(৪) পচ্চুপ্পন্নাতীতৱাৰো

(ক) অনুলোমপুগ্গলো

১০৬. (ক) যস্স দুক্খসচ্চং নিৰুজ্ঝতি তস্স সমুদযসচ্চং নিৰুজ্ঝিত্থাতি? আমন্তা.

(খ) যস্স ৱা পন সমুদযসচ্চং নিৰুজ্ঝিত্থ তস্স দুক্খসচ্চং নিৰুজ্ঝতীতি?

সব্বেসং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং সমুদযসচ্চং নিৰুজ্ঝিত্থ, নো চ তেসং দুক্খসচ্চং নিৰুজ্ঝতি. সব্বেসং চৱন্তানং পৱত্তে চিত্তস্স ভঙ্গক্খণে তেসং সমুদযসচ্চঞ্চ নিৰুজ্ঝিত্থ দুক্খসচ্চঞ্চ নিৰুজ্ঝতি.

(ক) যস্স দুক্খসচ্চং নিৰুজ্ঝতি তস্স মগ্গসচ্চং নিৰুজ্ঝিত্থাতি?

অনভিসমেতাৱীনং চৱন্তানং পৱত্তে চিত্তস্স ভঙ্গক্খণে তেসং দুক্খসচ্চং নিৰুজ্ঝতি, নো চ তেসং মগ্গসচ্চং নিৰুজ্ঝিত্থ. অভিসমেতাৱীনং চৱন্তানং পৱত্তে চিত্তস্স ভঙ্গক্খণে তেসং দুক্খসচ্চঞ্চ নিৰুজ্ঝতি মগ্গসচ্চঞ্চ নিৰুজ্ঝিত্থ.

(খ) যস্স ৱা পন মগ্গসচ্চং নিৰুজ্ঝিত্থ তস্স দুক্খসচ্চং নিৰুজ্ঝতীতি?

অভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং মগ্গসচ্চং নিৰুজ্ঝিত্থ, নো চ তেসং দুক্খসচ্চং নিৰুজ্ঝতি. অভিসমেতাৱীনং চৱন্তানং পৱত্তে চিত্তস্স ভঙ্গক্খণে তেসং মগ্গসচ্চঞ্চ নিৰুজ্ঝিত্থ দুক্খসচ্চঞ্চ নিৰুজ্ঝতি.

১০৭. (ক) যস্স সমুদযসচ্চং নিৰুজ্ঝতি তস্স মগ্গসচ্চং নিৰুজ্ঝিত্থাতি?

অনভিসমেতাৱীনং তণ্হায ভঙ্গক্খণে তেসং সমুদযসচ্চং নিৰুজ্ঝতি, নো চ তেসং মগ্গসচ্চং নিৰুজ্ঝিত্থ. অভিসমেতাৱীনং তণ্হায ভঙ্গক্খণে তেসং সমুদযসচ্চঞ্চ নিৰুজ্ঝতি মগ্গসচ্চঞ্চ নিৰুজ্ঝিত্থ.

(খ) যস্স ৱা পন মগ্গসচ্চং নিৰুজ্ঝিত্থ তস্স সমুদযসচ্চং নিৰুজ্ঝতীতি?

অভিসমেতাৱীনং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে নিৰোধসমাপন্নানং তেসং মগ্গসচ্চং নিৰুজ্ঝিত্থ, নো চ তেসং সমুদযসচ্চং নিৰুজ্ঝতি. অভিসমেতাৱীনং তণ্হায ভঙ্গক্খণে তেসং মগ্গসচ্চঞ্চ নিৰুজ্ঝিত্থ সমুদযসচ্চঞ্চ নিৰুজ্ঝতি.

(খ) অনুলোমওকাসো

১০৮. যত্থ দুক্খসচ্চং নিৰুজ্ঝতি…পে….

(গ) অনুলোমপুগ্গলোকাসা

১০৯. (ক) যস্স যত্থ দুক্খসচ্চং নিৰুজ্ঝতি তস্স তত্থ সমুদযসচ্চং নিৰুজ্ঝিত্থাতি?

সুদ্ধাৱাসানং উপপত্তিচিত্তস্স ভঙ্গক্খণে অসঞ্ঞসত্তা চৱন্তানং তেসং তত্থ দুক্খসচ্চং নিৰুজ্ঝতি, নো চ তেসং তত্থ সমুদযসচ্চং নিৰুজ্ঝিত্থ. ইতৰেসং চতুৱোকাৰা পঞ্চৱোকাৰা চৱন্তানং পৱত্তে চিত্তস্স ভঙ্গক্খণে তেসং তত্থ দুক্খসচ্চঞ্চ নিৰুজ্ঝতি সমুদযসচ্চঞ্চ নিৰুজ্ঝিত্থ.

(খ) যস্স ৱা পন যত্থ সমুদযসচ্চং নিৰুজ্ঝিত্থ তস্স তত্থ দুক্খসচ্চং নিৰুজ্ঝতীতি?

চতুৱোকাৰং পঞ্চৱোকাৰং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং তত্থ সমুদযসচ্চং নিৰুজ্ঝিত্থ, নো চ তেসং তত্থ দুক্খসচ্চং নিৰুজ্ঝতি. চতুৱোকাৰা পঞ্চৱোকাৰা চৱন্তানং পৱত্তে চিত্তস্স ভঙ্গক্খণে তেসং তত্থ সমুদযসচ্চঞ্চ নিৰুজ্ঝিত্থ দুক্খসচ্চঞ্চ নিৰুজ্ঝতি.

(ক) যস্স যত্থ দুক্খসচ্চং নিৰুজ্ঝতি তস্স তত্থ মগ্গসচ্চং নিৰুজ্ঝিত্থাতি?

সুদ্ধাৱাসানং উপপত্তিচিত্তস্স ভঙ্গক্খণে অনভিসমেতাৱীনং চৱন্তানং পৱত্তে চিত্তস্স ভঙ্গক্খণে অসঞ্ঞসত্তা চৱন্তানং তেসং তত্থ দুক্খসচ্চং নিৰুজ্ঝতি, নো চ তেসং তত্থ মগ্গসচ্চং নিৰুজ্ঝিত্থ. অভিসমেতাৱীনং চৱন্তানং পৱত্তে চিত্তস্স ভঙ্গক্খণে তেসং তত্থ দুক্খসচ্চঞ্চ নিৰুজ্ঝতি মগ্গসচ্চঞ্চ নিৰুজ্ঝিত্থ.

(খ) যস্স ৱা পন যত্থ মগ্গসচ্চং নিৰুজ্ঝিত্থ তস্স তত্থ দুক্খসচ্চং নিৰুজ্ঝতীতি?

অভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং তত্থ মগ্গসচ্চং নিৰুজ্ঝিত্থ, নো চ তেসং তত্থ দুক্খসচ্চং নিৰুজ্ঝতি. অভিসমেতাৱীনং চৱন্তানং পৱত্তে চিত্তস্স ভঙ্গক্খণে তেসং তত্থ মগ্গসচ্চঞ্চ নিৰুজ্ঝিত্থ দুক্খসচ্চঞ্চ নিৰুজ্ঝতি.

১১০. (ক) যস্স যত্থ সমুদযসচ্চং নিৰুজ্ঝতি তস্স তত্থ মগ্গসচ্চং নিৰুজ্ঝিত্থাতি?

অনভিসমেতাৱীনং তণ্হায ভঙ্গক্খণে তেসং তত্থ সমুদযসচ্চং নিৰুজ্ঝতি, নো চ তেসং তত্থ মগ্গসচ্চং নিৰুজ্ঝিত্থ. অভিসমেতাৱীনং তণ্হায ভঙ্গক্খণে তেসং তত্থ সমুদযসচ্চঞ্চ নিৰুজ্ঝতি মগ্গসচ্চঞ্চ নিৰুজ্ঝিত্থ.

(খ) যস্স ৱা পন যত্থ মগ্গসচ্চং নিৰুজ্ঝিত্থ তস্স তত্থ সমুদযসচ্চং নিৰুজ্ঝতীতি?

অভিসমেতাৱীনং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে তেসং তত্থ মগ্গসচ্চং নিৰুজ্ঝিত্থ, নো চ তেসং তত্থ সমুদযসচ্চং নিৰুজ্ঝতি. অভিসমেতাৱীনং তণ্হায ভঙ্গক্খণে তেসং তত্থ মগ্গসচ্চঞ্চ নিৰুজ্ঝিত্থ সমুদযসচ্চঞ্চ নিৰুজ্ঝতি.

(ঘ) পচ্চনীকপুগ্গলো

১১১. (ক) যস্স দুক্খসচ্চং ন নিৰুজ্ঝতি তস্স সমুদযসচ্চং ন নিৰুজ্ঝিত্থাতি? নিৰুজ্ঝিত্থ.

(খ) যস্স ৱা পন সমুদযসচ্চং ন নিৰুজ্ঝিত্থ তস্স দুক্খসচ্চং ন নিৰুজ্ঝতীতি? নত্থি.

(ক) যস্স দুক্খসচ্চং ন নিৰুজ্ঝতি তস্স মগ্গসচ্চং ন নিৰুজ্ঝিত্থাতি?

অভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং দুক্খসচ্চং ন নিৰুজ্ঝতি, নো চ তেসং মগ্গসচ্চং ন নিৰুজ্ঝিত্থ. অনভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে তেসং দুক্খসচ্চঞ্চ ন নিৰুজ্ঝতি মগ্গসচ্চঞ্চ ন নিৰুজ্ঝিত্থ.

(খ) যস্স ৱা পন মগ্গসচ্চং ন নিৰুজ্ঝিত্থ তস্স দুক্খসচ্চং ন নিৰুজ্ঝতীতি?

অনভিসমেতাৱীনং চৱন্তানং পৱত্তে চিত্তস্স ভঙ্গক্খণে তেসং মগ্গসচ্চং ন নিৰুজ্ঝিত্থ, নো চ তেসং দুক্খসচ্চং ন নিৰুজ্ঝতি. অনভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে তেসং মগ্গসচ্চঞ্চ ন নিৰুজ্ঝিত্থ দুক্খসচ্চঞ্চ ন নিৰুজ্ঝতি.

১১২. (ক) যস্স সমুদযসচ্চং ন নিৰুজ্ঝতি তস্স মগ্গসচ্চং ন নিৰুজ্ঝিত্থাতি?

অভিসমেতাৱীনং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে নিৰোধসমাপন্নানং তেসং সমুদযসচ্চং ন নিৰুজ্ঝতি, নো চ তেসং মগ্গসচ্চং ন নিৰুজ্ঝিত্থ. অনভিসমেতাৱীনং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে অসঞ্ঞসত্তানং তেসং সমুদযসচ্চঞ্চ ন নিৰুজ্ঝতি মগ্গসচ্চঞ্চ ন নিৰুজ্ঝিত্থ.

(খ) যস্স ৱা পন মগ্গসচ্চং ন নিৰুজ্ঝিত্থ তস্স সমুদযসচ্চং ন নিৰুজ্ঝতীতি?

অনভিসমেতাৱীনং তণ্হায ভঙ্গক্খণে তেসং মগ্গসচ্চং ন নিৰুজ্ঝিত্থ, নো চ তেসং সমুদযসচ্চং ন নিৰুজ্ঝতি. অনভিসমেতাৱীনং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে অসঞ্ঞসত্তানং তেসং মগ্গসচ্চঞ্চ ন নিৰুজ্ঝিত্থ সমুদযসচ্চঞ্চ ন নিৰুজ্ঝতি.

(ঙ) পচ্চনীকওকাসো

১১৩. যত্থ দুক্খসচ্চং ন নিৰুজ্ঝতি…পে….

(চ) পচ্চনীকপুগ্গলোকাসা

১১৪. (ক) যস্স যত্থ দুক্খসচ্চং ন নিৰুজ্ঝতি তস্স তত্থ সমুদযসচ্চং ন নিৰুজ্ঝিত্থাতি?

চতুৱোকাৰং পঞ্চৱোকাৰং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং তত্থ দুক্খসচ্চং ন নিৰুজ্ঝতি, নো চ তেসং তত্থ সমুদযসচ্চং ন নিৰুজ্ঝিত্থ. সুদ্ধাৱাসানং উপপত্তিচিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ দুক্খসচ্চঞ্চ ন নিৰুজ্ঝতি সমুদযসচ্চঞ্চ ন নিৰুজ্ঝিত্থ.

(খ) যস্স ৱা পন যত্থ সমুদযসচ্চং ন নিৰুজ্ঝিত্থ তস্স তত্থ দুক্খসচ্চং ন নিৰুজ্ঝতীতি?

সুদ্ধাৱাসানং উপপত্তিচিত্তস্স ভঙ্গক্খণে অসঞ্ঞসত্তা চৱন্তানং তেসং তত্থ সমুদযসচ্চং ন নিৰুজ্ঝিত্থ, নো চ তেসং তত্থ দুক্খসচ্চং ন নিৰুজ্ঝতি. সুদ্ধাৱাসানং উপপত্তিচিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ সমুদযসচ্চঞ্চ ন নিৰুজ্ঝিত্থ দুক্খসচ্চঞ্চ ন নিৰুজ্ঝতি.

(ক) যস্স যত্থ দুক্খসচ্চং ন নিৰুজ্ঝতি তস্স তত্থ মগ্গসচ্চং ন নিৰুজ্ঝিত্থাতি?

অভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে অৰূপে মগ্গস্স চ ফলস্স চ ভঙ্গক্খণে তেসং তত্থ দুক্খসচ্চং ন নিৰুজ্ঝতি, নো চ তেসং তত্থ মগ্গসচ্চং ন নিৰুজ্ঝিত্থ. সুদ্ধাৱাসানং উপপত্তিচিত্তস্স উপ্পাদক্খণে অনভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ দুক্খসচ্চঞ্চ ন নিৰুজ্ঝতি মগ্গসচ্চঞ্চ ন নিৰুজ্ঝিত্থ.

(খ) যস্স ৱা পন যত্থ মগ্গসচ্চং ন নিৰুজ্ঝিত্থ তস্স তত্থ দুক্খসচ্চং ন নিৰুজ্ঝতীতি?

সুদ্ধাৱাসানং উপপত্তিচিত্তস্স ভঙ্গক্খণে অনভিসমেতাৱীনং চৱন্তানং পৱত্তে চিত্তস্স ভঙ্গক্খণে অসঞ্ঞসত্তা চৱন্তানং তেসং তত্থ মগ্গসচ্চং ন নিৰুজ্ঝিত্থ, নো চ তেসং তত্থ দুক্খসচ্চং ন নিৰুজ্ঝতি. সুদ্ধাৱাসানং উপপত্তিচিত্তস্স উপ্পাদক্খণে অনভিসমেতাৱীনং উপপজ্জন্তানং পৱত্তে চিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ মগ্গসচ্চঞ্চ ন নিৰুজ্ঝিত্থ দুক্খসচ্চঞ্চ ন নিৰুজ্ঝতি.

১১৫. (ক) যস্স যত্থ সমুদযসচ্চং ন নিৰুজ্ঝতি তস্স তত্থ মগ্গসচ্চং ন নিৰুজ্ঝিত্থাতি?

অভিসমেতাৱীনং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে তেসং তত্থ সমুদযসচ্চং ন নিৰুজ্ঝতি, নো চ তেসং তত্থ মগ্গসচ্চং ন নিৰুজ্ঝিত্থ. সুদ্ধাৱাসানং দুতিযে চিত্তে ৱত্তমানে অনভিসমেতাৱীনং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে অসঞ্ঞসত্তানং তেসং তত্থ সমুদযসচ্চঞ্চ ন নিৰুজ্ঝতি মগ্গসচ্চঞ্চ ন নিৰুজ্ঝিত্থ.

(খ) যস্স ৱা পন যত্থ মগ্গসচ্চং ন নিৰুজ্ঝিত্থ তস্স তত্থ সমুদযসচ্চং ন নিৰুজ্ঝতীতি?

অনভিসমেতাৱীনং তণ্হায ভঙ্গক্খণে তেসং তত্থ মগ্গসচ্চং ন নিৰুজ্ঝিত্থ, নো চ তেসং তত্থ সমুদযসচ্চং ন নিৰুজ্ঝতি. সুদ্ধাৱাসানং দুতিযে চিত্তে ৱত্তমানে অনভিসমেতাৱীনং তণ্হায উপ্পাদক্খণে তণ্হাৱিপ্পযুত্তচিত্তে ৱত্তমানে অসঞ্ঞসত্তানং তেসং তত্থ মগ্গসচ্চঞ্চ ন নিৰুজ্ঝিত্থ সমুদযসচ্চঞ্চ ন নিৰুজ্ঝতি.