৱচীসঙ্খাৰো চ উপ্পজ্জতি কাযসঙ্খাৰো চ উপ্পজ্জতি.

(ক) যত্থ কাযসঙ্খাৰো উপ্পজ্জতি তত্থ চিত্তসঙ্খাৰো উপ্পজ্জতীতি? আমন্তা.

(খ) যত্থ ৱা পন চিত্তসঙ্খাৰো উপ্পজ্জতি তত্থ কাযসঙ্খাৰো উপ্পজ্জতীতি?

চতুত্থজ্ঝানে ৰূপাৱচৰে অৰূপাৱচৰে তত্থ চিত্তসঙ্খাৰো উপ্পজ্জতি, নো চ তত্থ কাযসঙ্খাৰো উপ্পজ্জতি. পঠমজ্ঝানে দুতিযজ্ঝানে ততিযজ্ঝানে কামাৱচৰে তত্থ চিত্তসঙ্খাৰো চ উপ্পজ্জতি কাযসঙ্খাৰো চ উপ্পজ্জতি.

২২. (ক) যত্থ ৱচীসঙ্খাৰো উপ্পজ্জতি তত্থ চিত্তসঙ্খাৰো উপ্পজ্জতীতি? আমন্তা.

(খ) যত্থ ৱা পন চিত্তসঙ্খাৰো উপ্পজ্জতি তত্থ ৱচীসঙ্খাৰো উপ্পজ্জতীতি?

দুতিযজ্ঝানে ততিযজ্ঝানে চতুত্থজ্ঝানে তত্থ চিত্তসঙ্খাৰো উপ্পজ্জতি, নো চ তত্থ ৱচীসঙ্খাৰো উপ্পজ্জতি. পঠমজ্ঝানে কামাৱচৰে ৰূপাৱচৰে অৰূপাৱচৰে তত্থ চিত্তসঙ্খাৰো চ উপ্পজ্জতি ৱচীসঙ্খাৰো চ উপ্পজ্জতি.

(গ) অনুলোমপুগ্গলোকাসা

২৩. যস্স যত্থ কাযসঙ্খাৰো উপ্পজ্জতি…পে….

(যস্সকম্পি যস্সযত্থকম্পি সদিসং.)

(ঘ) পচ্চনীকপুগ্গলো

২৪. (ক) যস্স কাযসঙ্খাৰো নুপ্পজ্জতি তস্স ৱচীসঙ্খাৰো নুপ্পজ্জতীতি?

ৱিনা অস্সাসপস্সাসেহি ৱিতক্কৱিচাৰানং উপ্পাদক্খণে তেসং কাযসঙ্খাৰো নুপ্পজ্জতি, নো চ তেসং ৱচীসঙ্খাৰো নুপ্পজ্জতি. সব্বেসং চিত্তস্স ভঙ্গক্খণে ৱিনা অস্সাসপস্সাসেহি অৱিতক্কঅৱিচাৰচিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং কাযসঙ্খাৰো চ নুপ্পজ্জতি ৱচীসঙ্খাৰো চ নুপ্পজ্জতি.

(খ) যস্স ৱা পন ৱচীসঙ্খাৰো নুপ্পজ্জতি তস্স কাযসঙ্খাৰো নুপ্পজ্জতীতি?

ৱিনা ৱিতক্কৱিচাৰেহি অস্সাসপস্সাসানং উপ্পাদক্খণে তেসং ৱচীসঙ্খাৰো নুপ্পজ্জতি, নো চ তেসং কাযসঙ্খাৰো নুপ্পজ্জতি. সব্বেসং চিত্তস্স ভঙ্গক্খণে ৱিনা অস্সাসপস্সাসেহি অৱিতক্কঅৱিচাৰচিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং ৱচীসঙ্খাৰো চ নুপ্পজ্জতি কাযসঙ্খাৰো চ নুপ্পজ্জতি.

(ক) যস্স কাযসঙ্খাৰো নুপ্পজ্জতি তস্স চিত্তসঙ্খাৰো নুপ্পজ্জতীতি?

ৱিনা অস্সাসপস্সাসেহি চিত্তস্স উপ্পাদক্খণে তেসং কাযসঙ্খাৰো নুপ্পজ্জতি, নো চ তেসং চিত্তসঙ্খাৰো নুপ্পজ্জতি. সব্বেসং চিত্তস্স ভঙ্গক্খণে নিৰোধসমাপন্নানং অসঞ্ঞসত্তানং তেসং কাযসঙ্খাৰো চ নুপ্পজ্জতি চিত্তসঙ্খাৰো চ নুপ্পজ্জতি.

(খ) যস্স ৱা পন চিত্তসঙ্খাৰো নুপ্পজ্জতি তস্স কাযসঙ্খাৰো নুপ্পজ্জতীতি? আমন্তা.

২৫. (ক) যস্স ৱচীসঙ্খাৰো নুপ্পজ্জতি তস্স চিত্তসঙ্খাৰো নুপ্পজ্জতীতি?

ৱিনা ৱিতক্কৱিচাৰেহি চিত্তস্স উপ্পাদক্খণে তেসং ৱচীসঙ্খাৰো নুপ্পজ্জতি, নো চ তেসং চিত্তসঙ্খাৰো নুপ্পজ্জতি. সব্বেসং চিত্তস্স ভঙ্গক্খণে নিৰোধসমাপন্নানং অসঞ্ঞসত্তানং তেসং ৱচীসঙ্খাৰো চ নুপ্পজ্জতি চিত্তসঙ্খাৰো চ নুপ্পজ্জতি.

(খ) যস্স ৱা পন চিত্তসঙ্খাৰো নুপ্পজ্জতি তস্স ৱচীসঙ্খাৰো নুপ্পজ্জতীতি? আমন্তা.

(ঙ) পচ্চনীকওকাসো

২৬. (ক) যত্থ কাযসঙ্খাৰো নুপ্পজ্জতি তত্থ ৱচীসঙ্খাৰো নুপ্পজ্জতীতি?

ৰূপাৱচৰে অৰূপাৱচৰে তত্থ কাযসঙ্খাৰো নুপ্পজ্জতি, নো চ তত্থ ৱচীসঙ্খাৰো নুপ্পজ্জতি. চতুত্থজ্ঝানে অসঞ্ঞসত্তে তত্থ কাযসঙ্খাৰো চ নুপ্পজ্জতি ৱচীসঙ্খাৰো চ নুপ্পজ্জতি.

(খ) যত্থ ৱা পন ৱচীসঙ্খাৰো নুপ্পজ্জতি তত্থ কাযসঙ্খাৰো নুপ্পজ্জতীতি?

দুতিযজ্ঝানে ততিযজ্ঝানে তত্থ ৱচীসঙ্খাৰো নুপ্পজ্জতি, নো চ তত্থ কাযসঙ্খাৰো নুপ্পজ্জতি. চতুত্থজ্ঝানে অসঞ্ঞসত্তে তত্থ ৱচীসঙ্খাৰো চ নুপ্পজ্জতি কাযসঙ্খাৰো চ নুপ্পজ্জতি.

(ক) যত্থ কাযসঙ্খাৰো নুপ্পজ্জতি তত্থ চিত্তসঙ্খাৰো নুপ্পজ্জতীতি?

চতুত্থজ্ঝানে ৰূপাৱচৰে অৰূপাৱচৰে তত্থ কাযসঙ্খাৰো নুপ্পজ্জতি, নো চ তত্থ চিত্তসঙ্খাৰো নুপ্পজ্জতি. অসঞ্ঞসত্তে তত্থ কাযসঙ্খাৰো চ নুপ্পজ্জতি চিত্তসঙ্খাৰো চ নুপ্পজ্জতি.

(খ) যত্থ ৱা পন…পে…? আমন্তা.

২৭. (ক) যত্থ ৱচীসঙ্খাৰো নুপ্পজ্জতি তত্থ চিত্তসঙ্খাৰো নুপ্পজ্জতীতি?

দুতিযজ্ঝানে ততিযজ্ঝানে চতুত্থজ্ঝানে তত্থ ৱচীসঙ্খাৰো নুপ্পজ্জতি, নো চ তত্থ চিত্তসঙ্খাৰো নুপ্পজ্জতি. অসঞ্ঞসত্তে তত্থ ৱচীসঙ্খাৰো চ নুপ্পজ্জতি চিত্তসঙ্খাৰো চ নুপ্পজ্জতি.

(খ) যত্থ ৱা পন…পে…? আমন্তা.

(চ) পচ্চনীকপুগ্গলোকাসা

২৮. (ক) যস্স যত্থ কাযসঙ্খাৰো নুপ্পজ্জতি তস্স তত্থ ৱচীসঙ্খাৰো নুপ্পজ্জতীতি?

ৱিনা অস্সাসপস্সাসেহি ৱিতক্কৱিচাৰানং উপ্পাদক্খণে তেসং তত্থ কাযসঙ্খাৰো নুপ্পজ্জতি, নো চ তেসং তত্থ ৱচীসঙ্খাৰো নুপ্পজ্জতি. সব্বেসং চিত্তস্স ভঙ্গক্খণে ৱিনা অস্সাসপস্সাসেহি অৱিতক্কঅৱিচাৰচিত্তস্স উপ্পাদক্খণে অসঞ্ঞসত্তানং তেসং তত্থ কাযসঙ্খাৰো চ নুপ্পজ্জতি ৱচীসঙ্খাৰো চ নুপ্পজ্জতি.

(খ) যস্স ৱা পন যত্থ…পে…? আমন্তা.

(যস্সকম্পি যস্সযত্থকম্পি সদিসং ৱিত্থাৰেতব্বং, যস্সযত্থকে নিৰোধসমাপন্নানন্তি ন লব্ভতি.)