(২) অতীতৱাৰো

(ক) অনুলোমপুগ্গলো

৫৬. (ক) যস্স ৰূপক্খন্ধো উপ্পজ্জিত্থ তস্স ৱেদনাক্খন্ধো উপ্পজ্জিত্থাতি? আমন্তা.

(খ) যস্স ৱা পন ৱেদনাক্খন্ধো উপ্পজ্জিত্থ তস্স ৰূপক্খন্ধো উপ্পজ্জিত্থাতি? আমন্তা.

(খ) অনুলোমওকাসো

৫৭. (ক) যত্থ ৰূপক্খন্ধো উপ্পজ্জিত্থ তত্থ ৱেদনাক্খন্ধো উপ্পজ্জিত্থাতি?

অসঞ্ঞসত্তে তত্থ ৰূপক্খন্ধো উপ্পজ্জিত্থ, নো চ তত্থ ৱেদনাক্খন্ধো উপ্পজ্জিত্থ. পঞ্চৱোকাৰে তত্থ ৰূপক্খন্ধো চ উপ্পজ্জিত্থ ৱেদনাক্খন্ধো চ উপ্পজ্জিত্থ.

(খ) যত্থ ৱা পন ৱেদনাক্খন্ধো উপ্পজ্জিত্থ তত্থ ৰূপক্খন্ধো উপ্পজ্জিত্থাতি?

অৰূপে তত্থ ৱেদনাক্খন্ধো উপ্পজ্জিত্থ, নো চ তত্থ ৰূপক্খন্ধো উপ্পজ্জিত্থ. পঞ্চৱোকাৰে তত্থ ৱেদনাক্খন্ধো চ উপ্পজ্জিত্থ ৰূপক্খন্ধো চ উপ্পজ্জিত্থ.

(গ) অনুলোমপুগ্গলোকাসা

৫৮. (ক) যস্স যত্থ ৰূপক্খন্ধো উপ্পজ্জিত্থ তস্স তত্থ ৱেদনাক্খন্ধো উপ্পজ্জিত্থাতি?

অসঞ্ঞসত্তানং তেসং তত্থ ৰূপক্খন্ধো উপ্পজ্জিত্থ, নো চ তেসং তত্থ ৱেদনাক্খন্ধো উপ্পজ্জিত্থ. পঞ্চৱোকাৰানং তেসং তত্থ ৰূপক্খন্ধো চ উপ্পজ্জিত্থ ৱেদনাক্খন্ধো চ উপ্পজ্জিত্থ.

(খ) যস্স ৱা পন যত্থ ৱেদনাক্খন্ধো উপ্পজ্জিত্থ তস্স তত্থ ৰূপক্খন্ধো উপ্পজ্জিত্থাতি?

অৰূপানং তেসং তত্থ ৱেদনাক্খন্ধো উপ্পজ্জিত্থ, নো চ তেসং তত্থ ৰূপক্খন্ধো উপ্পজ্জিত্থ. পঞ্চৱোকাৰানং তেসং তত্থ ৱেদনাক্খন্ধো চ উপ্পজ্জিত্থ ৰূপক্খন্ধো চ উপ্পজ্জিত্থ.

(ঘ) পচ্চনীকপুগ্গলো

৫৯. (ক) যস্স ৰূপক্খন্ধো নুপ্পজ্জিত্থ তস্স ৱেদনাক্খন্ধো নুপ্পজ্জিত্থাতি? নত্থি.

(খ) যস্স ৱা পন ৱেদনাক্খন্ধো নুপ্পজ্জিত্থ তস্স ৰূপক্খন্ধো নুপ্পজ্জিত্থাতি? নত্থি.

(ঙ) পচ্চনীকওকাসো

৬০. (ক) যত্থ ৰূপক্খন্ধো নুপ্পজ্জিত্থ তত্থ ৱেদনাক্খন্ধো নুপ্পজ্জিত্থাতি? উপ্পজ্জিত্থ.

(খ) যত্থ ৱা পন ৱেদনাক্খন্ধো নুপ্পজ্জিত্থ তত্থ ৰূপক্খন্ধো নুপ্পজ্জিত্থাতি? উপ্পজ্জিত্থ.

(চ) পচ্চনীকপুগ্গলোকাসা

৬১. (ক) যস্স যত্থ ৰূপক্খন্ধো নুপ্পজ্জিত্থ তস্স তত্থ ৱেদনাক্খন্ধো নুপ্পজ্জিত্থাতি?

অৰূপানং তেসং তত্থ ৰূপক্খন্ধো নুপ্পজ্জিত্থ, নো চ তেসং তত্থ ৱেদনাক্খন্ধো নুপ্পজ্জিত্থ. সুদ্ধাৱাসানং তেসং তত্থ ৰূপক্খন্ধো চ নুপ্পজ্জিত্থ ৱেদনাক্খন্ধো চ নুপ্পজ্জিত্থ.

(ক) যস্স ৱা পন যত্থ ৱেদনাক্খন্ধো নুপ্পজ্জিত্থ তস্স তত্থ ৰূপক্খন্ধো নুপ্পজ্জিত্থাতি?

অসঞ্ঞসত্তানং তেসং তত্থ ৱেদনাক্খন্ধো নুপ্পজ্জিত্থ, নো চ তেসং তত্থ ৰূপক্খন্ধো নুপ্পজ্জিত্থ. সুদ্ধাৱাসানং তেসং তত্থ ৱেদনাক্খন্ধো চ নুপ্পজ্জিত্থ ৰূপক্খন্ধো চ নুপ্পজ্জিত্থ.