(১) পচ্চুপ্পন্নৱাৰো

(ক) অনুলোমপুগ্গলো

১৫৩. (ক) যস্স ৰূপক্খন্ধো উপ্পজ্জতি তস্স ৱেদনাক্খন্ধো নিৰুজ্ঝতীতি? নো.

(খ) যস্স ৱা পন ৱেদনাক্খন্ধো নিৰুজ্ঝতি তস্স ৰূপক্খন্ধো উপ্পজ্জতীতি? নো.

১৫৪. (ক) যস্স ৱেদনাক্খন্ধো উপ্পজ্জতি তস্স সঞ্ঞাক্খন্ধো নিৰুজ্ঝতীতি? নো.

(খ) যস্স ৱা পন সঞ্ঞাক্খন্ধো নিৰুজ্ঝতি তস্স ৱেদনাক্খন্ধো উপ্পজ্জতীতি? নো.

(খ) অনুলোমওকাসো

১৫৫. (ক) যত্থ ৰূপক্খন্ধো উপ্পজ্জতি তত্থ ৱেদনাক্খন্ধো নিৰুজ্ঝতীতি?

অসঞ্ঞসত্তে তত্থ ৰূপক্খন্ধো উপ্পজ্জতি, নো চ তত্থ ৱেদনাক্খন্ধো নিৰুজ্ঝতি. পঞ্চৱোকাৰে তত্থ ৰূপক্খন্ধো চ উপ্পজ্জতি ৱেদনাক্খন্ধো চ নিৰুজ্ঝতি.

(খ) যত্থ ৱা পন ৱেদনাক্খন্ধো নিৰুজ্ঝতি তত্থ ৰূপক্খন্ধো উপ্পজ্জতীতি?

অৰূপে তত্থ ৱেদনাক্খন্ধো নিৰুজ্ঝতি, নো চ তত্থ ৰূপক্খন্ধো উপ্পজ্জতি. পঞ্চৱোকাৰে তত্থ ৱেদনাক্খন্ধো চ নিৰুজ্ঝতি ৰূপক্খন্ধো চ উপ্পজ্জতি.

১৫৬. (ক) যত্থ ৱেদনাক্খন্ধো উপ্পজ্জতি তত্থ সঞ্ঞাক্খন্ধো নিৰুজ্ঝতীতি? আমন্তা.

(খ) যত্থ ৱা পন সঞ্ঞাক্খন্ধো নিৰুজ্ঝতি তত্থ ৱেদনাক্খন্ধো উপ্পজ্জতীতি? আমন্তা.

(গ) অনুলোমপুগ্গলোকাসা

১৫৭. (ক) যস্স যত্থ ৰূপক্খন্ধো উপ্পজ্জতি তস্স তত্থ ৱেদনাক্খন্ধো নিৰুজ্ঝতীতি? নো.

(খ) যস্স ৱা পন যত্থ ৱেদনাক্খন্ধো নিৰুজ্ঝতি তস্স তত্থ ৰূপক্খন্ধো উপ্পজ্জতীতি? নো.

১৫৮. (ক) যস্স যত্থ ৱেদনাক্খন্ধো উপ্পজ্জতি তস্স তত্থ সঞ্ঞাক্খন্ধো নিৰুজ্ঝতীতি? নো.

(খ) যস্স ৱা পন যত্থ সঞ্ঞাক্খন্ধো নিৰুজ্ঝতি তস্স তত্থ ৱেদনাক্খন্ধো উপ্পজ্জতীতি? নো.

(ঘ) পচ্চনীকপুগ্গলো

১৫৯. (ক) যস্স ৰূপক্খন্ধো নুপ্পজ্জতি তস্স ৱেদনাক্খন্ধো ন নিৰুজ্ঝতীতি?

চতুৱোকাৰা পঞ্চৱোকাৰা চৱন্তানং তেসং ৰূপক্খন্ধো নুপ্পজ্জতি, নো চ তেসং ৱেদনাক্খন্ধো ন নিৰুজ্ঝতি. অৰূপং উপপজ্জন্তানং অসঞ্ঞসত্তা চৱন্তানং তেসং ৰূপক্খন্ধো চ নুপ্পজ্জতি ৱেদনাক্খন্ধো চ ন নিৰুজ্ঝতি.

(খ) যস্স ৱা পন ৱেদনাক্খন্ধো ন নিৰুজ্ঝতি তস্স ৰূপক্খন্ধো নুপ্পজ্জতীতি?

পঞ্চৱোকাৰং উপপজ্জন্তানং অসঞ্ঞসত্তং উপপজ্জন্তানং তেসং ৱেদনাক্খন্ধো ন নিৰুজ্ঝতি, নো চ তেসং ৰূপক্খন্ধো নুপ্পজ্জতি. অৰূপং উপপজ্জন্তানং অসঞ্ঞসত্তা চৱন্তানং তেসং ৱেদনাক্খন্ধো চ ন নিৰুজ্ঝতি ৰূপক্খন্ধো চ নুপ্পজ্জতি.

১৬০. (ক) যস্স ৱেদনাক্খন্ধো নুপ্পজ্জতি তস্স সঞ্ঞাক্খন্ধো ন নিৰুজ্ঝতীতি?

চতুৱোকাৰা পঞ্চৱোকাৰা চৱন্তানং তেসং ৱেদনাক্খন্ধো নুপ্পজ্জতি, নো চ তেসং সঞ্ঞাক্খন্ধো ন নিৰুজ্ঝতি. অসঞ্ঞসত্তানং তেসং ৱেদনাক্খন্ধো চ নুপ্পজ্জতি সঞ্ঞাক্খন্ধো চ ন নিৰুজ্ঝতি.

(খ) যস্স ৱা পন সঞ্ঞাক্খন্ধো ন নিৰুজ্ঝতি তস্স ৱেদনাক্খন্ধো নুপ্পজ্জতীতি?

চতুৱোকাৰং পঞ্চৱোকাৰং উপপজ্জন্তানং তেসং সঞ্ঞাক্খন্ধো ন নিৰুজ্ঝতি, নো চ তেসং ৱেদনাক্খন্ধো নুপ্পজ্জতি. অসঞ্ঞসত্তানং তেসং সঞ্ঞাক্খন্ধো চ ন নিৰুজ্ঝতি ৱেদনাক্খন্ধো চ নুপ্পজ্জতি.

(ঙ) পচ্চনীকওকাসো

১৬১. (ক) যত্থ ৰূপক্খন্ধো নুপ্পজ্জতি তত্থ ৱেদনাক্খন্ধো ন নিৰুজ্ঝতীতি? নিৰুজ্ঝতি.

(খ) যত্থ ৱা পন ৱেদনাক্খন্ধো ন নিৰুজ্ঝতি তত্থ ৰূপক্খন্ধো নুপ্পজ্জতীতি? উপ্পজ্জতি.

১৬২. (ক) যত্থ ৱেদনাক্খন্ধো নুপ্পজ্জতি তত্থ সঞ্ঞাক্খন্ধো ন নিৰুজ্ঝতীতি? আমন্তা.

(খ) যত্থ ৱা পন সঞ্ঞাক্খন্ধো ন নিৰুজ্ঝতি তত্থ ৱেদনাক্খন্ধো নুপ্পজ্জতীতি? আমন্তা.

(চ) পচ্চনীকপুগ্গলোকাসা

১৬৩. (ক) যস্স যত্থ ৰূপক্খন্ধো নুপ্পজ্জতি তস্স তত্থ ৱেদনাক্খন্ধো ন নিৰুজ্ঝতীতি?

চতুৱোকাৰা পঞ্চৱোকাৰা চৱন্তানং তেসং তত্থ ৰূপক্খন্ধো নুপ্পজ্জতি, নো চ তেসং তত্থ ৱেদনাক্খন্ধো ন নিৰুজ্ঝতি. অৰূপং উপপজ্জন্তানং অসঞ্ঞসত্তা চৱন্তানং তেসং তত্থ ৰূপক্খন্ধো নুপ্পজ্জতি ৱেদনাক্খন্ধো চ ন নিৰুজ্ঝতি.

(খ) যস্স ৱা পন যত্থ ৱেদনাক্খন্ধো ন নিৰুজ্ঝতি তস্স তত্থ ৰূপক্খন্ধো নুপ্পজ্জতীতি?

পঞ্চৱোকাৰং উপপজ্জন্তানং অসঞ্ঞসত্তং উপপজ্জন্তানং তেসং তত্থ ৱেদনাক্খন্ধো ন নিৰুজ্ঝতি, নো চ তেসং তত্থ ৰূপক্খন্ধো নুপ্পজ্জতি. অৰূপং উপপজ্জন্তানং অসঞ্ঞসত্তা চৱন্তানং তেসং তত্থ ৱেদনাক্খন্ধো চ ন নিৰুজ্ঝতি ৰূপক্খন্ধো চ নুপ্পজ্জতি.

১৬৪. (ক) যস্স যত্থ ৱেদনাক্খন্ধো নুপ্পজ্জতি তস্স তত্থ সঞ্ঞাক্খন্ধো ন নিৰুজ্ঝতীতি?

চতুৱোকাৰা পঞ্চৱোকাৰা চৱন্তানং তেসং তত্থ ৱেদনাক্খন্ধো নুপ্পজ্জতি, নো চ তেসং তত্থ সঞ্ঞাক্খন্ধো ন নিৰুজ্ঝতি. অসঞ্ঞসত্তানং তেসং তত্থ ৱেদনাক্খন্ধো চ নুপ্পজ্জতি সঞ্ঞাক্খন্ধো চ ন নিৰুজ্ঝতি.

(খ) যস্স ৱা পন যত্থ সঞ্ঞাক্খন্ধো ন নিৰুজ্ঝতি তস্স তত্থ ৱেদনাক্খন্ধো নুপ্পজ্জতীতি?

চতুৱোকাৰং পঞ্চৱোকাৰং উপপজ্জন্তানং তেসং তত্থ সঞ্ঞাক্খন্ধো ন নিৰুজ্ঝতি, নো চ তেসং তত্থ ৱেদনাক্খন্ধো নুপ্পজ্জতি. অসঞ্ঞসত্তানং তেসং তত্থ সঞ্ঞাক্খন্ধো চ ন নিৰুজ্ঝতি ৱেদনাক্খন্ধো চ নুপ্পজ্জতি.