(৩) অনাগতৱাৰো

(ক) অনুলোমপুগ্গলো

১১৬. (ক) যস্স ৰূপক্খন্ধো নিৰুজ্ঝিস্সতি তস্স ৱেদনাক্খন্ধো নিৰুজ্ঝিস্সতীতি? আমন্তা.

(খ) যস্স ৱা পন ৱেদনাক্খন্ধো নিৰুজ্ঝিস্সতি তস্স ৰূপক্খন্ধো নিৰুজ্ঝিস্সতীতি?

পচ্ছিমভৱিকানং অৰূপং উপপজ্জন্তানং যে চ অৰূপং উপপজ্জিত্ৱা পৰিনিব্বাযিস্সন্তি তেসং চৱন্তানং তেসং ৱেদনাক্খন্ধো নিৰুজ্ঝিস্সতি, নো চ তেসং ৰূপক্খন্ধো নিৰুজ্ঝিস্সতি. ইতৰেসং তেসং ৱেদনাক্খন্ধো চ নিৰুজ্ঝিস্সতি ৰূপক্খন্ধো চ নিৰুজ্ঝিস্সতি.

(খ) অনুলোমওকাসো

১১৭. (ক) যত্থ ৰূপক্খন্ধো নিৰুজ্ঝিস্সতি তত্থ ৱেদনাক্খন্ধো নিৰুজ্ঝিস্সতীতি?

অসঞ্ঞসত্তে তত্থ ৰূপক্খন্ধো নিৰুজ্ঝিস্সতি, নো চ তত্থ ৱেদনাক্খন্ধো নিৰুজ্ঝিস্সতি. পঞ্চৱোকাৰে তত্থ ৰূপক্খন্ধো চ নিৰুজ্ঝিস্সতি ৱেদনাক্খন্ধো চ নিৰুজ্ঝিস্সতি.

(খ) যত্থ ৱা পন ৱেদনাক্খন্ধো নিৰুজ্ঝিস্সতি তত্থ ৰূপক্খন্ধো নিৰুজ্ঝিস্সতীতি?

অৰূপে তত্থ ৱেদনাক্খন্ধো নিৰুজ্ঝিস্সতি, নো চ তত্থ ৰূপক্খন্ধো নিৰুজ্ঝিস্সতি. পঞ্চৱোকাৰে তত্থ ৱেদনাক্খন্ধো চ নিৰুজ্ঝিস্সতি ৰূপক্খন্ধো চ নিৰুজ্ঝিস্সতি.

(গ) অনুলোমপুগ্গলোকাসা

১১৮. (ক) যস্স যত্থ ৰূপক্খন্ধো নিৰুজ্ঝিস্সতি তস্স তত্থ ৱেদনাক্খন্ধো নিৰুজ্ঝিস্সতীতি?

অসঞ্ঞসত্তানং তেসং তত্থ ৰূপক্খন্ধো নিৰুজ্ঝিস্সতি, নো চ তেসং তত্থ ৱেদনাক্খন্ধো নিৰুজ্ঝিস্সতি. পঞ্চৱোকাৰানং তেসং তত্থ ৰূপক্খন্ধো চ নিৰুজ্ঝিস্সতি ৱেদনাক্খন্ধো চ নিৰুজ্ঝিস্সতি.

(খ) যস্স ৱা পন যত্থ ৱেদনাক্খন্ধো নিৰুজ্ঝিস্সতি তস্স তত্থ ৰূপক্খন্ধো নিৰুজ্ঝিস্সতীতি?

অৰূপানং তেসং তত্থ ৱেদনাক্খন্ধো নিৰুজ্ঝিস্সতি, নো চ তেসং তত্থ ৰূপক্খন্ধো নিৰুজ্ঝিস্সতি. পঞ্চৱোকাৰানং তেসং তত্থ ৱেদনাক্খন্ধো চ নিৰুজ্ঝিস্সতি ৰূপক্খন্ধো চ নিৰুজ্ঝিস্সতি.

(ঘ) পচ্চনীকপুগ্গলো

১১৯. (ক) যস্স ৰূপক্খন্ধো ন নিৰুজ্ঝিস্সতি তস্স ৱেদনাক্খন্ধো ন নিৰুজ্ঝিস্সতীতি?

পচ্ছিমভৱিকানং অৰূপং উপপজ্জন্তানং যে চ অৰূপং উপপজ্জিত্ৱা পৰিনিব্বাযিস্সন্তি তেসং চৱন্তানং তেসং ৰূপক্খন্ধো ন নিৰুজ্ঝিস্সতি, নো চ তেসং ৱেদনাক্খন্ধো ন নিৰুজ্ঝিস্সতি. পৰিনিব্বন্তানং তেসং ৰূপক্খন্ধো চ ন নিৰুজ্ঝিস্সতি ৱেদনাক্খন্ধো চ ন নিৰুজ্ঝিস্সতি.

(খ) যস্স ৱা পন ৱেদনাক্খন্ধো ন নিৰুজ্ঝিস্সতি তস্স ৰূপক্খন্ধো ন নিৰুজ্ঝিস্সতীতি? আমন্তা.

(ঙ) পচ্চনীকওকাসো

১২০. (ক) যত্থ ৰূপক্খন্ধো ন নিৰুজ্ঝিস্সতি তত্থ ৱেদনাক্খন্ধো ন নিৰুজ্ঝিস্সতীতি? নিৰুজ্ঝিস্সতি.

(খ) যত্থ ৱা পন ৱেদনাক্খন্ধো ন নিৰুজ্ঝিস্সতি তত্থ ৰূপক্খন্ধো ন নিৰুজ্ঝিস্সতীতি? নিৰুজ্ঝিস্সতি.

(চ) পচ্চনীকপুগ্গলোকাসা

১২১. (ক) যস্স যত্থ ৰূপক্খন্ধো ন নিৰুজ্ঝিস্সতি তস্স তত্থ ৱেদনাক্খন্ধো ন নিৰুজ্ঝিস্সতীতি?

অৰূপানং তেসং তত্থ ৰূপক্খন্ধো ন নিৰুজ্ঝিস্সতি, নো চ তেসং তত্থ ৱেদনাক্খন্ধো ন নিৰুজ্ঝিস্সতি. পৰিনিব্বন্তানং তেসং তত্থ ৰূপক্খন্ধো চ ন নিৰুজ্ঝিস্সতি ৱেদনাক্খন্ধো চ ন নিৰুজ্ঝিস্সতি.

(খ) যস্স ৱা পন যত্থ ৱেদনাক্খন্ধো ন নিৰুজ্ঝিস্সতি তস্স তত্থ ৰূপক্খন্ধো ন নিৰুজ্ঝিস্সতীতি?

অসঞ্ঞসত্তানং তেসং তত্থ ৱেদনাক্খন্ধো ন নিৰুজ্ঝিস্সতি, নো চ তেসং তত্থ ৰূপক্খন্ধো ন নিৰুজ্ঝিস্সতি. পৰিনিব্বন্তানং তেসং তত্থ ৱেদনাক্খন্ধো চ ন নিৰুজ্ঝিস্সতি ৰূপক্খন্ধো চ ন নিৰুজ্ঝিস্সতি.