(১) পচ্চুপ্পন্নৱাৰো

(ক) অনুলোমপুগ্গলো

৫০. (ক) যস্স ৰূপক্খন্ধো উপ্পজ্জতি তস্স ৱেদনাক্খন্ধো উপ্পজ্জতীতি?

অসঞ্ঞসত্তং উপপজ্জন্তানং তেসং ৰূপক্খন্ধো উপ্পজ্জতি, নো চ তেসং ৱেদনাক্খন্ধো উপ্পজ্জতি. পঞ্চৱোকাৰং উপপজ্জন্তানং তেসং ৰূপক্খন্ধো চ উপ্পজ্জতি ৱেদনাক্খন্ধো চ উপ্পজ্জতি.

(খ) যস্স ৱা পন ৱেদনাক্খন্ধো উপ্পজ্জতি তস্স ৰূপক্খন্ধো উপ্পজ্জতীতি?

অৰূপং উপপজ্জন্তানং তেসং ৱেদনাক্খন্ধো উপ্পজ্জতি, নো চ তেসং ৰূপক্খন্ধো উপ্পজ্জতি. পঞ্চৱোকাৰং উপপজ্জন্তানং তেসং ৱেদনাক্খন্ধো চ উপ্পজ্জতি ৰূপক্খন্ধো চ উপ্পজ্জতি.

(খ) অনুলোমওকাসো

৫১. (ক) যত্থ ৰূপক্খন্ধো উপ্পজ্জতি তত্থ ৱেদনাক্খন্ধো উপ্পজ্জতীতি?

অসঞ্ঞসত্তে তত্থ ৰূপক্খন্ধো উপ্পজ্জতি, নো চ তত্থ ৱেদনাক্খন্ধো উপ্পজ্জতি. পঞ্চৱোকাৰে তত্থ ৰূপক্খন্ধো চ উপ্পজ্জতি ৱেদনাক্খন্ধো চ উপ্পজ্জতি.

(খ) যত্থ ৱা পন ৱেদনাক্খন্ধো উপ্পজ্জতি তত্থ ৰূপক্খন্ধো উপ্পজ্জতীতি?

অৰূপে তত্থ ৱেদনাক্খন্ধো উপ্পজ্জতি, নো চ তত্থ ৰূপক্খন্ধো উপ্পজ্জতি. পঞ্চৱোকাৰে তত্থ ৱেদনাক্খন্ধো চ উপ্পজ্জতি ৰূপক্খন্ধো চ উপ্পজ্জতি.

(গ) অনুলোমপুগ্গলোকাসা

৫২. (ক) যস্স যত্থ ৰূপক্খন্ধো উপ্পজ্জতি তস্স তত্থ ৱেদনাক্খন্ধো উপ্পজ্জতীতি?

অসঞ্ঞসত্তং উপপজ্জন্তানং তেসং তত্থ ৰূপক্খন্ধো উপ্পজ্জতি, নো চ তেসং তত্থ ৱেদনাক্খন্ধো উপ্পজ্জতি. পঞ্চৱোকাৰং উপপজ্জন্তানং তেসং তত্থ ৰূপক্খন্ধো চ উপ্পজ্জতি ৱেদনাক্খন্ধো চ উপ্পজ্জতি.

(খ) যস্স ৱা পন যত্থ ৱেদনাক্খন্ধো উপ্পজ্জতি তস্স তত্থ ৰূপক্খন্ধো উপ্পজ্জতীতি?

অৰূপং উপপজ্জন্তানং তেসং তত্থ ৱেদনাক্খন্ধো উপ্পজ্জতি, নো চ তেসং তত্থ ৰূপক্খন্ধো উপ্পজ্জতি. পঞ্চৱোকাৰং উপপজ্জন্তানং তেসং তত্থ ৱেদনাক্খন্ধো চ উপ্পজ্জতি ৰূপক্খন্ধো চ উপ্পজ্জতি.

(ঘ) পচ্চনীকপুগ্গলো

৫৩. (ক) যস্স ৰূপক্খন্ধো নুপ্পজ্জতি তস্স ৱেদনাক্খন্ধো নুপ্পজ্জতীতি?

অৰূপং উপপজ্জন্তানং তেসং ৰূপক্খন্ধো নুপ্পজ্জতি, নো চ তেসং ৱেদনাক্খন্ধো নুপ্পজ্জতি. সব্বেসং চৱন্তানং তেসং ৰূপক্খন্ধো চ নুপ্পজ্জতি ৱেদনাক্খন্ধো চ নুপ্পজ্জতি.

(খ) যস্স ৱা পন ৱেদনাক্খন্ধো নুপ্পজ্জতি তস্স ৰূপক্খন্ধো নুপ্পজ্জতীতি?

অসঞ্ঞসত্তং উপপজ্জন্তানং তেসং ৱেদনাক্খন্ধো নুপ্পজ্জতি, নো চ তেসং ৰূপক্খন্ধো নুপ্পজ্জতি. সব্বেসং চৱন্তানং তেসং ৱেদনাক্খন্ধো চ নুপ্পজ্জতি ৰূপক্খন্ধো চ নুপ্পজ্জতি.

(ঙ) পচ্চনীকওকাসো

৫৪. (ক) যত্থ ৰূপক্খন্ধো নুপ্পজ্জতি তত্থ ৱেদনাক্খন্ধো নুপ্পজ্জতীতি? উপ্পজ্জতি.

(খ) যত্থ ৱা পন ৱেদনাক্খন্ধো নুপ্পজ্জতি তত্থ ৰূপক্খন্ধো নুপ্পজ্জতীতি? উপ্পজ্জতি.

(চ) পচ্চনীকপুগ্গলোকাসা

৫৫. (ক) যস্স যত্থ ৰূপক্খন্ধো নুপ্পজ্জতি তস্স তত্থ ৱেদনাক্খন্ধো নুপ্পজ্জতীতি?

অৰূপং উপপজ্জন্তানং তেসং তত্থ ৰূপক্খন্ধো নুপ্পজ্জতি, নো চ তেসং তত্থ ৱেদনাক্খন্ধো নুপ্পজ্জতি. সব্বেসং চৱন্তানং তেসং তত্থ ৰূপক্খন্ধো চ নুপ্পজ্জতি ৱেদনাক্খন্ধো চ নুপ্পজ্জতি.

(খ) যস্স ৱা পন যত্থ ৱেদনাক্খন্ধো নুপ্পজ্জতি তস্স তত্থ ৰূপক্খন্ধো নুপ্পজ্জতীতি?

অসঞ্ঞসত্তং উপপজ্জন্তানং তেসং তত্থ ৱেদনাক্খন্ধো নুপ্পজ্জতি, নো চ তেসং তত্থ ৰূপক্খন্ধো নুপ্পজ্জতি. সব্বেসং চৱন্তানং তেসং তত্থ ৱেদনাক্খন্ধো চ নুপ্পজ্জতি ৰূপক্খন্ধো চ নুপ্পজ্জতি.