(৩) অনাগতৱাৰো

(ক) অনুলোমপুগ্গলো

৬২. (ক) যস্স ৰূপক্খন্ধো উপ্পজ্জিস্সতি তস্স ৱেদনাক্খন্ধো উপ্পজ্জিস্সতীতি? আমন্তা.

(খ) যস্স ৱা পন ৱেদনাক্খন্ধো উপ্পজ্জিস্সতি তস্স ৰূপক্খন্ধো উপ্পজ্জিস্সতীতি?

যে অৰূপং উপপজ্জিত্ৱা পৰিনিব্বাযিস্সন্তি তেসং ৱেদনাক্খন্ধো উপ্পজ্জিস্সতি, নো চ তেসং ৰূপক্খন্ধো উপ্পজ্জিস্সতি. ইতৰেসং তেসং ৱেদনাক্খন্ধো চ উপ্পজ্জিস্সতি ৰূপক্খন্ধো চ উপ্পজ্জিস্সতি.

(খ) অনুলোমওকাসো

৬৩. (ক) যত্থ ৰূপক্খন্ধো উপ্পজ্জিস্সতি তত্থ ৱেদনাক্খন্ধো উপ্পজ্জিস্সতীতি?

অসঞ্ঞসত্তে তত্থ ৰূপক্খন্ধো উপ্পজ্জিস্সতি, নো চ তত্থ ৱেদনাক্খন্ধো উপ্পজ্জিস্সতি. পঞ্চৱোকাৰে তত্থ ৰূপক্খন্ধো চ উপ্পজ্জিস্সতি ৱেদনাক্খন্ধো চ উপ্পজ্জিস্সতি.

(খ) যত্থ ৱা পন ৱেদনাক্খন্ধো উপ্পজ্জিস্সতি তত্থ ৰূপক্খন্ধো উপ্পজ্জিস্সতীতি?

অৰূপে তত্থ ৱেদনাক্খন্ধো উপ্পজ্জিস্সতি, নো চ তত্থ ৰূপক্খন্ধো উপ্পজ্জিস্সতি. পঞ্চৱোকাৰে তত্থ ৱেদনাক্খন্ধো চ উপ্পজ্জিস্সতি ৰূপক্খন্ধো চ উপ্পজ্জিস্সতি.

(গ) অনুলোমপুগ্গলোকাসা

৬৪. (ক) যস্স যত্থ ৰূপক্খন্ধো উপ্পজ্জিস্সতি তস্স তত্থ ৱেদনাক্খন্ধো উপ্পজ্জিস্সতীতি?

অসঞ্ঞসত্তানং তেসং তত্থ ৰূপক্খন্ধো উপ্পজ্জিস্সতি, নো চ তেসং তত্থ ৱেদনাক্খন্ধো উপ্পজ্জিস্সতি. পঞ্চৱোকাৰানং তেসং তত্থ ৰূপক্খন্ধো চ উপ্পজ্জিস্সতি ৱেদনাক্খন্ধো চ উপ্পজ্জিস্সতি.

(খ) যস্স ৱা পন যত্থ ৱেদনাক্খন্ধো উপ্পজ্জিস্সতি তস্স তত্থ ৰূপক্খন্ধো উপ্পজ্জিস্সতীতি?

অৰূপানং তেসং তত্থ ৱেদনাক্খন্ধো উপ্পজ্জিস্সতি, নো চ তেসং তত্থ ৰূপক্খন্ধো উপ্পজ্জিস্সতি. পঞ্চৱোকাৰানং তেসং তত্থ ৱেদনাক্খন্ধো চ উপ্পজ্জিস্সতি ৰূপক্খন্ধো চ উপ্পজ্জিস্সতি.

(ঘ) পচ্চনীকপুগ্গলো

৬৫. (ক) যস্স ৰূপক্খন্ধো নুপ্পজ্জিস্সতি তস্স ৱেদনাক্খন্ধো নুপ্পজ্জিস্সতীতি?

যে অৰূপং উপপজ্জিত্ৱা পৰিনিব্বাযিস্সন্তি তেসং ৰূপক্খন্ধো নুপ্পজ্জিস্সতি, নো চ তেসং ৱেদনাক্খন্ধো নুপ্পজ্জিস্সতি. পচ্ছিমভৱিকানং তেসং ৰূপক্খন্ধো চ নুপ্পজ্জিস্সতি ৱেদনাক্খন্ধো চ নুপ্পজ্জিস্সতি.

(খ) যস্স ৱা পন ৱেদনাক্খন্ধো নুপ্পজ্জিস্সতি তস্স ৰূপক্খন্ধো নুপ্পজ্জিস্সতীতি? আমন্তা.

(ঙ) পচ্চনীকওকাসো

৬৬. (ক) যত্থ ৰূপক্খন্ধো নুপ্পজ্জিস্সতি তত্থ ৱেদনাক্খন্ধো নুপ্পজ্জিস্সতীতি? উপ্পজ্জিস্সতি.

(খ) যত্থ ৱা পন ৱেদনাক্খন্ধো নুপ্পজ্জিস্সতি তত্থ ৰূপক্খন্ধো নুপ্পজ্জিস্সতীতি? উপ্পজ্জিস্সতি.

(চ) পচ্চনীকপুগ্গলোকাসা

৬৭. (ক) যস্স যত্থ ৰূপক্খন্ধো নুপ্পজ্জিস্সতি তস্স তত্থ ৱেদনাক্খন্ধো নুপ্পজ্জিস্সতীতি?

অৰূপানং তেসং তত্থ ৰূপক্খন্ধো নুপ্পজ্জিস্সতি, নো চ তেসং তত্থ ৱেদনাক্খন্ধো নুপ্পজ্জিস্সতি. পচ্ছিমভৱিকানং তেসং তত্থ ৰূপক্খন্ধো চ নুপ্পজ্জিস্সতি ৱেদনাক্খন্ধো চ নুপ্পজ্জিস্সতি.

(খ) যস্স ৱা পন যত্থ ৱেদনাক্খন্ধো নুপ্পজ্জিস্সতি তস্স তত্থ ৰূপক্খন্ধো নুপ্পজ্জিস্সতীতি?

অসঞ্ঞসত্তানং তেসং তত্থ ৱেদনাক্খন্ধো নুপ্পজ্জিস্সতি, নো চ তেসং তত্থ ৰূপক্খন্ধো নুপ্পজ্জিস্সতি. পচ্ছিমভৱিকানং তেসং তত্থ ৱেদনাক্খন্ধো চ নুপ্পজ্জিস্সতি ৰূপক্খন্ধো চ নুপ্পজ্জিস্সতি.