(৬) অতীতানাগতৱাৰো

(ক) অনুলোমপুগ্গলো

১২৬. (ক) যস্স দুক্খসচ্চং নিৰুজ্ঝিত্থ তস্স সমুদযসচ্চং নিৰুজ্ঝিস্সতীতি?

অগ্গমগ্গসমঙ্গীনং অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি তেসং দুক্খসচ্চং নিৰুজ্ঝিত্থ, নো চ তেসং সমুদযসচ্চং নিৰুজ্ঝিস্সতি. ইতৰেসং তেসং দুক্খসচ্চঞ্চ নিৰুজ্ঝিত্থ সমুদযসচ্চঞ্চ নিৰুজ্ঝিস্সতি.

(খ) যস্স ৱা পন…পে…? আমন্তা.

(ক) যস্স দুক্খসচ্চং নিৰুজ্ঝিত্থ তস্স মগ্গসচ্চং নিৰুজ্ঝিস্সতীতি?

অগ্গমগ্গস্স ভঙ্গক্খণে অৰহন্তানং যে চ পুথুজ্জনা মগ্গং ন পটিলভিস্সন্তি তেসং দুক্খসচ্চং নিৰুজ্ঝিত্থ, নো চ তেসং মগ্গসচ্চং নিৰুজ্ঝিস্সতি. অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং দুক্খসচ্চঞ্চ নিৰুজ্ঝিত্থ মগ্গসচ্চঞ্চ নিৰুজ্ঝিস্সতি.

(খ) যস্স ৱা পন…পে…? আমন্তা.

১২৭. (ক) যস্স সমুদযসচ্চং নিৰুজ্ঝিত্থ তস্স মগ্গসচ্চং নিৰুজ্ঝিস্সতীতি?

অগ্গমগ্গস্স ভঙ্গক্খণে অৰহন্তানং যে চ পুথুজ্জনা মগ্গং ন পটিলভিস্সন্তি তেসং সমুদযসচ্চং নিৰুজ্ঝিত্থ, নো চ তেসং মগ্গসচ্চং নিৰুজ্ঝিস্সতি. অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং সমুদযসচ্চঞ্চ নিৰুজ্ঝিত্থ মগ্গসচ্চঞ্চ নিৰুজ্ঝিস্সতি.

(খ) যস্স ৱা পন…পে…? আমন্তা.

(খ) অনুলোমওকাসো

১২৮. যত্থ দুক্খসচ্চং নিৰুজ্ঝিত্থ…পে….

(গ) অনুলোমপুগ্গলোকাসা

১২৯. (ক) যস্স যত্থ দুক্খসচ্চং নিৰুজ্ঝিত্থ তস্স তত্থ সমুদযসচ্চং নিৰুজ্ঝিস্সতীতি?

অগ্গমগ্গসমঙ্গীনং অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি অসঞ্ঞসত্তানং তেসং তত্থ দুক্খসচ্চং নিৰুজ্ঝিত্থ, নো চ তেসং তত্থ সমুদযসচ্চং নিৰুজ্ঝিস্সতি. ইতৰেসং চতুৱোকাৰানং পঞ্চৱোকাৰানং তেসং তত্থ দুক্খসচ্চঞ্চ নিৰুজ্ঝিত্থ সমুদযসচ্চঞ্চ নিৰুজ্ঝিস্সতি.

(খ) যস্স ৱা পন যত্থ সমুদযসচ্চং নিৰুজ্ঝিস্সতি তস্স তত্থ দুক্খসচ্চং নিৰুজ্ঝিত্থাতি?

সুদ্ধাৱাসং উপপজ্জন্তানং তেসং তত্থ সমুদযসচ্চং নিৰুজ্ঝিস্সতি, নো চ তেসং তত্থ দুক্খসচ্চং নিৰুজ্ঝিত্থ. ইতৰেসং চতুৱোকাৰানং পঞ্চৱোকাৰানং তেসং তত্থ সমুদযসচ্চঞ্চ নিৰুজ্ঝিস্সতি দুক্খসচ্চঞ্চ নিৰুজ্ঝিত্থ.

(ক) যস্স যত্থ দুক্খসচ্চং নিৰুজ্ঝিত্থ তস্স তত্থ মগ্গসচ্চং নিৰুজ্ঝিস্সতীতি?

অগ্গমগ্গস্স ভঙ্গক্খণে অৰহন্তানং যে চ পুথুজ্জনা মগ্গং ন পটিলভিস্সন্তি আপাযিকানং অসঞ্ঞসত্তানং তেসং তত্থ দুক্খসচ্চং নিৰুজ্ঝিত্থ, নো চ তেসং তত্থ মগ্গসচ্চং নিৰুজ্ঝিস্সতি. অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তত্থ দুক্খসচ্চঞ্চ নিৰুজ্ঝিত্থ মগ্গসচ্চঞ্চ নিৰুজ্ঝিস্সতি.

(খ) যস্স ৱা পন যত্থ মগ্গসচ্চং নিৰুজ্ঝিস্সতি তস্স তত্থ দুক্খসচ্চং নিৰুজ্ঝিত্থাতি?

সুদ্ধাৱাসং উপপজ্জন্তানং তেসং তত্থ মগ্গসচ্চং নিৰুজ্ঝিস্সতি, নো চ তেসং তত্থ দুক্খসচ্চং নিৰুজ্ঝিত্থ. অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তত্থ মগ্গসচ্চঞ্চ নিৰুজ্ঝিস্সতি দুক্খসচ্চঞ্চ নিৰুজ্ঝিত্থ.

১৩০. (ক) যস্স যত্থ সমুদযসচ্চং নিৰুজ্ঝিত্থ তস্স তত্থ মগ্গসচ্চং নিৰুজ্ঝিস্সতীতি?

অগ্গমগ্গস্স ভঙ্গক্খণে অৰহন্তানং যে চ পুথুজ্জনা মগ্গং ন পটিলভিস্সন্তি আপাযিকানং তেসং তত্থ সমুদযসচ্চং নিৰুজ্ঝিত্থ, নো চ তেসং তত্থ মগ্গসচ্চং নিৰুজ্ঝিস্সতি. অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তত্থ সমুদযসচ্চঞ্চ নিৰুজ্ঝিত্থ মগ্গসচ্চঞ্চ নিৰুজ্ঝিস্সতি.

(খ) যস্স ৱা পন যত্থ মগ্গসচ্চং নিৰুজ্ঝিস্সতি তস্স তত্থ সমুদযসচ্চং নিৰুজ্ঝিত্থাতি.

সুদ্ধাৱাসানং দুতিযে চিত্তে ৱত্তমানে তেসং তত্থ মগ্গসচ্চং নিৰুজ্ঝিস্সতি, নো চ তেসং তত্থ সমুদযসচ্চং নিৰুজ্ঝিত্থ. অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তত্থ মগ্গসচ্চঞ্চ নিৰুজ্ঝিস্সতি সমুদযসচ্চঞ্চ নিৰুজ্ঝিত্থ.

(ঘ) পচ্চনীকপুগ্গলো

১৩১. (ক) যস্স দুক্খসচ্চং ন নিৰুজ্ঝিত্থ তস্স সমুদযসচ্চং ন নিৰুজ্ঝিস্সতীতি? নত্থি.

(খ) যস্স ৱা পন সমুদযসচ্চং ন নিৰুজ্ঝিস্সতি তস্স দুক্খসচ্চং ন নিৰুজ্ঝিত্থাতি? নিৰুজ্ঝিত্থ.

(ক) যস্স দুক্খসচ্চং ন নিৰুজ্ঝিত্থ তস্স মগ্গসচ্চং ন নিৰুজ্ঝিস্সতীতি? নত্থি.

(খ) যস্স ৱা পন মগ্গসচ্চং ন নিৰুজ্ঝিস্সতি তস্স দুক্খসচ্চং ন নিৰুজ্ঝিত্থাতি? নিৰুজ্ঝিত্থ.

১৩২. (ক) যস্স সমুদযসচ্চং ন নিৰুজ্ঝিত্থ তস্স মগ্গসচ্চং ন নিৰুজ্ঝিস্সতীতি? নত্থি.

(খ) যস্স ৱা পন মগ্গসচ্চং ন নিৰুজ্ঝিস্সতি তস্স সমুদযসচ্চং ন নিৰুজ্ঝিত্থাতি? নিৰুজ্ঝিত্থ.

(ঙ) পচ্চনীকওকাসো

১৩৩. যত্থ দুক্খসচ্চং ন নিৰুজ্ঝিত্থ…পে….

(চ) পচ্চনীকপুগ্গলোকাসা

১৩৪. (ক) যস্স যত্থ দুক্খসচ্চং ন নিৰুজ্ঝিত্থ তস্স তত্থ সমুদযসচ্চং ন নিৰুজ্ঝিস্সতীতি? নিৰুজ্ঝিস্সতি.

(খ) যস্স ৱা পন যত্থ সমুদযসচ্চং ন নিৰুজ্ঝিস্সতি তস্স তত্থ দুক্খসচ্চং ন নিৰুজ্ঝিত্থাতি? নিৰুজ্ঝিত্থ.

(ক) যস্স যত্থ দুক্খসচ্চং ন নিৰুজ্ঝিত্থ তস্স তত্থ মগ্গসচ্চং ন নিৰুজ্ঝিস্সতীতি? নিৰুজ্ঝিস্সতি.

(খ) যস্স ৱা পন যত্থ মগ্গসচ্চং ন নিৰুজ্ঝিস্সতি তস্স তত্থ দুক্খসচ্চং ন নিৰুজ্ঝিত্থাতি? নিৰুজ্ঝিত্থ.

১৩৫. (ক) যস্স যত্থ সমুদযসচ্চং ন নিৰুজ্ঝিত্থ তস্স তত্থ মগ্গসচ্চং ন নিৰুজ্ঝিস্সতীতি?

সুদ্ধাৱাসানং দুতিযে চিত্তে ৱত্তমানে তেসং তত্থ সমুদযসচ্চং ন নিৰুজ্ঝিত্থ, নো চ তেসং তত্থ মগ্গসচ্চং ন নিৰুজ্ঝিস্সতি. অসঞ্ঞসত্তানং তেসং তত্থ সমুদযসচ্চঞ্চ ন নিৰুজ্ঝিত্থ মগ্গসচ্চঞ্চ ন নিৰুজ্ঝিস্সতি.

(খ) যস্স ৱা পন যত্থ মগ্গসচ্চং ন নিৰুজ্ঝিস্সতি তস্স তত্থ সমুদযসচ্চং ন নিৰুজ্ঝিত্থাতি?

অগ্গমগ্গস্স ভঙ্গক্খণে অৰহন্তানং যে চ পুথুজ্জনা মগ্গং ন পটিলভিস্সন্তি আপাযিকানং তেসং তত্থ মগ্গসচ্চং ন নিৰুজ্ঝিস্সতি, নো চ তেসং তত্থ সমুদযসচ্চং ন নিৰুজ্ঝিত্থ. অসঞ্ঞসত্তানং তেসং তত্থ মগ্গসচ্চঞ্চ ন নিৰুজ্ঝিস্সতি সমুদযসচ্চঞ্চ ন নিৰুজ্ঝিত্থ.

নিৰোধৱাৰো.