৪. সুদ্ধধাতুমূলচক্কৱাৰো

(ক) অনুলোমং

১৬. (ক) চক্খু ধাতূতি? আমন্তা.

(খ) ধাতূ সোতধাতূতি?

সোতধাতু ধাতু চেৱ সোতধাতু চ. অৱসেসা ধাতূ ন সোতধাতু.

চক্খু ধাতূতি? আমন্তা.

ধাতূ ঘানধাতু…পে… ধাতূ ধম্মধাতূতি?

ধম্মধাতু ধাতু চেৱ ধম্মধাতু চ. অৱসেসা ধাতূ ন ধম্মধাতু. (চক্কং বন্ধিতব্বং).

(খ) পচ্চনীকং

১৭. (ক) ন চক্খু ন ধাতূতি?

চক্খুং ঠপেত্ৱা অৱসেসা ধাতূ ন চক্খুধাতু. চক্খুঞ্চ ধাতুঞ্চ ঠপেত্ৱা অৱসেসা ন চেৱ চক্খু ন চ ধাতু.

(খ) ন ধাতূ ন সোতধাতূতি? আমন্তা.

ন চক্খু ন ধাতূতি?

চক্খুং ঠপেত্ৱা অৱসেসা ধাতূ ন চক্খু, ধাতু. চক্খু চ ধাতুঞ্চ ঠপেত্ৱা অৱসেসা ন চেৱ চক্খু ন চ ধাতু. ন ধাতূ ন ঘানধাতু…পে… ন ধাতূ ন ধম্মধাতূতি? আমন্তা.

(ক) ন ধম্মো ন ধাতূতি? আমন্তা.

(খ) ন ধাতূ ন চক্খুধাতূতি? আমন্তা.

ন ধম্মো ন ধাতূতি? আমন্তা.

ন ধাতূ ন সোতধাতু…পে… ন ধাতূ ন মনোৱিঞ্ঞাণধাতূতি? আমন্তা. (চক্কং বন্ধিতব্বং).

(যথা আযতনযমকস্স পণ্ণত্তি এৱং ধাতুযমকস্স পণ্ণত্তি ৱিত্থাৰেতব্বা)

পণ্ণত্তিনিদ্দেসৱাৰো.