(৩) অনাগতৱাৰো

(ক) অনুলোমপুগ্গলো

৯৭. (ক) যস্স দুক্খসচ্চং নিৰুজ্ঝিস্সতি তস্স সমুদযসচ্চং নিৰুজ্ঝিস্সতীতি?

অগ্গমগ্গসমঙ্গীনং অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি [পটিলভিস্সন্তি তস্স চিত্তস্স উপ্পাদক্খণে (সী. স্যা.) উপ্পাদৱাৰে পন পাঠন্তৰং নত্থি] তেসং দুক্খসচ্চং নিৰুজ্ঝিস্সতি, নো চ তেসং সমুদযসচ্চং নিৰুজ্ঝিস্সতি. ইতৰেসং তেসং দুক্খসচ্চঞ্চ নিৰুজ্ঝিস্সতি সমুদযসচ্চঞ্চ নিৰুজ্ঝিস্সতি.

(খ) যস্স ৱা পন…পে…? আমন্তা.

(ক) যস্স দুক্খসচ্চং নিৰুজ্ঝিস্সতি তস্স মগ্গসচ্চং নিৰুজ্ঝিস্সতীতি?

অগ্গমগ্গস্স ভঙ্গক্খণে অৰহন্তানং যে চ পুথুজ্জনা মগ্গং ন পটিলভিস্সন্তি তেসং দুক্খসচ্চং নিৰুজ্ঝিস্সতি, নো চ তেসং মগ্গসচ্চং নিৰুজ্ঝিস্সতি. অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং দুক্খসচ্চঞ্চ নিৰুজ্ঝিস্সতি মগ্গসচ্চঞ্চ নিৰুজ্ঝিস্সতি.

(খ) যস্স ৱা পন…পে…. আমন্তা.

৯৮. (ক) যস্স সমুদযসচ্চং নিৰুজ্ঝিস্সতি তস্স মগ্গসচ্চং নিৰুজ্ঝিস্সতীতি?

যে পুথুজ্জনা মগ্গং ন পটিলভিস্সন্তি তেসং সমুদযসচ্চং নিৰুজ্ঝিস্সতি, নো চ তেসং মগ্গসচ্চং নিৰুজ্ঝিস্সতি. যে মগ্গং পটিলভিস্সন্তি তেসং সমুদযসচ্চঞ্চ নিৰুজ্ঝিস্সতি মগ্গসচ্চঞ্চ নিৰুজ্ঝিস্সতি.

(খ) যস্স ৱা পন মগ্গসচ্চং নিৰুজ্ঝিস্সতি তস্স সমুদযসচ্চং নিৰুজ্ঝিস্সতীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তেসং মগ্গসচ্চং নিৰুজ্ঝিস্সতি, নো চ তেসং সমুদযসচ্চং নিৰুজ্ঝিস্সতি. যে মগ্গং পটিলভিস্সন্তি তেসং মগ্গসচ্চঞ্চ নিৰুজ্ঝিস্সতি সমুদযসচ্চঞ্চ নিৰুজ্ঝিস্সতি.

(খ) অনুলোমওকাসো

৯৯. যত্থ দুক্খসচ্চং নিৰুজ্ঝিস্সতি…পে….

(গ) অনুলোমপুগ্গলোকাসা

১০০. যস্স যত্থ দুক্খসচ্চং নিৰুজ্ঝিস্সতি তস্স তত্থ সমুদযসচ্চং নিৰুজ্ঝিস্সতীতি?

অগ্গমগ্গসমঙ্গীনং অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি অসঞ্ঞসত্তানং তেসং তত্থ দুক্খসচ্চং নিৰুজ্ঝিস্সতি, নো চ তেসং তত্থ সমুদযসচ্চং নিৰুজ্ঝিস্সতি. ইতৰেসং চতুৱোকাৰানং পঞ্চৱোকাৰানং তেসং তত্থ দুক্খসচ্চঞ্চ নিৰুজ্ঝিস্সতি সমুদযসচ্চঞ্চ নিৰুজ্ঝিস্সতি…পে….

(যস্সকম্পি যস্সযত্থকম্পি সদিসং).

(ঘ) পচ্চনীকপুগ্গলো

১০১. (ক) যস্স দুক্খসচ্চং ন নিৰুজ্ঝিস্সতি তস্স সমুদযসচ্চং ন নিৰুজ্ঝিস্সতীতি? আমন্তা.

(খ) যস্স ৱা পন সমুদযসচ্চং ন নিৰুজ্ঝিস্সতি তস্স দুক্খসচ্চং ন নিৰুজ্ঝিস্সতীতি?

অগ্গমগ্গসমঙ্গীনং অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি তেসং সমুদযসচ্চং ন নিৰুজ্ঝিস্সতি, নো চ তেসং দুক্খসচ্চং ন নিৰুজ্ঝিস্সতি. পচ্ছিমচিত্তস্স ভঙ্গক্খণে তেসং সমুদযসচ্চঞ্চ ন নিৰুজ্ঝিস্সতি দুক্খসচ্চঞ্চ ন নিৰুজ্ঝিস্সতি.

(ক) যস্স দুক্খসচ্চং ন নিৰুজ্ঝিস্সতি তস্স মগ্গসচ্চং ন নিৰুজ্ঝিস্সতীতি? আমন্তা.

(খ) যস্স ৱা পন মগ্গসচ্চং ন নিৰুজ্ঝিস্সতি তস্স দুক্খসচ্চং ন নিৰুজ্ঝিস্সতীতি?

অগ্গমগ্গস্স ভঙ্গক্খণে অৰহন্তানং যে চ পুথুজ্জনা মগ্গং ন পটিলভিস্সন্তি তেসং মগ্গসচ্চং ন নিৰুজ্ঝিস্সতি, নো চ তেসং দুক্খসচ্চং ন নিৰুজ্ঝিস্সতি. পচ্ছিমচিত্তস্স ভঙ্গক্খণে তেসং মগ্গসচ্চঞ্চ ন নিৰুজ্ঝিস্সতি দুক্খসচ্চঞ্চ ন নিৰুজ্ঝিস্সতি.

১০২. (ক) যস্স সমুদযসচ্চং ন নিৰুজ্ঝিস্সতি তস্স মগ্গসচ্চং ন নিৰুজ্ঝিস্সতীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তেসং সমুদযসচ্চং ন নিৰুজ্ঝিস্সতি, নো চ তেসং মগ্গসচ্চং ন নিৰুজ্ঝিস্সতি. অগ্গমগ্গস্স ভঙ্গক্খণে অৰহন্তানং তেসং সমুদযসচ্চঞ্চ ন নিৰুজ্ঝিস্সতি মগ্গসচ্চঞ্চ ন নিৰুজ্ঝিস্সতি.

(খ) যস্স ৱা পন মগ্গসচ্চং ন নিৰুজ্ঝিস্সতি তস্স সমুদযসচ্চং ন নিৰুজ্ঝিস্সতীতি?

যে পুথুজ্জনা মগ্গং ন পটিলভিস্সন্তি তেসং মগ্গসচ্চং ন নিৰুজ্ঝিস্সতি, নো চ তেসং সমুদযসচ্চং ন নিৰুজ্ঝিস্সতি. অগ্গমগ্গস্স ভঙ্গক্খণে অৰহন্তানং তেসং মগ্গসচ্চঞ্চ ন নিৰুজ্ঝিস্সতি সমুদযসচ্চঞ্চ ন নিৰুজ্ঝিস্সতি.

(ঙ) পচ্চনীকওকাসো

১০৩. যত্থ দুক্খসচ্চং ন নিৰুজ্ঝিস্সতি…পে….

(চ) পচ্চনীকপুগ্গলোকাসা

১০৪. (ক) যস্স যত্থ দুক্খসচ্চং ন নিৰুজ্ঝিস্সতি তস্স তত্থ সমুদযসচ্চং ন নিৰুজ্ঝিস্সতীতি? আমন্তা.

(খ) যস্স ৱা পন যত্থ সমুদযসচ্চং ন নিৰুজ্ঝিস্সতি তস্স তত্থ দুক্খসচ্চং ন নিৰুজ্ঝিস্সতীতি?

অগ্গমগ্গসমঙ্গীনং অৰহন্তানং যস্স চিত্তস্স অনন্তৰা অগ্গমগ্গং পটিলভিস্সন্তি অসঞ্ঞসত্তানং তেসং তত্থ সমুদযসচ্চং ন নিৰুজ্ঝিস্সতি, নো চ তেসং তত্থ দুক্খসচ্চং ন নিৰুজ্ঝিস্সতি. পচ্ছিমচিত্তস্স ভঙ্গক্খণে তেসং তত্থ সমুদযসচ্চঞ্চ ন নিৰুজ্ঝিস্সতি দুক্খসচ্চঞ্চ ন নিৰুজ্ঝিস্সতি.

(ক) যস্স যত্থ দুক্খসচ্চং ন নিৰুজ্ঝিস্সতি তস্স তত্থ মগ্গসচ্চং ন নিৰুজ্ঝিস্সতীতি? আমন্তা.

(খ) যস্স ৱা পন যত্থ মগ্গসচ্চং ন নিৰুজ্ঝিস্সতি তস্স তত্থ দুক্খসচ্চং ন নিৰুজ্ঝিস্সতীতি?

অগ্গমগ্গস্স ভঙ্গক্খণে অৰহন্তানং যে চ পুথুজ্জনা মগ্গং ন পটিলভিস্সন্তি আপাযিকানং অসঞ্ঞসত্তানং তেসং তত্থ মগ্গসচ্চং ন নিৰুজ্ঝিস্সতি, নো চ তেসং তত্থ দুক্খসচ্চং ন নিৰুজ্ঝিস্সতি. পচ্ছিমচিত্তস্স ভঙ্গক্খণে তেসং তত্থ মগ্গসচ্চঞ্চ ন নিৰুজ্ঝিস্সতি দুক্খসচ্চঞ্চ ন নিৰুজ্ঝিস্সতি.

১০৫. (ক) যস্স যত্থ সমুদযসচ্চং ন নিৰুজ্ঝিস্সতি তস্স তত্থ মগ্গসচ্চং ন নিৰুজ্ঝিস্সতীতি?

অগ্গমগ্গস্স উপ্পাদক্খণে যস্স চিত্তস্স অনন্তৰা অগ্গমগ্গং পটিলভিস্সন্তি তেসং তত্থ সমুদযসচ্চং ন নিৰুজ্ঝিস্সতি, নো চ তেসং তত্থ মগ্গসচ্চং ন নিৰুজ্ঝিস্সতি. অগ্গমগ্গস্স ভঙ্গক্খণে অৰহন্তানং অসঞ্ঞসত্তানং তেসং তত্থ সমুদযসচ্চঞ্চ ন নিৰুজ্ঝিস্সতি মগ্গসচ্চঞ্চ ন নিৰুজ্ঝিস্সতি.

(খ) যস্স ৱা পন যত্থ মগ্গসচ্চং ন নিৰুজ্ঝিস্সতি তস্স তত্থ সমুদযসচ্চং ন নিৰুজ্ঝিস্সতীতি?

আপাযিকানং যে চ পুথুজ্জনা মগ্গং ন পটিলভিস্সন্তি তেসং তত্থ মগ্গসচ্চং ন নিৰুজ্ঝিস্সতি, নো চ তেসং তত্থ সমুদযসচ্চং ন নিৰুজ্ঝিস্সতি. অগ্গমগ্গস্স ভঙ্গক্খণে অৰহন্তানং অসঞ্ঞসত্তানং তেসং তত্থ মগ্গসচ্চঞ্চ ন নিৰুজ্ঝিস্সতি সমুদযসচ্চঞ্চ ন নিৰুজ্ঝিস্সতি.