(৫) পচ্চুপ্পন্নানাগতৱাৰো

(ক) অনুলোমপুগ্গলো

১১৬. (ক) যস্স দুক্খসচ্চং নিৰুজ্ঝতি তস্স সমুদযসচ্চং নিৰুজ্ঝিস্সতীতি?

অগ্গমগ্গস্স ভঙ্গক্খণে অৰহন্তানং চিত্তস্স ভঙ্গক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স ভঙ্গক্খণে তেসং দুক্খসচ্চং নিৰুজ্ঝতি, নো চ তেসং সমুদযসচ্চং নিৰুজ্ঝিস্সতি. ইতৰেসং চৱন্তানং পৱত্তে চিত্তস্স ভঙ্গক্খণে তেসং দুক্খসচ্চঞ্চ নিৰুজ্ঝতি সমুদযসচ্চঞ্চ নিৰুজ্ঝিস্সতি.

(খ) যস্স ৱা পন সমুদযসচ্চং নিৰুজ্ঝিস্সতি তস্স দুক্খসচ্চং নিৰুজ্ঝতীতি?

সব্বেসং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং সমুদযসচ্চং নিৰুজ্ঝিস্সতি, নো চ তেসং দুক্খসচ্চং নিৰুজ্ঝতি. সব্বেসং চৱন্তানং পৱত্তে চিত্তস্স ভঙ্গক্খণে তেসং সমুদযসচ্চঞ্চ নিৰুজ্ঝিস্সতি দুক্খসচ্চঞ্চ নিৰুজ্ঝতি.

(ক) যস্স দুক্খসচ্চং নিৰুজ্ঝতি তস্স মগ্গসচ্চং নিৰুজ্ঝিস্সতীতি?

অগ্গমগ্গস্স ভঙ্গক্খণে অৰহন্তানং চিত্তস্স ভঙ্গক্খণে যে চ পুথুজ্জনা মগ্গং ন পটিলভিস্সন্তি তেসং চৱন্তানং পৱত্তে চিত্তস্স ভঙ্গক্খণে তেসং দুক্খসচ্চং নিৰুজ্ঝতি, নো চ তেসং মগ্গসচ্চং নিৰুজ্ঝিস্সতি. যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স ভঙ্গক্খণে যে চঞ্ঞে মগ্গং পটিলভিস্সন্তি তেসং চৱন্তানং পৱত্তে চিত্তস্স ভঙ্গক্খণে তেসং দুক্খসচ্চঞ্চ নিৰুজ্ঝতি মগ্গসচ্চঞ্চ নিৰুজ্ঝিস্সতি.

(খ) যস্স ৱা পন মগ্গসচ্চং নিৰুজ্ঝিস্সতি তস্স দুক্খসচ্চং নিৰুজ্ঝতীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স উপ্পাদক্খণে যে চঞ্ঞে মগ্গং পটিলভিস্সন্তি তেসং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং মগ্গসচ্চং নিৰুজ্ঝিস্সতি, নো চ তেসং দুক্খসচ্চং নিৰুজ্ঝতি. যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স ভঙ্গক্খণে যে চঞ্ঞে মগ্গং পটিলভিস্সন্তি তেসং চৱন্তানং পৱত্তে চিত্তস্স ভঙ্গক্খণে তেসং মগ্গসচ্চঞ্চ নিৰুজ্ঝিস্সতি দুক্খসচ্চঞ্চ নিৰুজ্ঝতি.

১১৭. (ক) যস্স সমুদযসচ্চং নিৰুজ্ঝতি তস্স মগ্গসচ্চং নিৰুজ্ঝিস্সতীতি?

যে পুথুজ্জনা মগ্গং ন পটিলভিস্সন্তি তেসং তণ্হায ভঙ্গক্খণে তেসং সমুদযসচ্চং নিৰুজ্ঝতি, নো চ তেসং মগ্গসচ্চং নিৰুজ্ঝিস্সতি. যে মগ্গং পটিলভিস্সন্তি তেসং তণ্হায ভঙ্গক্খণে তেসং সমুদযসচ্চঞ্চ নিৰুজ্ঝতি মগ্গসচ্চঞ্চ নিৰুজ্ঝিস্সতি.

(খ) যস্স ৱা পন মগ্গসচ্চং নিৰুজ্ঝিস্সতি তস্স সমুদযসচ্চং নিৰুজ্ঝতীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে নিৰোধসমাপন্নানং অসঞ্ঞসত্তানং তেসং মগ্গসচ্চং নিৰুজ্ঝিস্সতি, নো চ তেসং সমুদযসচ্চং নিৰুজ্ঝতি. যে মগ্গং পটিলভিস্সন্তি তেসং তণ্হায ভঙ্গক্খণে তেসং মগ্গসচ্চঞ্চ নিৰুজ্ঝিস্সতি সমুদযসচ্চঞ্চ নিৰুজ্ঝতি.

(খ) অনুলোমওকাসো

১১৮. যত্থ দুক্খসচ্চং নিৰুজ্ঝতি…পে….

(গ) অনুলোমপুগ্গলোকাসা

১১৯. (ক) যস্স যত্থ দুক্খসচ্চং নিৰুজ্ঝতি তস্স তত্থ সমুদযসচ্চং নিৰুজ্ঝিস্সতীতি?

অগ্গমগ্গস্স ভঙ্গক্খণে অৰহন্তানং চিত্তস্স ভঙ্গক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স ভঙ্গক্খণে অসঞ্ঞসত্তা চৱন্তানং তেসং তত্থ দুক্খসচ্চং নিৰুজ্ঝতি, নো চ তেসং তত্থ সমুদযসচ্চং নিৰুজ্ঝিস্সতি. ইতৰেসং চতুৱোকাৰা পঞ্চৱোকাৰা চৱন্তানং পৱত্তে চিত্তস্স ভঙ্গক্খণে তেসং তত্থ দুক্খসচ্চঞ্চ নিৰুজ্ঝতি সমুদযসচ্চঞ্চ নিৰুজ্ঝিস্সতি.

(খ) যস্স ৱা পন যত্থ সমুদযসচ্চং নিৰুজ্ঝিস্সতি তস্স তত্থ দুক্খসচ্চং নিৰুজ্ঝতীতি?

চতুৱোকাৰং পঞ্চৱোকাৰং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং তত্থ সমুদযসচ্চং নিৰুজ্ঝিস্সতি, নো চ তেসং তত্থ দুক্খসচ্চং নিৰুজ্ঝতি. চতুৱোকাৰা পঞ্চৱোকাৰা চৱন্তানং পৱত্তে চিত্তস্স ভঙ্গক্খণে তেসং তত্থ সমুদযসচ্চঞ্চ নিৰুজ্ঝিস্সতি দুক্খসচ্চঞ্চ নিৰুজ্ঝতি.

(ক) যস্স যত্থ দুক্খসচ্চং নিৰুজ্ঝতি তস্স তত্থ মগ্গসচ্চং নিৰুজ্ঝিস্সতীতি?

অগ্গমগ্গস্স ভঙ্গক্খণে অৰহন্তানং চিত্তস্স ভঙ্গক্খণে আপাযিকানং যে চ পুথুজ্জনা মগ্গং ন পটিলভিস্সন্তি তেসং চৱন্তানং পৱত্তে চিত্তস্স ভঙ্গক্খণে অসঞ্ঞসত্তা চৱন্তানং তেসং তত্থ দুক্খসচ্চং নিৰুজ্ঝতি, নো চ তেসং তত্থ মগ্গসচ্চং নিৰুজ্ঝিস্সতি. যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স ভঙ্গক্খণে যে চঞ্ঞে মগ্গং পটিলভিস্সন্তি তেসং চৱন্তানং পৱত্তে চিত্তস্স ভঙ্গক্খণে তেসং তত্থ দুক্খসচ্চঞ্চ নিৰুজ্ঝতি মগ্গসচ্চঞ্চ নিৰুজ্ঝিস্সতি.

(খ) যস্স ৱা পন যত্থ মগ্গসচ্চং নিৰুজ্ঝিস্সতি তস্স তত্থ দুক্খসচ্চং নিৰুজ্ঝতীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স উপ্পাদক্খণে যে চঞ্ঞে মগ্গং পটিলভিস্সন্তি তেসং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং তত্থ মগ্গসচ্চং নিৰুজ্ঝিস্সতি, নো চ তেসং তত্থ দুক্খসচ্চং নিৰুজ্ঝতি. যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স ভঙ্গক্খণে যে চঞ্ঞে মগ্গং পটিলভিস্সন্তি তেসং চৱন্তানং পৱত্তে চিত্তস্স ভঙ্গক্খণে তেসং তত্থ মগ্গসচ্চঞ্চ নিৰুজ্ঝিস্সতি দুক্খসচ্চঞ্চ নিৰুজ্ঝতি.

১২০. (ক) যস্স যত্থ সমুদযসচ্চং নিৰুজ্ঝতি তস্স তত্থ মগ্গসচ্চং নিৰুজ্ঝিস্সতীতি?

আপাযিকানং যে চ পুথুজ্জনা মগ্গং ন পটিলভিস্সন্তি তেসং তণ্হায ভঙ্গক্খণে তেসং তত্থ সমুদযসচ্চং নিৰুজ্ঝতি, নো চ তেসং তত্থ মগ্গসচ্চং নিৰুজ্ঝিস্সতি. যে মগ্গং পটিলভিস্সন্তি তেসং তণ্হায ভঙ্গক্খণে তেসং তত্থ সমুদযসচ্চঞ্চ নিৰুজ্ঝতি মগ্গসচ্চঞ্চ নিৰুজ্ঝিস্সতি.

(খ) যস্স ৱা পন যত্থ মগ্গসচ্চং নিৰুজ্ঝিস্সতি তস্স তত্থ সমুদযসচ্চং নিৰুজ্ঝতীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে তেসং তত্থ মগ্গসচ্চং নিৰুজ্ঝিস্সতি, নো চ তেসং তত্থ সমুদযসচ্চং নিৰুজ্ঝতি. যে মগ্গং পটিলভিস্সন্তি তেসং তণ্হায ভঙ্গক্খণে তেসং তত্থ মগ্গসচ্চঞ্চ নিৰুজ্ঝিস্সতি সমুদযসচ্চঞ্চ নিৰুজ্ঝতি.

(ঘ) পচ্চনীকপুগ্গলো

১২১. (ক) যস্স দুক্খসচ্চং ন নিৰুজ্ঝতি তস্স সমুদযসচ্চং ন নিৰুজ্ঝিস্সতীতি?

সব্বেসং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং দুক্খসচ্চং ন নিৰুজ্ঝতি, নো চ তেসং সমুদযসচ্চং ন নিৰুজ্ঝিস্সতি. অগ্গমগ্গস্স উপ্পাদক্খণে অৰহন্তানং চিত্তস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স উপ্পাদক্খণে অৰূপে অগ্গমগ্গস্স চ ফলস্স চ ভঙ্গক্খণে তেসং দুক্খসচ্চঞ্চ ন নিৰুজ্ঝতি সমুদযসচ্চঞ্চ ন নিৰুজ্ঝিস্সতি.

(খ) যস্স ৱা পন সমুদযসচ্চং ন নিৰুজ্ঝিস্সতি তস্স দুক্খসচ্চং ন নিৰুজ্ঝতীতি?

অগ্গমগ্গস্স ভঙ্গক্খণে অৰহন্তানং চিত্তস্স ভঙ্গক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স ভঙ্গক্খণে তেসং সমুদযসচ্চং ন নিৰুজ্ঝিস্সতি, নো চ তেসং দুক্খসচ্চং ন নিৰুজ্ঝতি. অগ্গমগ্গস্স উপ্পাদক্খণে অৰহন্তানং চিত্তস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স উপ্পাদক্খণে অৰূপে অগ্গমগ্গস্স চ ফলস্স চ ভঙ্গক্খণে তেসং সমুদযসচ্চঞ্চ ন নিৰুজ্ঝিস্সতি দুক্খসচ্চঞ্চ ন নিৰুজ্ঝতি.

(ক) যস্স দুক্খসচ্চং ন নিৰুজ্ঝতি তস্স মগ্গসচ্চং ন নিৰুজ্ঝিস্সতীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স উপ্পাদক্খণে যে চঞ্ঞে মগ্গং পটিলভিস্সন্তি তেসং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং দুক্খসচ্চং ন নিৰুজ্ঝতি, নো চ তেসং মগ্গসচ্চং ন নিৰুজ্ঝিস্সতি. অৰহন্তানং চিত্তস্স উপ্পাদক্খণে যে চ পুথুজ্জনা মগ্গং ন পটিলভিস্সন্তি তেসং উপপজ্জন্তানং পৱত্তে চিত্তস্স উপ্পাদক্খণে অৰূপে অগ্গমগ্গস্স চ ফলস্স চ ভঙ্গক্খণে তেসং দুক্খসচ্চঞ্চ ন নিৰুজ্ঝতি মগ্গসচ্চঞ্চ ন নিৰুজ্ঝিস্সতি.

(খ) যস্স ৱা পন মগ্গসচ্চং ন নিৰুজ্ঝিস্সতি তস্স দুক্খসচ্চং ন নিৰুজ্ঝতীতি?

অগ্গমগ্গস্স ভঙ্গক্খণে অৰহন্তানং চিত্তস্স ভঙ্গক্খণে যে চ পুথুজ্জনা মগ্গং ন পটিলভিস্সন্তি তেসং চৱন্তানং পৱত্তে চিত্তস্স ভঙ্গক্খণে তেসং মগ্গসচ্চং ন নিৰুজ্ঝিস্সতি, নো চ তেসং দুক্খসচ্চং ন নিৰুজ্ঝতি. অৰহন্তানং চিত্তস্স উপ্পাদক্খণে যে চ পুথুজ্জনা মগ্গং ন পটিলভিস্সন্তি তেসং উপপজ্জন্তানং পৱত্তে চিত্তস্স উপ্পাদক্খণে অৰূপে অগ্গমগ্গস্স চ ফলস্স চ ভঙ্গক্খণে তেসং মগ্গসচ্চঞ্চ ন নিৰুজ্ঝিস্সতি দুক্খসচ্চঞ্চ ন নিৰুজ্ঝতি.

১২২. (ক) যস্স সমুদযসচ্চং ন নিৰুজ্ঝতি তস্স মগ্গসচ্চং ন নিৰুজ্ঝিস্সতীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে নিৰোধসমাপন্নানং অসঞ্ঞসত্তানং তেসং সমুদযসচ্চং ন নিৰুজ্ঝতি, নো চ তেসং মগ্গসচ্চং ন নিৰুজ্ঝিস্সতি. অগ্গমগ্গস্স ভঙ্গক্খণে অৰহন্তানং যে চ পুথুজ্জনা মগ্গং ন পটিলভিস্সন্তি তেসং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে তেসং সমুদযসচ্চঞ্চ ন নিৰুজ্ঝতি মগ্গসচ্চঞ্চ ন নিৰুজ্ঝিস্সতি.

(খ) যস্স ৱা পন মগ্গসচ্চং ন নিৰুজ্ঝিস্সতি তস্স সমুদযসচ্চং ন নিৰুজ্ঝতীতি?

যে পুথুজ্জনা মগ্গং ন পটিলভিস্সন্তি তেসং তণ্হায ভঙ্গক্খণে তেসং মগ্গসচ্চং ন নিৰুজ্ঝিস্সতি, নো চ তেসং সমুদযসচ্চং ন নিৰুজ্ঝতি. অগ্গমগ্গস্স ভঙ্গক্খণে অৰহন্তানং যে চ পুথুজ্জনা মগ্গং ন পটিলভিস্সন্তি তেসং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে [ৱত্তমানে, নিৰোধসমাপন্নানং অসঞ্ঞসত্তানং (সী. স্যা.)] তেসং মগ্গসচ্চঞ্চ ন নিৰুজ্ঝিস্সতি সমুদযসচ্চঞ্চ ন নিৰুজ্ঝতি.

(ঙ) পচ্চনীকওকাসো

১২৩. যত্থ দুক্খসচ্চং ন নিৰুজ্ঝতি…পে….

(চ) পচ্চনীকপুগ্গলোকাসা

১২৪. (ক) যস্স যত্থ দুক্খসচ্চং ন নিৰুজ্ঝতি তস্স তত্থ সমুদযসচ্চং ন নিৰুজ্ঝিস্সতীতি?

চতুৱোকাৰং পঞ্চৱোকাৰং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং তত্থ দুক্খসচ্চং ন নিৰুজ্ঝতি, নো চ তেসং তত্থ সমুদযসচ্চং ন নিৰুজ্ঝিস্সতি. অগ্গমগ্গস্স উপ্পাদক্খণে অৰহন্তানং চিত্তস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স উপ্পাদক্খণে অসঞ্ঞসত্তং উপপজ্জন্তানং অৰূপে অগ্গমগ্গস্স চ ফলস্স চ ভঙ্গক্খণে অসঞ্ঞসত্তং উপপজ্জন্তানং তেসং তত্থ দুক্খসচ্চঞ্চ ন নিৰুজ্ঝতি সমুদযসচ্চঞ্চ ন নিৰুজ্ঝিস্সতি.

(খ) যস্স ৱা পন যত্থ সমুদযসচ্চং ন নিৰুজ্ঝিস্সতি তস্স তত্থ দুক্খসচ্চং ন নিৰুজ্ঝতীতি?

অগ্গমগ্গস্স ভঙ্গক্খণে অৰহন্তানং চিত্তস্স ভঙ্গক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স ভঙ্গক্খণে অসঞ্ঞসত্তা চৱন্তানং তেসং তত্থ সমুদযসচ্চং ন নিৰুজ্ঝিস্সতি, নো চ তেসং তত্থ দুক্খসচ্চং ন নিৰুজ্ঝতি. অগ্গমগ্গস্স উপ্পাদক্খণে অৰহন্তানং চিত্তস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স উপ্পাদক্খণে অৰূপে অগ্গমগ্গস্স চ ফলস্স চ ভঙ্গক্খণে অসঞ্ঞসত্তং উপপজ্জন্তানং তেসং তত্থ সমুদযসচ্চঞ্চ ন নিৰুজ্ঝিস্সতি দুক্খসচ্চঞ্চ ন নিৰুজ্ঝতি.

(ক) যস্স যত্থ দুক্খসচ্চং ন নিৰুজ্ঝতি তস্স তত্থ মগ্গসচ্চং ন নিৰুজ্ঝিস্সতীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তস্স চিত্তস্স উপ্পাদক্খণে যে চঞ্ঞে মগ্গং পটিলভিস্সন্তি তেসং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং তত্থ দুক্খসচ্চং ন নিৰুজ্ঝতি, নো চ তেসং তত্থ মগ্গসচ্চং ন নিৰুজ্ঝিস্সতি. অৰহন্তানং চিত্তস্স উপ্পাদক্খণে আপাযিকানং যে চ পুথুজ্জনা মগ্গং ন পটিলভিস্সন্তি তেসং উপপজ্জন্তানং পৱত্তে চিত্তস্স উপ্পাদক্খণে অসঞ্ঞসত্তং উপপজ্জন্তানং অৰূপে অগ্গমগ্গস্স চ ফলস্স চ ভঙ্গক্খণে তেসং তত্থ দুক্খসচ্চঞ্চ ন নিৰুজ্ঝতি মগ্গসচ্চঞ্চ ন নিৰুজ্ঝিস্সতি.

(খ) যস্স ৱা পন যত্থ মগ্গসচ্চং ন নিৰুজ্ঝিস্সতি তস্স তত্থ দুক্খসচ্চং ন নিৰুজ্ঝতীতি?

অগ্গমগ্গস্স ভঙ্গক্খণে অৰহন্তানং চিত্তস্স ভঙ্গক্খণে আপাযিকানং যে চ পুথুজ্জনা মগ্গং ন পটিলভিস্সন্তি তেসং চৱন্তানং পৱত্তে চিত্তস্স ভঙ্গক্খণে অসঞ্ঞসত্তা চৱন্তানং তেসং তত্থ মগ্গসচ্চং ন নিৰুজ্ঝিস্সতি, নো চ তেসং তত্থ দুক্খসচ্চং ন নিৰুজ্ঝতি. অৰহন্তানং চিত্তস্স উপ্পাদক্খণে আপাযিকানং যে চ পুথুজ্জনা মগ্গং ন পটিলভিস্সন্তি তেসং উপপজ্জন্তানং পৱত্তে চিত্তস্স উপ্পাদক্খণে অৰূপে অগ্গমগ্গস্স চ ফলস্স চ ভঙ্গক্খণে অসঞ্ঞসত্তং উপপজ্জন্তানং তেসং তত্থ মগ্গসচ্চঞ্চ ন নিৰুজ্ঝিস্সতি দুক্খসচ্চঞ্চ ন নিৰুজ্ঝতি.

১২৫. (ক) যস্স যত্থ সমুদযসচ্চং ন নিৰুজ্ঝতি তস্স তত্থ মগ্গসচ্চং ন নিৰুজ্ঝিস্সতীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে তেসং তত্থ সমুদযসচ্চং ন নিৰুজ্ঝতি, নো চ তেসং তত্থ মগ্গসচ্চং ন নিৰুজ্ঝিস্সতি. অগ্গমগ্গস্স ভঙ্গক্খণে অৰহন্তানং আপাযিকানং যে চ পুথুজ্জনা মগ্গং ন পটিলভিস্সন্তি তেসং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে অসঞ্ঞসত্তানং তেসং তত্থ সমুদযসচ্চঞ্চ ন নিৰুজ্ঝতি মগ্গসচ্চঞ্চ ন নিৰুজ্ঝিস্সতি.

(খ) যস্স ৱা পন যত্থ মগ্গসচ্চং ন নিৰুজ্ঝিস্সতি তস্স তত্থ সমুদযসচ্চং ন নিৰুজ্ঝতীতি?

আপাযিকানং যে চ পুথুজ্জনা মগ্গং ন পটিলভিস্সন্তি তেসং তণ্হায ভঙ্গক্খণে তেসং তত্থ মগ্গসচ্চং ন নিৰুজ্ঝিস্সতি, নো চ তেসং তত্থ সমুদযসচ্চং ন নিৰুজ্ঝতি. অগ্গমগ্গস্স ভঙ্গক্খণে অৰহন্তানং আপাযিকানং যে চ পুথুজ্জনা মগ্গং ন পটিলভিস্সন্তি তেসং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে অসঞ্ঞসত্তানং তেসং তত্থ মগ্গসচ্চঞ্চ ন নিৰুজ্ঝিস্সতি সমুদযসচ্চঞ্চ ন নিৰুজ্ঝিতি.