(৫) পচ্চুপ্পন্নানাগতৱাৰো

(ক) অনুলোমপুগ্গলো

১৩৩. (ক) যস্স ৰূপক্খন্ধো নিৰুজ্ঝতি তস্স ৱেদনাক্খন্ধো নিৰুজ্ঝিস্সতীতি?

পঞ্চৱোকাৰে পৰিনিব্বন্তানং তেসং ৰূপক্খন্ধো নিৰুজ্ঝতি, নো চ তেসং ৱেদনাক্খন্ধো নিৰুজ্ঝিস্সতি. ইতৰেসং পঞ্চৱোকাৰা চৱন্তানং অসঞ্ঞসত্তা চৱন্তানং তেসং ৰূপক্খন্ধো চ নিৰুজ্ঝতি ৱেদনাক্খন্ধো চ নিৰুজ্ঝিস্সতি.

(খ) যস্স ৱা পন ৱেদনাক্খন্ধো নিৰুজ্ঝিস্সতি তস্স ৰূপক্খন্ধো নিৰুজ্ঝতীতি?

সব্বেসং উপপজ্জন্তানং অৰূপা চৱন্তানং তেসং ৱেদনাক্খন্ধো নিৰুজ্ঝিস্সতি, নো চ তেসং ৰূপক্খন্ধো নিৰুজ্ঝতি. পঞ্চৱোকাৰা চৱন্তানং অসঞ্ঞসত্তা চৱন্তানং তেসং ৱেদনাক্খন্ধো চ নিৰুজ্ঝিস্সতি ৰূপক্খন্ধো চ নিৰুজ্ঝতি.

১৩৪. (ক) যস্স ৱেদনাক্খন্ধো নিৰুজ্ঝতি তস্স সঞ্ঞাক্খন্ধো নিৰুজ্ঝিস্সতীতি?

পৰিনিব্বন্তানং তেসং ৱেদনাক্খন্ধো নিৰুজ্ঝতি, নো চ তেসং সঞ্ঞাক্খন্ধো নিৰুজ্ঝিস্সতি. ইতৰেসং চতুৱোকাৰা পঞ্চৱোকাৰা চৱন্তানং তেসং ৱেদনাক্খন্ধো চ নিৰুজ্ঝতি সঞ্ঞাক্খন্ধো চ নিৰুজ্ঝিস্সতি.

(খ) যস্স ৱা পন সঞ্ঞাক্খন্ধো নিৰুজ্ঝিস্সতি তস্স ৱেদনাক্খন্ধো নিৰুজ্ঝতীতি?

সব্বেসং উপপজ্জন্তানং অসঞ্ঞসত্তা চৱন্তানং তেসং সঞ্ঞাক্খন্ধো নিৰুজ্ঝিস্সতি, নো চ তেসং ৱেদনাক্খন্ধো নিৰুজ্ঝতি. চতুৱোকাৰা পঞ্চৱোকাৰা চৱন্তানং তেসং সঞ্ঞাক্খন্ধো চ নিৰুজ্ঝিস্সতি ৱেদনাক্খন্ধো নিৰুজ্ঝতি.

(খ) অনুলোমওকাসো

১৩৫. যত্থ ৰূপক্খন্ধো নিৰুজ্ঝতি…পে….

(গ) অনুলোমপুগ্গলোকাসা

১৩৬. (ক) যস্স যত্থ ৰূপক্খন্ধো নিৰুজ্ঝতি তস্স তত্থ ৱেদনাক্খন্ধো নিৰুজ্ঝিস্সতীতি?

পঞ্চৱোকাৰে পৰিনিব্বন্তানং অসঞ্ঞসত্তা চৱন্তানং তেসং তত্থ ৰূপক্খন্ধো নিৰুজ্ঝতি, নো চ তেসং তত্থ ৱেদনাক্খন্ধো নিৰুজ্ঝিস্সতি. ইতৰেসং পঞ্চৱোকাৰা চৱন্তানং তেসং তত্থ ৰূপক্খন্ধো চ নিৰুজ্ঝতি ৱেদনাক্খন্ধো চ নিৰুজ্ঝিস্সতি.

(খ) যস্স ৱা পন যত্থ ৱেদনাক্খন্ধো নিৰুজ্ঝিস্সতি তস্স তত্থ ৰূপক্খন্ধো নিৰুজ্ঝতীতি?

পঞ্চৱোকাৰং উপপজ্জন্তানং অৰূপানং তেসং তত্থ ৱেদনাক্খন্ধো নিৰুজ্ঝিস্সতি, নো চ তেসং তত্থ ৰূপক্খন্ধো নিৰুজ্ঝতি. পঞ্চৱোকাৰা চৱন্তানং তেসং তত্থ ৱেদনাক্খন্ধো চ নিৰুজ্ঝিস্সতি ৰূপক্খন্ধো চ নিৰুজ্ঝতি.

১৩৭. (ক) যস্স যত্থ ৱেদনাক্খন্ধো নিৰুজ্ঝতি তস্স তত্থ সঞ্ঞাক্খন্ধো নিৰুজ্ঝিস্সতীতি?

পৰিনিব্বন্তানং তেসং তত্থ ৱেদনাক্খন্ধো নিৰুজ্ঝতি, নো চ তেসং তত্থ সঞ্ঞাক্খন্ধো নিৰুজ্ঝিস্সতি. ইতৰেসং চতুৱোকাৰা পঞ্চৱোকাৰা চৱন্তানং তেসং তত্থ ৱেদনাক্খন্ধো চ নিৰুজ্ঝতি সঞ্ঞাক্খন্ধো চ নিৰুজ্ঝিস্সতি.

(খ) যস্স ৱা পন যত্থ সঞ্ঞাক্খন্ধো নিৰুজ্ঝিস্সতি তস্স তত্থ ৱেদনাক্খন্ধো নিৰুজ্ঝতীতি?

চতুৱোকাৰং পঞ্চৱোকাৰং উপপজ্জন্তানং তেসং তত্থ সঞ্ঞাক্খন্ধো নিৰুজ্ঝিস্সতি, নো চ তেসং তত্থ ৱেদনাক্খন্ধো নিৰুজ্ঝতি. চতুৱোকাৰা পঞ্চৱোকাৰা চৱন্তানং তেসং তত্থ সঞ্ঞাক্খন্ধো চ নিৰুজ্ঝিস্সতি ৱেদনাক্খন্ধো চ নিৰুজ্ঝতি.

(ঘ) পচ্চনীকপুগ্গলো

১৩৮. (ক) যস্স ৰূপক্খন্ধো ন নিৰুজ্ঝতি তস্স ৱেদনাক্খন্ধো ন নিৰুজ্ঝিস্সতীতি?

সব্বেসং উপপজ্জন্তানং অৰূপা চৱন্তানং তেসং ৰূপক্খন্ধো ন নিৰুজ্ঝতি, নো চ তেসং ৱেদনাক্খন্ধো ন নিৰুজ্ঝিস্সতি. অৰূপে পৰিনিব্বন্তানং তেসং ৰূপক্খন্ধো চ ন নিৰুজ্ঝতি ৱেদনাক্খন্ধো চ ন নিৰুজ্ঝিস্সতি.

(খ) যস্স ৱা পন ৱেদনাক্খন্ধো ন নিৰুজ্ঝিস্সতি তস্স ৰূপক্খন্ধো ন নিৰুজ্ঝতীতি?

পঞ্চৱোকাৰে পৰিনিব্বন্তানং তেসং ৱেদনাক্খন্ধো ন নিৰুজ্ঝিস্সতি, নো চ তেসং ৰূপক্খন্ধো ন নিৰুজ্ঝতি. অৰূপে পৰিনিব্বন্তানং তেসং ৱেদনাক্খন্ধো চ ন নিৰুজ্ঝিস্সতি ৰূপক্খন্ধো চ ন নিৰুজ্ঝতি.

১৩৯. (ক) যস্স ৱেদনাক্খন্ধো ন নিৰুজ্ঝতি তস্স সঞ্ঞাক্খন্ধো ন নিৰুজ্ঝিস্সতীতি? নিৰুজ্ঝিস্সতি.

(খ) যস্স ৱা পন সঞ্ঞাক্খন্ধো ন নিৰুজ্ঝিস্সতি তস্স ৱেদনাক্খন্ধো ন নিৰুজ্ঝতীতি? নিৰুজ্ঝতি.

(ঙ) পচ্চনীকওকাসো

১৪০. যত্থ ৰূপক্খন্ধো ন নিৰুজ্ঝতি…পে….

(চ) পচ্চনীকপুগ্গলোকাসা

১৪১. (ক) যস্স যত্থ ৰূপক্খন্ধো ন নিৰুজ্ঝতি তস্স তত্থ ৱেদনাক্খন্ধো ন নিৰুজ্ঝিস্সতীতি?

পঞ্চৱোকাৰং উপপজ্জন্তানং অৰূপানং তেসং তত্থ ৰূপক্খন্ধো ন নিৰুজ্ঝতি, নো চ তেসং তত্থ ৱেদনাক্খন্ধো ন নিৰুজ্ঝিস্সতি. অৰূপে পৰিনিব্বন্তানং অসঞ্ঞসত্তং উপপজ্জন্তানং তেসং তত্থ ৰূপক্খন্ধো চ ন নিৰুজ্ঝতি ৱেদনাক্খন্ধো চ ন নিৰুজ্ঝিস্সতি.

(খ) যস্স ৱা পন যত্থ ৱেদনাক্খন্ধো ন নিৰুজ্ঝিস্সতি তস্স তত্থ ৰূপক্খন্ধো ন নিৰুজ্ঝতীতি?

পঞ্চৱোকাৰে পৰিনিব্বন্তানং অসঞ্ঞসত্তা চৱন্তানং তেসং তত্থ ৱেদনাক্খন্ধো ন নিৰুজ্ঝিস্সতি, নো চ তেসং তত্থ ৰূপক্খন্ধো ন নিৰুজ্ঝতি. অৰূপে পৰিনিব্বন্তানং অসঞ্ঞসত্তং উপপজ্জন্তানং তেসং তত্থ ৱেদনাক্খন্ধো চ ন নিৰুজ্ঝিস্সতি ৰূপক্খন্ধো চ ন নিৰুজ্ঝতি.

১৪২. (ক) যস্স যত্থ ৱেদনাক্খন্ধো ন নিৰুজ্ঝতি তস্স তত্থ সঞ্ঞাক্খন্ধো ন নিৰুজ্ঝিস্সতীতি?

চতুৱোকাৰং পঞ্চৱোকাৰং উপপজ্জন্তানং তেসং তত্থ ৱেদনাক্খন্ধো ন নিৰুজ্ঝতি, নো চ তেসং তত্থ সঞ্ঞাক্খন্ধো ন নিৰুজ্ঝিস্সতি. অসঞ্ঞসত্তানং তেসং তত্থ ৱেদনাক্খন্ধো চ ন নিৰুজ্ঝতি সঞ্ঞাক্খন্ধো চ ন নিৰুজ্ঝিস্সতি.

(খ) যস্স ৱা পন যত্থ সঞ্ঞাক্খন্ধো ন নিৰুজ্ঝিস্সতি তস্স তত্থ ৱেদনাক্খন্ধো ন নিৰুজ্ঝতীতি?

পৰিনিব্বন্তানং তেসং তত্থ সঞ্ঞাক্খন্ধো ন নিৰুজ্ঝিস্সতি, নো চ তেসং তত্থ ৱেদনাক্খন্ধো ন নিৰুজ্ঝতি. অসঞ্ঞসত্তানং তেসং তত্থ সঞ্ঞাক্খন্ধো চ ন নিৰুজ্ঝিস্সতি ৱেদনাক্খন্ধো চ ন নিৰুজ্ঝতি.