(৪) পচ্চুপ্পন্নাতীতৱাৰো

(ক) অনুলোমপুগ্গলো

৪৯. (ক) যস্স কাযসঙ্খাৰো উপ্পজ্জতি তস্স ৱচীসঙ্খাৰো উপ্পজ্জিত্থাতি? আমন্তা.

(খ) যস্স ৱা পন ৱচীসঙ্খাৰো উপ্পজ্জিত্থ তস্স কাযসঙ্খাৰো উপ্পজ্জতীতি?

সব্বেসং চিত্তস্স ভঙ্গক্খণে ৱিনা অস্সাসপস্সাসেহি চিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং ৱচীসঙ্খাৰো উপ্পজ্জিত্থ, নো চ তেসং কাযসঙ্খাৰো উপ্পজ্জতি. অস্সাসপস্সাসানং উপ্পাদক্খণে তেসং ৱচীসঙ্খাৰো চ উপ্পজ্জিত্থ কাযসঙ্খাৰো চ উপ্পজ্জতি.

(ক) যস্স কাযসঙ্খাৰো উপ্পজ্জতি তস্স চিত্তসঙ্খাৰো উপ্পজ্জিত্থাতি? আমন্তা.

(খ) যস্স ৱা পন চিত্তসঙ্খাৰো উপ্পজ্জিত্থ তস্স কাযসঙ্খাৰো উপ্পজ্জতীতি?

সব্বেসং চিত্তস্স ভঙ্গক্খণে ৱিনা অস্সাসপস্সাসেহি চিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং চিত্তসঙ্খাৰো উপ্পজ্জিত্থ, নো চ তেসং কাযসঙ্খাৰো উপ্পজ্জতি. অস্সাসপস্সাসানং উপ্পাদক্খণে তেসং চিত্তসঙ্খাৰো চ উপ্পজ্জিত্থ কাযসঙ্খাৰো চ উপ্পজ্জতি.

৫০. (ক) যস্স ৱচীসঙ্খাৰো উপ্পজ্জতি তস্স চিত্তসঙ্খাৰো উপ্পজ্জিত্থাতি? আমন্তা.

(খ) যস্স ৱা পন চিত্তসঙ্খাৰো উপ্পজ্জিত্থ তস্স ৱচীসঙ্খাৰো উপ্পজ্জতীতি?

সব্বেসং চিত্তস্স ভঙ্গক্খণে ৱিনা ৱিতক্কৱিচাৰেহি চিত্তস্স উপ্পাদক্খণে নিৰোধসমাপন্নানং অসঞ্ঞসত্তানং তেসং চিত্তসঙ্খাৰো উপ্পজ্জিত্থ, নো চ তেসং ৱচীসঙ্খাৰো উপ্পজ্জতি. ৱিতক্কৱিচাৰানং উপ্পাদক্খণে তেসং চিত্তসঙ্খাৰো চ উপ্পজ্জিত্থ ৱচীসঙ্খাৰো চ উপ্পজ্জতি.

(খ) অনুলোমওকাসো

৫১. যত্থ কাযসঙ্খাৰো উপ্পজ্জতি…পে….

(গ) অনুলোমপুগ্গলোকাসা

৫২. (ক) যস্স যত্থ কাযসঙ্খাৰো উপ্পজ্জতি তস্স তত্থ ৱচীসঙ্খাৰো উপ্পজ্জিত্থাতি?

দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসং তত্থ কাযসঙ্খাৰো উপ্পজ্জতি, নো চ তেসং তত্থ ৱচীসঙ্খাৰো উপ্পজ্জিত্থ. পঠমজ্ঝানং সমাপন্নানং কামাৱচৰানং অস্সাসপস্সাসানং উপ্পাদক্খণে তেসং তত্থ কাযসঙ্খাৰো চ উপ্পজ্জতি ৱচীসঙ্খাৰো চ উপ্পজ্জিত্থ.

(খ) যস্স ৱা পন যত্থ ৱচীসঙ্খাৰো উপ্পজ্জিত্থ তস্স তত্থ কাযসঙ্খাৰো উপ্পজ্জতীতি?

পঠমজ্ঝানং সমাপন্নানং কামাৱচৰানং অস্সাসপস্সাসানং ভঙ্গক্খণে তেসংযেৱ ৱিনা অস্সাসপস্সাসেহি চিত্তস্স উপ্পাদক্খণে ৰূপাৱচৰানং অৰূপাৱচৰানং তেসং তত্থ ৱচীসঙ্খাৰো উপ্পজ্জিত্থ, নো চ তেসং তত্থ কাযসঙ্খাৰো উপ্পজ্জতি. পঠমজ্ঝানং সমাপন্নানং কামাৱচৰানং অস্সাসপস্সাসানং উপ্পাদক্খণে তেসং তত্থ ৱচীসঙ্খাৰো চ উপ্পজ্জিত্থ কাযসঙ্খাৰো চ উপ্পজ্জতি.

(ক) যস্স যত্থ কাযসঙ্খাৰো উপ্পজ্জতি তস্স তত্থ চিত্তসঙ্খাৰো উপ্পজ্জিত্থাতি? আমন্তা.

(খ) যস্স ৱা পন যত্থ চিত্তসঙ্খাৰো উপ্পজ্জিত্থ তস্স তত্থ কাযসঙ্খাৰো উপ্পজ্জতীতি?

সব্বেসং চিত্তস্স ভঙ্গক্খণে ৱিনা অস্সাসপস্সাসেহি চিত্তস্স উপ্পাদক্খণে তেসং তত্থ চিত্তসঙ্খাৰো উপ্পজ্জিত্থ, নো চ তেসং তত্থ কাযসঙ্খাৰো উপ্পজ্জতি. অস্সাসপস্সাসানং উপ্পাদক্খণে তেসং তত্থ চিত্তসঙ্খাৰো চ উপ্পজ্জিত্থ কাযসঙ্খাৰো চ উপ্পজ্জতি.

৫৩. (ক) যস্স যত্থ ৱচীসঙ্খাৰো উপ্পজ্জতি তস্স তত্থ চিত্তসঙ্খাৰো উপ্পজ্জিত্থাতি? আমন্তা.

(খ) যস্স ৱা পন যত্থ চিত্তসঙ্খাৰো উপ্পজ্জিত্থ তস্স তত্থ ৱচীসঙ্খাৰো উপ্পজ্জতীতি?

সব্বেসং চিত্তস্স ভঙ্গক্খণে ৱিনা ৱিতক্কৱিচাৰেহি চিত্তস্স উপ্পাদক্খণে তেসং তত্থ চিত্তসঙ্খাৰো উপ্পজ্জিত্থ, নো চ তেসং তত্থ ৱচীসঙ্খাৰো উপ্পজ্জতি. ৱিতক্কৱিচাৰানং উপ্পাদক্খণে তেসং তত্থ চিত্তসঙ্খাৰো চ উপ্পজ্জিত্থ ৱচীসঙ্খাৰো চ উপ্পজ্জতি.

(ঘ) পচ্চনীকপুগ্গলো

৫৪. (ক) যস্স কাযসঙ্খাৰো নুপ্পজ্জতি তস্স ৱচীসঙ্খাৰো নুপ্পজ্জিত্থাতি? উপ্পজ্জিত্থ.

(খ) যস্স ৱা পন ৱচীসঙ্খাৰো নুপ্পজ্জিত্থ তস্স কাযসঙ্খাৰো নুপ্পজ্জতীতি? নত্থি.

(ক) যস্স কাযসঙ্খাৰো নুপ্পজ্জতি তস্স চিত্তসঙ্খাৰো নুপ্পজ্জিত্থাতি? উপ্পজ্জিত্থ.

(খ) যস্স ৱা পন চিত্তসঙ্খাৰো নুপ্পজ্জিত্থ তস্স কাযসঙ্খাৰো নুপ্পজ্জতীতি? নত্থি.

৫৫. (ক) যস্স ৱচীসঙ্খাৰো নুপ্পজ্জতি তস্স চিত্তসঙ্খাৰো নুপ্পজ্জিত্থাতি? উপ্পজ্জিত্থ.

(খ) যস্স ৱা পন…পে…? নত্থি.

(ঙ) পচ্চনীকওকাসো

৫৬. যত্থ কাযসঙ্খাৰো নুপ্পজ্জতি…পে….

(চ) পচ্চনীকপুগ্গলোকাসা

৫৭. (ক) যস্স যত্থ কাযসঙ্খাৰো নুপ্পজ্জতি তস্স তত্থ ৱচীসঙ্খাৰো নুপ্পজ্জিত্থাতি?

পঠমজ্ঝানং সমাপন্নানং কামাৱচৰানং অস্সাসপস্সাসানং ভঙ্গক্খণে তেসংযেৱ ৱিনা অস্সাসপস্সাসেহি চিত্তস্স উপ্পাদক্খণে ৰূপাৱচৰানং অৰূপাৱচৰানং তেসং তত্থ কাযসঙ্খাৰো নুপ্পজ্জতি, নো চ তেসং তত্থ ৱচীসঙ্খাৰো নুপ্পজ্জিত্থ. দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসংযেৱ ৱিনা অস্সাসপস্সাসেহি চিত্তস্স উপ্পাদক্খণে চতুত্থজ্ঝানং সমাপন্নানং সুদ্ধাৱাসানং দুতিযে চিত্তে ৱত্তমানে অসঞ্ঞসত্তানং তেসং তত্থ কাযসঙ্খাৰো চ নুপ্পজ্জতি ৱচীসঙ্খাৰো চ নুপ্পজ্জিত্থ.

(খ) যস্স ৱা পন যত্থ ৱচীসঙ্খাৰো নুপ্পজ্জিত্থ তস্স তত্থ কাযসঙ্খাৰো নুপ্পজ্জতীতি?

দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসং তত্থ ৱচীসঙ্খাৰো নুপ্পজ্জিত্থ, নো চ তেসং তত্থ কাযসঙ্খাৰো নুপ্পজ্জতি. দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসংযেৱ ৱিনা অস্সাসপস্সাসেহি চিত্তস্স উপ্পাদক্খণে চতুত্থজ্ঝানং সমাপন্নানং সুদ্ধাৱাসানং দুতিযে চিত্তে ৱত্তমানে অসঞ্ঞসত্তানং তেসং তত্থ ৱচীসঙ্খাৰো চ নুপ্পজ্জিত্থ কাযসঙ্খাৰো চ নুপ্পজ্জতি.

(ক) যস্স যত্থ কাযসঙ্খাৰো নুপ্পজ্জতি তস্স তত্থ চিত্তসঙ্খাৰো নুপ্পজ্জিত্থাতি?

সব্বেসং চিত্তস্স ভঙ্গক্খণে ৱিনা অস্সাসপস্সাসেহি চিত্তস্স উপ্পাদক্খণে তেসং তত্থ কাযসঙ্খাৰো নুপ্পজ্জতি, নো চ তেসং তত্থ চিত্তসঙ্খাৰো নুপ্পজ্জিত্থ. সুদ্ধাৱাসং উপপজ্জন্তানং অসঞ্ঞসত্তানং তেসং তত্থ কাযসঙ্খাৰো চ নুপ্পজ্জতি চিত্তসঙ্খাৰো চ নুপ্পজ্জিত্থ.

(খ) যস্স ৱা পন যত্থ চিত্তসঙ্খাৰো নুপ্পজ্জিত্থ তস্স তত্থ কাযসঙ্খাৰো নুপ্পজ্জতীতি? আমন্তা.

৫৮. (ক) যস্স যত্থ ৱচীসঙ্খাৰো নুপ্পজ্জতি তস্স তত্থ চিত্তসঙ্খাৰো নুপ্পজ্জিত্থাতি?

সব্বেসং চিত্তস্স ভঙ্গক্খণে ৱিনা ৱিতক্কৱিচাৰেহি চিত্তস্স উপ্পাদক্খণে তেসং তত্থ ৱচীসঙ্খাৰো নুপ্পজ্জতি, নো চ তেসং তত্থ চিত্তসঙ্খাৰো নুপ্পজ্জিত্থ. সুদ্ধাৱাসং উপপজ্জন্তানং অসঞ্ঞসত্তানং তেসং তত্থ ৱচীসঙ্খাৰো চ নুপ্পজ্জতি চিত্তসঙ্খাৰো চ নুপ্পজ্জিত্থ.

(খ) যস্স ৱা পন যত্থ…পে…? আমন্তা.