(৬) অতীতানাগতৱাৰো

(ক) অনুলোমপুগ্গলো

৯২. (ক) যস্স ৰূপক্খন্ধো উপ্পজ্জিত্থ তস্স ৱেদনাক্খন্ধো উপ্পজ্জিস্সতীতি?

পচ্ছিমভৱিকানং তেসং ৰূপক্খন্ধো উপ্পজ্জিত্থ, নো চ তেসং ৱেদনাক্খন্ধো উপ্পজ্জিস্সতি. ইতৰেসং তেসং ৰূপক্খন্ধো চ উপ্পজ্জিত্থ ৱেদনাক্খন্ধো চ উপ্পজ্জিস্সতি.

(খ) যস্স ৱা পন ৱেদনাক্খন্ধো উপ্পজ্জিস্সতি তস্স ৰূপক্খন্ধো উপ্পজ্জিত্থাতি? আমন্তা.

৯৩. (ক) যস্স ৱেদনাক্খন্ধো উপ্পজ্জিত্থ তস্স সঞ্ঞাক্খন্ধো উপ্পজ্জিস্সতীতি?

পচ্ছিমভৱিকানং তেসং ৱেদনাক্খন্ধো উপ্পজ্জিত্থ, নো চ তেসং সঞ্ঞাক্খন্ধো উপ্পজ্জিস্সতি. ইতৰেসং তেসং ৱেদনাক্খন্ধো চ উপ্পজ্জিত্থ সঞ্ঞাক্খন্ধো চ উপ্পজ্জিস্সতি.

(খ) যস্স ৱা পন সঞ্ঞাক্খন্ধো উপ্পজ্জিস্সতি তস্স ৱেদনাক্খন্ধো উপ্পজ্জিত্থাতি? আমন্তা.

(খ) অনুলোমওকাসো

৯৪. (ক) যত্থ ৰূপক্খন্ধো উপ্পজ্জিত্থ তত্থ ৱেদনাক্খন্ধো উপ্পজ্জিস্সতীতি?

অসঞ্ঞসত্তে তত্থ ৰূপক্খন্ধো উপ্পজ্জিত্থ, নো চ তত্থ ৱেদনাক্খন্ধো উপ্পজ্জিস্সতি. পঞ্চৱোকাৰে তত্থ ৰূপক্খন্ধো চ উপ্পজ্জিত্থ ৱেদনাক্খন্ধো চ উপ্পজ্জিস্সতি.

(খ) যত্থ ৱা পন ৱেদনাক্খন্ধো উপ্পজ্জিস্সতি তত্থ ৰূপক্খন্ধো উপ্পজ্জিত্থাতি?

অৰূপে তত্থ ৱেদনাক্খন্ধো উপ্পজ্জিস্সতি, নো চ তত্থ ৰূপক্খন্ধো উপ্পজ্জিত্থ. পঞ্চৱোকাৰে তত্থ ৱেদনাক্খন্ধো চ উপ্পজ্জিস্সতি ৰূপক্খন্ধো চ উপ্পজ্জিত্থ.

৯৫. (ক) যত্থ ৱেদনাক্খন্ধো উপ্পজ্জিত্থ তত্থ সঞ্ঞাক্খন্ধো উপ্পজ্জিস্সতীতি? আমন্তা.

(খ) যত্থ ৱা পন সঞ্ঞাক্খন্ধো উপ্পজ্জিস্সতি তত্থ ৱেদনাক্খন্ধো উপ্পজ্জিত্থাতি? আমন্তা.

(গ) অনুলোমপুগ্গলোকাসা

৯৬. (ক) যস্স যত্থ ৰূপক্খন্ধো উপ্পজ্জিত্থ তস্স তত্থ ৱেদনাক্খন্ধো উপ্পজ্জিস্সতীতি?

পঞ্চৱোকাৰে পচ্ছিমভৱিকানং অসঞ্ঞসত্তানং তেসং তত্থ ৰূপক্খন্ধো উপ্পজ্জিত্থ, নো চ তেসং তত্থ ৱেদনাক্খন্ধো উপ্পজ্জিস্সতি. ইতৰেসং পঞ্চৱোকাৰানং তেসং তত্থ ৰূপক্খন্ধো চ উপ্পজ্জিত্থ ৱেদনাক্খন্ধো চ উপ্পজ্জিস্সতি.

(খ) যস্স ৱা পন যত্থ ৱেদনাক্খন্ধো উপ্পজ্জিস্সতি তস্স তত্থ ৰূপক্খন্ধো উপ্পজ্জিত্থাতি?

অৰূপানং তেসং তত্থ ৱেদনাক্খন্ধো উপ্পজ্জিস্সতি, নো চ তেসং তত্থ ৰূপক্খন্ধো উপ্পজ্জিত্থ. পঞ্চৱোকাৰানং তেসং তত্থ ৱেদনাক্খন্ধো চ উপ্পজ্জিস্সতি ৰূপক্খন্ধো চ উপ্পজ্জিত্থ.

৯৭. (ক) যস্স যত্থ ৱেদনাক্খন্ধো উপ্পজ্জিত্থ তস্স তত্থ সঞ্ঞাক্খন্ধো উপ্পজ্জিস্সতীতি?

পচ্ছিমভৱিকানং তেসং তত্থ ৱেদনাক্খন্ধো উপ্পজ্জিত্থ, নো চ তেসং তত্থ সঞ্ঞাক্খন্ধো উপ্পজ্জিস্সতি. ইতৰেসং চতুৱোকাৰানং পঞ্চৱোকাৰানং তেসং তত্থ ৱেদনাক্খন্ধো চ উপ্পজ্জিত্থ সঞ্ঞাক্খন্ধো চ উপ্পজ্জিস্সতি.

(খ) যস্স ৱা পন যত্থ সঞ্ঞাক্খন্ধো উপ্পজ্জিস্সতি তস্স তত্থ ৱেদনাক্খন্ধো উপ্পজ্জিত্থাতি? আমন্তা.

(ঘ) পচ্চনীকপুগ্গলো

৯৮. (ক) যস্স ৰূপক্খন্ধো নুপ্পজ্জিত্থ তস্স ৱেদনাক্খন্ধো নুপ্পজ্জিস্সতীতি? নত্থি.

(খ) যস্স ৱা পন ৱেদনাক্খন্ধো নুপ্পজ্জিস্সতি তস্স ৰূপক্খন্ধো নুপ্পজ্জিত্থাতি? উপ্পজ্জিত্থ.

৯৯. (ক) যস্স ৱেদনাক্খন্ধো নুপ্পজ্জিত্থ তস্স সঞ্ঞাক্খন্ধো নুপ্পজ্জিস্সতীতি? নত্থি.

(খ) যস্স ৱা পন সঞ্ঞাক্খন্ধো নুপ্পজ্জিস্সতি তস্স ৱেদনাক্খন্ধো নুপ্পজ্জিত্থাতি? উপ্পজ্জিত্থ.

(ঙ) পচ্চনীকওকাসো

১০০. (ক) যত্থ ৰূপক্খন্ধো নুপ্পজ্জিত্থ তত্থ ৱেদনাক্খন্ধো নুপ্পজ্জিস্সতীতি? উপ্পজ্জিস্সতি.

(খ) যত্থ ৱা পন ৱেদনাক্খন্ধো নুপ্পজ্জিস্সতি তত্থ ৰূপক্খন্ধো নুপ্পজ্জিত্থাতি? উপ্পজ্জিত্থ.

১০১. (ক) যত্থ ৱেদনাক্খন্ধো নুপ্পজ্জিত্থ তত্থ সঞ্ঞাক্খন্ধো নুপ্পজ্জিস্সতীতি? আমন্তা.

(খ) যত্থ ৱা পন সঞ্ঞাক্খন্ধো নুপ্পজ্জিস্সতি তত্থ ৱেদনাক্খন্ধো নুপ্পজ্জিত্থাতি? আমন্তা.

(চ) পচ্চনীকপুগ্গলোকাসা

১০২. (ক) যস্স যত্থ ৰূপক্খন্ধো নুপ্পজ্জিত্থ তস্স তত্থ ৱেদনাক্খন্ধো নুপ্পজ্জিস্সতীতি?

অৰূপানং তেসং তত্থ ৰূপক্খন্ধো নুপ্পজ্জিত্থ, নো চ তেসং তত্থ ৱেদনাক্খন্ধো নুপ্পজ্জিস্সতি. সুদ্ধাৱাসানং অৰূপে পচ্ছিমভৱিকানং তেসং তত্থ ৰূপক্খন্ধো চ নুপ্পজ্জিত্থ ৱেদনাক্খন্ধো চ নুপ্পজ্জিস্সতি.

(খ) যস্স ৱা পন যত্থ ৱেদনাক্খন্ধো নুপ্পজ্জিস্সতি তস্স তত্থ ৰূপক্খন্ধো নুপ্পজ্জিত্থাতি?

পঞ্চৱোকাৰে পচ্ছিমভৱিকানং অসঞ্ঞসত্তানং তেসং তত্থ ৱেদনাক্খন্ধো নুপ্পজ্জিস্সতি, নো চ তেসং তত্থ ৰূপক্খন্ধো নুপ্পজ্জিত্থ. সুদ্ধাৱাসানং অৰূপে পচ্ছিমভৱিকানং তেসং তত্থ ৱেদনাক্খন্ধো চ নুপ্পজ্জিস্সতি ৰূপক্খন্ধো চ নুপ্পজ্জিত্থ.

১০৩. (ক) যস্স যত্থ ৱেদনাক্খন্ধো নুপ্পজ্জিত্থ তস্স তত্থ সঞ্ঞাক্খন্ধো নুপ্পজ্জিস্সতীতি? আমন্তা.

(খ) যস্স ৱা পন যত্থ সঞ্ঞাক্খন্ধো নুপ্পজ্জিস্সতি তস্স তত্থ ৱেদনাক্খন্ধো নুপ্পজ্জিত্থাতি?

পচ্ছিমভৱিকানং তেসং তত্থ সঞ্ঞাক্খন্ধো নুপ্পজ্জিস্সতি, নো চ তেসং তত্থ ৱেদনাক্খন্ধো নুপ্পজ্জিত্থ. সুদ্ধাৱাসানং অসঞ্ঞসত্তানং তেসং তত্থ সঞ্ঞাক্খন্ধো চ নুপ্পজ্জিস্সতি ৱেদনাক্খন্ধো চ নুপ্পজ্জিত্থ.

উপ্পাদৱাৰো নিট্ঠিতো.