(৪) পচ্চুপ্পন্নাতীতৱাৰো

(ক) অনুলোমপুগ্গলো

৬৮. (ক) যস্স ৰূপক্খন্ধো উপ্পজ্জতি তস্স ৱেদনাক্খন্ধো উপ্পজ্জিত্থাতি? আমন্তা.

(খ) যস্স ৱা পন ৱেদনাক্খন্ধো উপ্পজ্জিত্থ তস্স ৰূপক্খন্ধো উপ্পজ্জতীতি?

সব্বেসং চৱন্তানং অৰূপং উপপজ্জন্তানং তেসং ৱেদনাক্খন্ধো উপ্পজ্জিত্থ, নো চ তেসং ৰূপক্খন্ধো উপ্পজ্জতি. পঞ্চৱোকাৰং উপপজ্জন্তানং অসঞ্ঞসত্তং উপপজ্জন্তানং তেসং ৱেদনাক্খন্ধো চ উপ্পজ্জিত্থ ৰূপক্খন্ধো চ উপ্পজ্জতি.

৬৯. (ক) যস্স ৱেদনাক্খন্ধো উপ্পজ্জতি তস্স সঞ্ঞাক্খন্ধো উপ্পজ্জিত্থাতি? আমন্তা.

(খ) যস্স ৱা পন সঞ্ঞাক্খন্ধো উপ্পজ্জিত্থ তস্স ৱেদনাক্খন্ধো উপ্পজ্জতীতি?

সব্বেসং চৱন্তানং অসঞ্ঞসত্তং উপপজ্জন্তানং তেসং সঞ্ঞাক্খন্ধো উপ্পজ্জিত্থ, নো চ তেসং ৱেদনাক্খন্ধো উপ্পজ্জতি. চতুৱোকাৰং পঞ্চৱোকাৰং উপপজ্জন্তানং তেসং সঞ্ঞাক্খন্ধো চ উপ্পজ্জিত্থ ৱেদনাক্খন্ধো চ উপ্পজ্জতি.

(খ) অনুলোমওকাসো

৭০. (ক) যত্থ ৰূপক্খন্ধো উপ্পজ্জতি তত্থ ৱেদনাক্খন্ধো উপ্পজ্জিত্থাতি?

অসঞ্ঞসত্তে তত্থ ৰূপক্খন্ধো উপ্পজ্জতি, নো চ তত্থ ৱেদনাক্খন্ধো উপ্পজ্জিত্থ. পঞ্চৱোকাৰে তত্থ ৰূপক্খন্ধো চ উপ্পজ্জতি ৱেদনাক্খন্ধো চ উপ্পজ্জিত্থ.

(খ) যত্থ ৱা পন ৱেদনাক্খন্ধো উপ্পজ্জিত্থ তত্থ ৰূপক্খন্ধো উপ্পজ্জতীতি?

অৰূপে তত্থ ৱেদনাক্খন্ধো উপ্পজ্জিত্থ, নো চ তত্থ ৰূপক্খন্ধো উপ্পজ্জতি. পঞ্চৱোকাৰে তত্থ ৱেদনাক্খন্ধো চ উপ্পজ্জিত্থ ৰূপক্খন্ধো চ উপ্পজ্জতি.

৭১. (ক) যত্থ ৱেদনাক্খন্ধো উপ্পজ্জতি তত্থ সঞ্ঞাক্খন্ধো উপ্পজ্জিত্থাতি? আমন্তা.

(খ) যত্থ ৱা পন সঞ্ঞাক্খন্ধো উপ্পজ্জিত্থ তত্থ ৱেদনাক্খন্ধো উপ্পজ্জতীতি? আমন্তা.

(গ) অনুলোমপুগ্গলোকাসা

৭২. (ক) যস্স যত্থ ৰূপক্খন্ধো উপ্পজ্জতি তস্স তত্থ ৱেদনাক্খন্ধো উপ্পজ্জিত্থাতি?

সুদ্ধাৱাসং উপপজ্জন্তানং অসঞ্ঞসত্তং উপপজ্জন্তানং তেসং তত্থ ৰূপক্খন্ধো উপ্পজ্জতি, নো চ তেসং তত্থ ৱেদনাক্খন্ধো উপ্পজ্জিত্থ. ইতৰেসং পঞ্চৱোকাৰং উপপজ্জন্তানং তেসং তত্থ ৰূপক্খন্ধো চ উপ্পজ্জতি ৱেদনাক্খন্ধো চ উপ্পজ্জিত্থ.

(খ) যস্স ৱা পন যত্থ ৱেদনাক্খন্ধো উপ্পজ্জিত্থ তস্স তত্থ ৰূপক্খন্ধো উপ্পজ্জতীতি?

পঞ্চৱোকাৰা চৱন্তানং অৰূপানং তেসং তত্থ ৱেদনাক্খন্ধো উপ্পজ্জিত্থ, নো চ তেসং তত্থ ৰূপক্খন্ধো উপ্পজ্জতি. পঞ্চৱোকাৰং উপপজ্জন্তানং তেসং তত্থ ৱেদনাক্খন্ধো চ উপ্পজ্জিত্থ ৰূপক্খন্ধো চ উপ্পজ্জতি.

৭৩. (ক) যস্স যত্থ ৱেদনাক্খন্ধো উপ্পজ্জতি তস্স তত্থ সঞ্ঞাক্খন্ধো উপ্পজ্জিত্থাতি?

সুদ্ধাৱাসং উপপজ্জন্তানং তেসং তত্থ ৱেদনাক্খন্ধো উপ্পজ্জতি, নো চ তেসং তত্থ সঞ্ঞাক্খন্ধো উপ্পজ্জিত্থ. ইতৰেসং চতুৱোকাৰং পঞ্চৱোকাৰং উপপজ্জন্তানং তেসং তত্থ ৱেদনাক্খন্ধো চ উপ্পজ্জতি সঞ্ঞাক্খন্ধো চ উপ্পজ্জিত্থ.

(খ) যস্স ৱা পন যত্থ সঞ্ঞাক্খন্ধো উপ্পজ্জিত্থ তস্স তত্থ ৱেদনাক্খন্ধো উপ্পজ্জতীতি?

চতুৱোকাৰা পঞ্চৱোকাৰা চৱন্তানং তেসং তত্থ সঞ্ঞাক্খন্ধো উপ্পজ্জিত্থ, নো চ তেসং তত্থ ৱেদনাক্খন্ধো উপ্পজ্জতি. চতুৱোকাৰং পঞ্চৱোকাৰং উপপজ্জন্তানং তেসং তত্থ সঞ্ঞাক্খন্ধো চ উপ্পজ্জিত্থ ৱেদনাক্খন্ধো চ উপ্পজ্জতি.

(ঘ) পচ্চনীকপুগ্গলো

৭৪. (ক) যস্স ৰূপক্খন্ধো নুপ্পজ্জতি তস্স ৱেদনাক্খন্ধো নুপ্পজ্জিত্থাতি? উপ্পজ্জিত্থ.

(খ) যস্স ৱা পন ৱেদনাক্খন্ধো নুপ্পজ্জিত্থ তস্স ৰূপক্খন্ধো নুপ্পজ্জতীতি? নত্থি.

৭৫. (ক) যস্স ৱেদনাক্খন্ধো নুপ্পজ্জতি তস্স সঞ্ঞাক্খন্ধো নুপ্পজ্জিত্থাতি? উপ্পজ্জিত্থ.

(খ) যস্স ৱা পন সঞ্ঞাক্খন্ধো নুপ্পজ্জিত্থ তস্স ৱেদনাক্খন্ধো নুপ্পজ্জতীতি? নত্থি.

(ঙ) পচ্চনীকওকাসো

৭৬. (ক) যত্থ ৰূপক্খন্ধো নুপ্পজ্জতি তত্থ ৱেদনাক্খন্ধো নুপ্পজ্জিত্থাতি? উপ্পজ্জিত্থ.

(খ) যত্থ ৱা পন ৱেদনাক্খন্ধো নুপ্পজ্জিত্থ তত্থ ৰূপক্খন্ধো নুপ্পজ্জতীতি? উপ্পজ্জতি.

৭৭. (ক) যত্থ ৱেদনাক্খন্ধো নুপ্পজ্জতি তত্থ সঞ্ঞাক্খন্ধো নুপ্পজ্জিত্থাতি? আমন্তা.

(খ) যত্থ ৱা পন সঞ্ঞাক্খন্ধো নুপ্পজ্জিত্থ তত্থ ৱেদনাক্খন্ধো নুপ্পজ্জতীতি? আমন্তা.

(চ) পচ্চনীকপুগ্গলোকাসা

৭৮. (ক) যস্স যত্থ ৰূপক্খন্ধো নুপ্পজ্জতি তস্স তত্থ ৱেদনাক্খন্ধো নুপ্পজ্জিত্থাতি?

পঞ্চৱোকাৰা চৱন্তানং অৰূপানং তেসং তত্থ ৰূপক্খন্ধো নুপ্পজ্জতি, নো চ তেসং তত্থ ৱেদনাক্খন্ধো নুপ্পজ্জিত্থ. সুদ্ধাৱাসে পৰিনিব্বন্তানং অসঞ্ঞসত্তা চৱন্তানং তেসং তত্থ ৰূপক্খন্ধো চ নুপ্পজ্জতি ৱেদনাক্খন্ধো চ নুপ্পজ্জিত্থ.

(খ) যস্স ৱা পন যত্থ ৱেদনাক্খন্ধো নুপ্পজ্জিত্থ তস্স তত্থ ৰূপক্খন্ধো নুপ্পজ্জতীতি?

সুদ্ধাৱাসং উপপজ্জন্তানং অসঞ্ঞসত্তং উপপজ্জন্তানং তেসং তত্থ ৱেদনাক্খন্ধো নুপ্পজ্জিত্থ, নো চ তেসং তত্থ ৰূপক্খন্ধো নুপ্পজ্জতি. সুদ্ধাৱাসে পৰিনিব্বন্তানং অসঞ্ঞসত্তা চৱন্তানং তেসং তত্থ ৱেদনাক্খন্ধো চ নুপ্পজ্জিত্থ ৰূপক্খন্ধো চ নুপ্পজ্জতি.

৭৯. (ক) যস্স যত্থ ৱেদনাক্খন্ধো নুপ্পজ্জতি তস্স তত্থ সঞ্ঞাক্খন্ধো নুপ্পজ্জিত্থাতি?

চতুৱোকাৰা পঞ্চৱোকাৰা চৱন্তানং তেসং তত্থ ৱেদনাক্খন্ধো নুপ্পজ্জতি, নো চ তেসং তত্থ সঞ্ঞাক্খন্ধো নুপ্পজ্জিত্থ. সুদ্ধাৱাসে পৰিনিব্বন্তানং অসঞ্ঞসত্তানং তেসং তত্থ ৱেদনাক্খন্ধো চ নুপ্পজ্জতি সঞ্ঞাক্খন্ধো চ নুপ্পজ্জিত্থ.

(খ) যস্স ৱা পন যত্থ সঞ্ঞাক্খন্ধো নুপ্পজ্জিত্থ তস্স তত্থ ৱেদনাক্খন্ধো নুপ্পজ্জতীতি?

সুদ্ধাৱাসং উপপজ্জন্তানং তেসং তত্থ সঞ্ঞাক্খন্ধো নুপ্পজ্জিত্থ, নো চ তেসং তত্থ ৱেদনাক্খন্ধো নুপ্পজ্জতি. সুদ্ধাৱাসে পৰিনিব্বন্তানং অসঞ্ঞসত্তানং তেসং তত্থ সঞ্ঞাক্খন্ধো চ নুপ্পজ্জিত্থ ৱেদনাক্খন্ধো চ নুপ্পজ্জতি.