(২) অতীতৱাৰো

(ক) অনুলোমপুগ্গলো

২৯. (ক) যস্স কাযসঙ্খাৰো উপ্পজ্জিত্থ তস্স ৱচীসঙ্খাৰো উপ্পজ্জিত্থাতি? আমন্তা.

(খ) যস্স ৱা পন…পে…? আমন্তা.

(ক) যস্স কাযসঙ্খাৰো উপ্পজ্জিত্থ তস্স চিত্তসঙ্খাৰো উপ্পজ্জিত্থাতি? আমন্তা.

(খ) যস্স ৱা পন…পে…? আমন্তা.

৩০. (ক) যস্স ৱচীসঙ্খাৰো উপ্পজ্জিত্থ তস্স চিত্তসঙ্খাৰো উপ্পজ্জিত্থাতি? আমন্তা.

(খ) যস্স ৱা পন…পে…? আমন্তা.

(খ) অনুলোমওকাসো

৩১. যত্থ কাযসঙ্খাৰো উপ্পজ্জিত্থ…পে…

(যত্থকম্পি সব্বত্থ একসদিসং).

(গ) অনুলোমপুগ্গলোকাসা

৩২. (ক) যস্স যত্থ কাযসঙ্খাৰো উপ্পজ্জিত্থ তস্স তত্থ ৱচীসঙ্খাৰো উপ্পজ্জিত্থাতি?

দুতিযজ্ঝানং ততিযজ্ঝানং সমাপন্নানং তেসং তত্থ কাযসঙ্খাৰো উপ্পজ্জিত্থ, নো চ তেসং তত্থ ৱচীসঙ্খাৰো উপ্পজ্জিত্থ. পঠমজ্ঝানং সমাপন্নানং কামাৱচৰানং তেসং তত্থ কাযসঙ্খাৰো চ উপ্পজ্জিত্থ ৱচীসঙ্খাৰো চ উপ্পজ্জিত্থ.

(খ) যস্স ৱা পন যত্থ ৱচীসঙ্খাৰো উপ্পজ্জিত্থ তস্স তত্থ কাযসঙ্খাৰো উপ্পজ্জিত্থাতি?

ৰূপাৱচৰানং অৰূপাৱচৰানং তেসং তত্থ ৱচীসঙ্খাৰো উপ্পজ্জিত্থ, নো চ তেসং তত্থ কাযসঙ্খাৰো উপ্পজ্জিত্থ. পঠমজ্ঝানং সমাপন্নানং কামাৱচৰানং তেসং তত্থ ৱচীসঙ্খাৰো চ উপ্পজ্জিত্থ কাযসঙ্খাৰো চ উপ্পজ্জিত্থ.

(ক) যস্স যত্থ কাযসঙ্খাৰো উপ্পজ্জিত্থ তস্স তত্থ চিত্তসঙ্খাৰো উপ্পজ্জিত্থাতি? আমন্তা.

(খ) যস্স ৱা পন যত্থ চিত্তসঙ্খাৰো উপ্পজ্জিত্থ তস্স তত্থ কাযসঙ্খাৰো উপ্পজ্জিত্থাতি?

চতুত্থজ্ঝানং সমাপন্নানং ৰূপাৱচৰানং অৰূপাৱচৰানং তেসং তত্থ চিত্তসঙ্খাৰো উপ্পজ্জিত্থ, নো চ তেসং তত্থ কাযসঙ্খাৰো উপ্পজ্জিত্থ. পঠমজ্ঝানং দুতিযজ্ঝানং ততিযজ্ঝানং সমাপন্নানং কামাৱচৰানং তেসং তত্থ চিত্তসঙ্খাৰো চ উপ্পজ্জিত্থ কাযসঙ্খাৰো চ উপ্পজ্জিত্থ.

৩৩. (ক) যস্স যত্থ ৱচীসঙ্খাৰো উপ্পজ্জিত্থ তস্স তত্থ চিত্তসঙ্খাৰো উপ্পজ্জিত্থাতি? আমন্তা.

(খ) যস্স ৱা পন যত্থ চিত্তসঙ্খাৰো উপ্পজ্জিত্থ তস্স তত্থ ৱচীসঙ্খাৰো উপ্পজ্জিত্থাতি?

দুতিযজ্ঝানং ততিযজ্ঝানং চতুত্থজ্ঝানং সমাপন্নানং সুদ্ধাৱাসানং দুতিযে চিত্তে ৱত্তমানে তেসং তত্থ চিত্তসঙ্খাৰো উপ্পজ্জিত্থ, নো চ তেসং তত্থ ৱচীসঙ্খাৰো উপ্পজ্জিত্থ. পঠমজ্ঝানং সমাপন্নানং কামাৱচৰানং ইতৰেসং ৰূপাৱচৰানং অৰূপাৱচৰানং তেসং তত্থ চিত্তসঙ্খাৰো চ উপ্পজ্জিত্থ ৱচীসঙ্খাৰো চ উপ্পজ্জিত্থ.

(ঘ) পচ্চনীকপুগ্গলো

৩৪. (ক) যস্স কাযসঙ্খাৰো নুপ্পজ্জিত্থ তস্স ৱচীসঙ্খাৰো নুপ্পজ্জিত্থাতি? নত্থি.

(খ) যস্স ৱা পন ৱচীসঙ্খাৰো নুপ্পজ্জিত্থ তস্স কাযসঙ্খাৰো নুপ্পজ্জিত্থাতি? নত্থি.

(ক) যস্স কাযসঙ্খাৰো নুপ্পজ্জিত্থ তস্স চিত্তসঙ্খাৰো নুপ্পজ্জিত্থাতি? নত্থি.

(খ) যস্স ৱা পন…পে…? নত্থি.

৩৫. (ক) যস্স ৱচীসঙ্খাৰো নুপ্পজ্জিত্থ তস্স চিত্তসঙ্খাৰো নুপ্পজ্জিত্থাতি? নত্থি.

(খ) যস্স ৱা পন…পে…? নত্থি.

(ঙ) পচ্চনীকওকাসো

৩৬. যত্থ কাযসঙ্খাৰো নুপ্পজ্জিত্থ…পে….

(চ) পচ্চনীকপুগ্গলোকাসা

৩৭. (ক) যস্স যত্থ কাযসঙ্খাৰো নুপ্পজ্জিত্থ তস্স তত্থ ৱচীসঙ্খাৰো নুপ্পজ্জিত্থাতি?

ৰূপাৱচৰানং অৰূপাৱচৰানং তেসং তত্থ কাযসঙ্খাৰো নুপ্পজ্জিত্থ, নো চ তেসং তত্থ ৱচীসঙ্খাৰো নুপ্পজ্জিত্থ. চতুত্থজ্ঝানং সমাপন্নানং সুদ্ধাৱাসানং দুতিযে চিত্তে ৱত্তমানে অসঞ্ঞসত্তানং তেসং তত্থ কাযসঙ্খাৰো চ নুপ্পজ্জিত্থ ৱচীসঙ্খাৰো চ নুপ্পজ্জিত্থ.

(খ) যস্স ৱা পন যত্থ ৱচীসঙ্খাৰো নুপ্পজ্জিত্থ তস্স তত্থ কাযসঙ্খাৰো নুপ্পজ্জিত্থাতি?

দুতিযজ্ঝানং ততিযজ্ঝানং সমাপন্নানং তেসং তত্থ ৱচীসঙ্খাৰো নুপ্পজ্জিত্থ, নো চ তেসং তত্থ কাযসঙ্খাৰো নুপ্পজ্জিত্থ. চতুত্থজ্ঝানং সমাপন্নানং সুদ্ধাৱাসানং দুতিযে চিত্তে ৱত্তমানে অসঞ্ঞসত্তানং তেসং তত্থ ৱচীসঙ্খাৰো চ নুপ্পজ্জিত্থ কাযসঙ্খাৰো চ নুপ্পজ্জিত্থ.

(ক) যস্স যত্থ কাযসঙ্খাৰো নুপ্পজ্জিত্থ তস্স তত্থ চিত্তসঙ্খাৰো নুপ্পজ্জিত্থাতি?

চতুত্থজ্ঝানং সমাপন্নানং ৰূপাৱচৰানং অৰূপাৱচৰানং তেসং তত্থ কাযসঙ্খাৰো নুপ্পজ্জিত্থ, নো চ তেসং তত্থ চিত্তসঙ্খাৰো নুপ্পজ্জিত্থ. সুদ্ধাৱাসং উপপজ্জন্তানং অসঞ্ঞসত্তানং তেসং তত্থ কাযসঙ্খাৰো চ নুপ্পজ্জিত্থ চিত্তসঙ্খাৰো চ নুপ্পজ্জিত্থ.

(খ) যস্স ৱা পন যত্থ…পে…? আমন্তা.

৩৮. (ক) যস্স যত্থ ৱচীসঙ্খাৰো নুপ্পজ্জিত্থ তস্স তত্থ চিত্তসঙ্খাৰো নুপ্পজ্জিত্থাতি?

দুতিযজ্ঝানং ততিযজ্ঝানং চতুত্থজ্ঝানং সমাপন্নানং সুদ্ধাৱাসানং দুতিযে চিত্তে ৱত্তমানে তেসং তত্থ ৱচীসঙ্খাৰো নুপ্পজ্জিত্থ, নো চ তেসং তত্থ চিত্তসঙ্খাৰো নুপ্পজ্জিত্থ. সুদ্ধাৱাসং উপপজ্জন্তানং অসঞ্ঞসত্তানং তেসং তত্থ ৱচীসঙ্খাৰো চ নুপ্পজ্জিত্থ চিত্তসঙ্খাৰো চ নুপ্পজ্জিত্থ.

(খ) যস্স ৱা পন যত্থ…পে…? আমন্তা.