(৫) পচ্চুপ্পন্নানাগতৱাৰো

(ক) অনুলোমপুগ্গলো

৮০. (ক) যস্স ৰূপক্খন্ধো উপ্পজ্জতি তস্স ৱেদনাক্খন্ধো উপ্পজ্জিস্সতীতি?

পচ্ছিমভৱিকানং পঞ্চৱোকাৰং উপপজ্জন্তানং তেসং ৰূপক্খন্ধো উপ্পজ্জতি, নো চ তেসং ৱেদনাক্খন্ধো উপ্পজ্জিস্সতি. ইতৰেসং পঞ্চৱোকাৰং উপপজ্জন্তানং অসঞ্ঞসত্তং উপপজ্জন্তানং তেসং ৰূপক্খন্ধো চ উপ্পজ্জতি ৱেদনাক্খন্ধো চ উপ্পজ্জিস্সতি.

(খ) যস্স ৱা পন ৱেদনাক্খন্ধো উপ্পজ্জিস্সতি তস্স ৰূপক্খন্ধো উপ্পজ্জতীতি?

সব্বেসং চৱন্তানং অৰূপং উপপজ্জন্তানং তেসং ৱেদনাক্খন্ধো উপ্পজ্জিস্সতি, নো চ তেসং ৰূপক্খন্ধো উপ্পজ্জতি. পঞ্চৱোকাৰং উপপজ্জন্তানং অসঞ্ঞসত্তং উপপজ্জন্তানং তেসং ৱেদনাক্খন্ধো চ উপ্পজ্জিস্সতি ৰূপক্খন্ধো চ উপ্পজ্জতি.

৮১. (ক) যস্স ৱেদনাক্খন্ধো উপ্পজ্জতি তস্স সঞ্ঞাক্খন্ধো উপ্পজ্জিস্সতীতি?

পচ্ছিমভৱিকানং উপপজ্জন্তানং তেসং ৱেদনাক্খন্ধো উপ্পজ্জতি, নো চ তেসং সঞ্ঞাক্খন্ধো উপ্পজ্জিস্সতি. ইতৰেসং চতুৱোকাৰং পঞ্চৱোকাৰং উপপজ্জন্তানং তেসং ৱেদনাক্খন্ধো চ উপ্পজ্জতি সঞ্ঞাক্খন্ধো চ উপ্পজ্জিস্সতি.

(খ) যস্স ৱা পন সঞ্ঞাক্খন্ধো উপ্পজ্জিস্সতি তস্স ৱেদনাক্খন্ধো উপ্পজ্জতীতি?

সব্বেসং চৱন্তানং অসঞ্ঞসত্তং উপপজ্জন্তানং তেসং সঞ্ঞাক্খন্ধো উপ্পজ্জিস্সতি, নো চ তেসং ৱেদনাক্খন্ধো উপ্পজ্জতি. চতুৱোকাৰং পঞ্চৱোকাৰং উপপজ্জন্তানং তেসং সঞ্ঞাক্খন্ধো চ উপ্পজ্জিস্সতি ৱেদনাক্খন্ধো চ উপ্পজ্জতি.

(খ) অনুলোমওকাসো

৮২. (ক) যত্থ ৰূপক্খন্ধো উপ্পজ্জতি তত্থ ৱেদনাক্খন্ধো উপ্পজ্জিস্সতীতি?

অসঞ্ঞসত্তে তত্থ ৰূপক্খন্ধো উপ্পজ্জতি, নো চ তত্থ ৱেদনাক্খন্ধো উপ্পজ্জিস্সতি. পঞ্চৱোকাৰে তত্থ ৰূপক্খন্ধো চ উপ্পজ্জতি ৱেদনাক্খন্ধো চ উপ্পজ্জিস্সতি.

(খ) যত্থ ৱা পন ৱেদনাক্খন্ধো উপ্পজ্জিস্সতি তত্থ ৰূপক্খন্ধো উপ্পজ্জতীতি?

অৰূপে তত্থ ৱেদনাক্খন্ধো উপ্পজ্জিস্সতি, নো চ তত্থ ৰূপক্খন্ধো উপ্পজ্জতি. পঞ্চৱোকাৰে তত্থ ৱেদনাক্খন্ধো চ উপ্পজ্জিস্সতি ৰূপক্খন্ধো চ উপ্পজ্জতি.

৮৩. (ক) যত্থ ৱেদনাক্খন্ধো উপ্পজ্জতি তত্থ সঞ্ঞাক্খন্ধো উপ্পজ্জিস্সতীতি? আমন্তা.

(খ) যত্থ ৱা পন সঞ্ঞাক্খন্ধো উপ্পজ্জিস্সতি তত্থ ৱেদনাক্খন্ধো উপ্পজ্জতীতি? আমন্তা.

(গ) অনুলোমপুগ্গলোকাসা

৮৪. (ক) যস্স যত্থ ৰূপক্খন্ধো উপ্পজ্জতি তস্স তত্থ ৱেদনাক্খন্ধো উপ্পজ্জিস্সতীতি?

পচ্ছিমভৱিকানং পঞ্চৱোকাৰং উপপজ্জন্তানং অসঞ্ঞসত্তং উপপজ্জন্তানং তেসং তত্থ ৰূপক্খন্ধো উপ্পজ্জতি, নো চ তেসং তত্থ ৱেদনাক্খন্ধো উপ্পজ্জিস্সতি. ইতৰেসং পঞ্চৱোকাৰং উপপজ্জন্তানং তেসং তত্থ ৰূপক্খন্ধো চ উপ্পজ্জতি ৱেদনাক্খন্ধো চ উপ্পজ্জিস্সতি.

(খ) যস্স ৱা পন যত্থ ৱেদনাক্খন্ধো উপ্পজ্জিস্সতি তস্স তত্থ ৰূপক্খন্ধো উপ্পজ্জতীতি?

পঞ্চৱোকাৰা চৱন্তানং অৰূপানং তেসং তত্থ ৱেদনাক্খন্ধো উপ্পজ্জিস্সতি, নো চ তেসং তত্থ ৰূপক্খন্ধো উপ্পজ্জতি. পঞ্চৱোকাৰং উপপজ্জন্তানং তেসং তত্থ ৱেদনাক্খন্ধো চ উপ্পজ্জিস্সতি ৰূপক্খন্ধো চ উপ্পজ্জতি.

৮৫. (ক) যস্স যত্থ ৱেদনাক্খন্ধো উপ্পজ্জতি তস্স তত্থ সঞ্ঞাক্খন্ধো উপ্পজ্জিস্সতীতি?

পচ্ছিমভৱিকানং উপপজ্জন্তানং তেসং তত্থ ৱেদনাক্খন্ধো উপ্পজ্জতি, নো চ তেসং তত্থ সঞ্ঞাক্খন্ধো উপ্পজ্জিস্সতি. ইতৰেসং চতুৱোকাৰং পঞ্চৱোকাৰং উপপজ্জন্তানং তেসং তত্থ ৱেদনাক্খন্ধো চ উপ্পজ্জতি সঞ্ঞাক্খন্ধো চ উপ্পজ্জিস্সতি.

(খ) যস্স ৱা পন যত্থ সঞ্ঞাক্খন্ধো উপ্পজ্জিস্সতি তস্স তত্থ ৱেদনাক্খন্ধো উপ্পজ্জতীতি?

চতুৱোকাৰা পঞ্চৱোকাৰা চৱন্তানং তেসং তত্থ সঞ্ঞাক্খন্ধো উপ্পজ্জিস্সতি, নো চ তেসং তত্থ ৱেদনাক্খন্ধো উপ্পজ্জতি. চতুৱোকাৰং পঞ্চৱোকাৰং উপপজ্জন্তানং তেসং তত্থ সঞ্ঞাক্খন্ধো চ উপ্পজ্জিস্সতি ৱেদনাক্খন্ধো চ উপ্পজ্জতি.

(ঘ) পচ্চনীকপুগ্গলো

৮৬. (ক) যস্স ৰূপক্খন্ধো নুপ্পজ্জতি তস্স ৱেদনাক্খন্ধো নুপ্পজ্জিস্সতীতি?

সব্বেসং চৱন্তানং অৰূপং উপপজ্জন্তানং তেসং ৰূপক্খন্ধো নুপ্পজ্জতি, নো চ তেসং ৱেদনাক্খন্ধো নুপ্পজ্জিস্সতি. পঞ্চৱোকাৰে পৰিনিব্বন্তানং অৰূপে পচ্ছিমভৱিকানং তেসং ৰূপক্খন্ধো চ নুপ্পজ্জতি ৱেদনাক্খন্ধো চ নুপ্পজ্জিস্সতি.

(খ) যস্স ৱা পন ৱেদনাক্খন্ধো নুপ্পজ্জিস্সতি তস্স ৰূপক্খন্ধো নুপ্পজ্জতীতি?

পচ্ছিমভৱিকানং পঞ্চৱোকাৰং উপপজ্জন্তানং তেসং ৱেদনাক্খন্ধো নুপ্পজ্জিস্সতি, নো চ তেসং ৰূপক্খন্ধো নুপ্পজ্জতি. পঞ্চৱোকাৰে পৰিনিব্বন্তানং অৰূপে পচ্ছিমভৱিকানং তেসং ৱেদনাক্খন্ধো চ নুপ্পজ্জিস্সতি ৰূপক্খন্ধো চ নুপ্পজ্জতি.

৮৭. (ক) যস্স ৱেদনাক্খন্ধো নুপ্পজ্জতি তস্স সঞ্ঞাক্খন্ধো নুপ্পজ্জিস্সতীতি?

সব্বেসং চৱন্তানং অসঞ্ঞসত্তং উপপজ্জন্তানং তেসং ৱেদনাক্খন্ধো নুপ্পজ্জতি, নো চ তেসং সঞ্ঞাক্খন্ধো নুপ্পজ্জিস্সতি. পৰিনিব্বন্তানং তেসং ৱেদনাক্খন্ধো চ নুপ্পজ্জতি সঞ্ঞাক্খন্ধো চ নুপ্পজ্জিস্সতি.

(খ) যস্স ৱা পন সঞ্ঞাক্খন্ধো নুপ্পজ্জিস্সতি তস্স ৱেদনাক্খন্ধো নুপ্পজ্জতীতি?

পচ্ছিমভৱিকানং উপপজ্জন্তানং [পচ্ছিমভৱিকানং পঞ্চৱোকাৰং উপপজ্জন্তানং (সী. স্যা.)] তেসং সঞ্ঞাক্খন্ধো নুপ্পজ্জিস্সতি, নো চ তেসং ৱেদনাক্খন্ধো নুপ্পজ্জতি. পৰিনিব্বন্তানং তেসং সঞ্ঞাক্খন্ধো চ নুপ্পজ্জিস্সতি ৱেদনাক্খন্ধো চ নুপ্পজ্জতি.

(ঙ) পচ্চনীকওকাসো

৮৮. (ক) যত্থ ৰূপক্খন্ধো নুপ্পজ্জতি তত্থ ৱেদনাক্খন্ধো নুপ্পজ্জিস্সতীতি? উপ্পজ্জিস্সতি.

(খ) যত্থ ৱা পন ৱেদনাক্খন্ধো নুপ্পজ্জিস্সতি তত্থ ৰূপক্খন্ধো নুপ্পজ্জতীতি? উপ্পজ্জতি.

৮৯. (ক) যত্থ ৱেদনাক্খন্ধো নুপ্পজ্জতি তত্থ সঞ্ঞাক্খন্ধো নুপ্পজ্জিস্সতীতি? আমন্তা.

(খ) যত্থ ৱা পন সঞ্ঞাক্খন্ধো নুপ্পজ্জিস্সতি তত্থ ৱেদনাক্খন্ধো নুপ্পজ্জতীতি? আমন্তা.

(চ) পচ্চনীকপুগ্গলোকাসা

৯০. (ক) যস্স যত্থ ৰূপক্খন্ধো নুপ্পজ্জতি তস্স তত্থ ৱেদনাক্খন্ধো নুপ্পজ্জিস্সতীতি?

পঞ্চৱোকাৰা চৱন্তানং অৰূপানং তেসং তত্থ ৰূপক্খন্ধো নুপ্পজ্জতি, নো চ তেসং তত্থ ৱেদনাক্খন্ধো নুপ্পজ্জিস্সতি. পঞ্চৱোকাৰে পৰিনিব্বন্তানং অৰূপে পচ্ছিমভৱিকানং অসঞ্ঞসত্তা চৱন্তানং তেসং তত্থ ৰূপক্খন্ধো চ নুপ্পজ্জতি ৱেদনাক্খন্ধো চ নুপ্পজ্জিস্সতি.

(খ) যস্স ৱা পন যত্থ ৱেদনাক্খন্ধো নুপ্পজ্জিস্সতি তস্স তত্থ ৰূপক্খন্ধো নুপ্পজ্জতীতি?

পচ্ছিমভৱিকানং পঞ্চৱোকাৰং উপপজ্জন্তানং অসঞ্ঞসত্তং উপপজ্জন্তানং তেসং তত্থ ৱেদনাক্খন্ধো নুপ্পজ্জিস্সতি, নো চ তেসং তত্থ ৰূপক্খন্ধো নুপ্পজ্জতি. পঞ্চৱোকাৰে পৰিনিব্বন্তানং অৰূপে পচ্ছিমভৱিকানং অসঞ্ঞসত্তা চৱন্তানং তেসং তত্থ ৱেদনাক্খন্ধো চ নুপ্পজ্জিস্সতি ৰূপক্খন্ধো চ নুপ্পজ্জতি.

৯১. (ক) যস্স যত্থ ৱেদনাক্খন্ধো নুপ্পজ্জতি তস্স তত্থ সঞ্ঞাক্খন্ধো নুপ্পজ্জিস্সতীতি?

চতুৱোকাৰা পঞ্চৱোকাৰা চৱন্তানং তেসং তত্থ ৱেদনাক্খন্ধো নুপ্পজ্জতি, নো চ তেসং তত্থ সঞ্ঞাক্খন্ধো নুপ্পজ্জিস্সতি. পৰিনিব্বন্তানং অসঞ্ঞসত্তানং তেসং তত্থ ৱেদনাক্খন্ধো চ নুপ্পজ্জতি সঞ্ঞাক্খন্ধো চ নুপ্পজ্জিস্সতি.

(খ) যস্স ৱা পন যত্থ সঞ্ঞাক্খন্ধো নুপ্পজ্জিস্সতি তস্স তত্থ ৱেদনাক্খন্ধো নুপ্পজ্জতীতি?

পচ্ছিমভৱিকানং উপপজ্জন্তানং তেসং তত্থ সঞ্ঞাক্খন্ধো নুপ্পজ্জিস্সতি, নো চ তেসং তত্থ ৱেদনাক্খন্ধো নুপ্পজ্জতি. পৰিনিব্বন্তানং অসঞ্ঞসত্তানং তেসং তত্থ সঞ্ঞাক্খন্ধো চ নুপ্পজ্জিস্সতি ৱেদনাক্খন্ধো চ নুপ্পজ্জতি.