১৪. সিক্খাপদৱিভঙ্গো

১. অভিধম্মভাজনীযং

৭০৩. পঞ্চ সিক্খাপদানি – পাণাতিপাতা ৱেৰমণী সিক্খাপদং, অদিন্নাদানা ৱেৰমণী সিক্খাপদং, কামেসুমিচ্ছাচাৰা ৱেৰমণী সিক্খাপদং, মুসাৱাদা ৱেৰমণী সিক্খাপদং, সুৰামেৰযমজ্জপমাদট্ঠানা ৱেৰমণী সিক্খাপদং.

৭০৪. তত্থ কতমং পাণাতিপাতা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং পাণাতিপাতা ৱিৰমন্তস্স, যা তস্মিং সমযে পাণাতিপাতা আৰতি ৱিৰতি পটিৱিৰতি ৱেৰমণী অকিৰিযা অকৰণং অনজ্ঝাপত্তি ৱেলাঅনতিক্কমো সেতুঘাতো – ইদং ৱুচ্চতি ‘‘পাণাতিপাতা ৱেৰমণী সিক্খাপদং’’. অৱসেসা ধম্মা ৱেৰমণিযা সম্পযুত্তা.

তত্থ কতমং পাণাতিপাতা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং পাণাতিপাতা ৱিৰমন্তস্স, যা তস্মিং সমযে চেতনা সঞ্চেতনা সঞ্চেতযিতত্তং – ইদং ৱুচ্চতি ‘‘পাণাতিপাতা ৱেৰমণী সিক্খাপদং’’. অৱসেসা ধম্মা চেতনায সম্পযুত্তা.

তত্থ কতমং পাণাতিপাতা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং পাণাতিপাতা ৱিৰমন্তস্স, যো তস্মিং সমযে ফস্সো…পে… পগ্গাহো অৱিক্খেপো – ইদং ৱুচ্চতি ‘‘পাণাতিপাতা ৱেৰমণী সিক্খাপদং’’.

৭০৫. তত্থ কতমং পাণাতিপাতা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি উপেক্খাসহগতং ঞাণৱিপ্পযুত্তং সসঙ্খাৰেন পাণাতিপাতা ৱিৰমন্তস্স, যা তস্মিং সমযে চেতনা সঞ্চেতনা সঞ্চেতযিতত্তং – ইদং ৱুচ্চতি ‘‘পাণাতিপাতা ৱেৰমণী সিক্খাপদং’’. অৱসেসা ধম্মা চেতনায সম্পযুত্তা.

তত্থ কতমং পাণাতিপাতা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি উপেক্খাসহগতং ঞাণৱিপ্পযুত্তং সসঙ্খাৰেন পাণাতিপাতা ৱিৰমন্তস্স ফস্সো…পে… পগ্গাহো অৱিক্খেপো – ইদং ৱুচ্চতি ‘‘পাণাতিপাতা ৱেৰমণী সিক্খাপদং’’.

৭০৬. তত্থ কতমং অদিন্নাদানা ৱেৰমণী সিক্খাপদং…পে… কামেসুমিচ্ছাচাৰা ৱেৰমণী সিক্খাপদং…পে… মুসাৱাদা ৱেৰমণী সিক্খাপদং…পে… সুৰামেৰযমজ্জপমাদট্ঠানা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং সুৰামেৰযমজ্জপমাদট্ঠানা ৱিৰমন্তস্স, যা তস্মিং সমযে সুৰামেৰযমজ্জপমাদট্ঠানা আৰতি ৱিৰতি পটিৱিৰতি ৱেৰমণী অকিৰিযা অকৰণং অনজ্ঝাপত্তি ৱেলাঅনতিক্কমো সেতুঘাতো – ইদং ৱুচ্চতি ‘‘সুৰামেৰযমজ্জপমাদট্ঠানা ৱেৰমণী সিক্খাপদং’’. অৱসেসা ধম্মা ৱেৰমণিযা সম্পযুত্তা.

তত্থ কতমং সুৰামেৰযমজ্জপমাদট্ঠানা ৱেৰমণী সিক্খাপদং, যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং সুৰামেৰযমজ্জপমাদট্ঠানা ৱিৰমন্তস্স, যা তস্মিং সমযে চেতনা সঞ্চেতনা সঞ্চেতযিতত্তং – ইদং ৱুচ্চতি ‘‘সুৰামেৰযমজ্জপমাদট্ঠানা ৱেৰমণী সিক্খাপদং’’. অৱসেসা ধম্মা চেতনায সম্পযুত্তা.

তত্থ কতমং সুৰামেৰযমজ্জপমাদট্ঠানা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং সুৰামেৰযমজ্জপমাদট্ঠানা ৱিৰমন্তস্স, যো তস্মিং সমযে ফস্সো…পে… পগ্গাহো অৱিক্খেপো – ইদং ৱুচ্চতি ‘‘সুৰামেৰযমজ্জপমাদট্ঠানা ৱেৰমণী সিক্খাপদং’’.

তত্থ কতমং সুৰামেৰযমজ্জপমাদট্ঠানা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং সসঙ্খাৰেন…পে… সোমনস্সসহগতং ঞাণৱিপ্পযুত্তং…পে… সোমনস্সসহগতং ঞাণৱিপ্পযুত্তং সসঙ্খাৰেন…পে… উপেক্খাসহগতং ঞাণসম্পযুত্তং…পে… উপেক্খাসহগতং ঞাণসম্পযুত্তং সসঙ্খাৰেন…পে… উপেক্খাসহগতং ঞাণৱিপ্পযুত্তং…পে… উপেক্খাসহগতং ঞাণৱিপ্পযুত্তং সসঙ্খাৰেন সুৰামেৰযমজ্জপমাদট্ঠানা ৱিৰমন্তস্স, যা তস্মিং সমযে সুৰামেৰযমজ্জপমাদট্ঠানা আৰতি ৱিৰতি পটিৱিৰতি ৱেৰমণী অকিৰিযা অকৰণং অনজ্ঝাপত্তি ৱেলাঅনতিক্কমো সেতুঘাতো – ইদং ৱুচ্চতি ‘‘সুৰামেৰযমজ্জপমাদট্ঠানা ৱেৰমণী সিক্খাপদং’’. অৱসেসা ধম্মা ৱেৰমণিযা সম্পযুত্তা.

৭০৭. তত্থ কতমং সুৰামেৰযমজ্জপমাদট্ঠানা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি উপেক্খাসহগতং ঞাণৱিপ্পযুত্তং সসঙ্খাৰেন সুৰামেৰযমজ্জপমাদট্ঠানা ৱিৰমন্তস্স, যা তস্মিং সমযে চেতনা সঞ্চেতনা সঞ্চেতযিতত্তং – ইদং ৱুচ্চতি ‘‘সুৰামেৰযমজ্জপমাদট্ঠানা ৱেৰমণী সিক্খাপদং’’. অৱসেসা ধম্মা চেতনায সম্পযুত্তা.

তত্থ কতমং সুৰামেৰযমজ্জপমাদট্ঠানা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি উপেক্খাসহগতং ঞাণৱিপ্পযুত্তং সসঙ্খাৰেন সুৰামেৰযমজ্জপমাদট্ঠানা ৱিৰমন্তস্স, যো তস্মিং সমযে ফস্সো…পে… পগ্গাহো অৱিক্খেপো – ইদং ৱুচ্চতি ‘‘সুৰামেৰযমজ্জপমাদট্ঠানা ৱেৰমণী সিক্খাপদং’’.

৭০৮. পঞ্চ সিক্খাপদানি – পাণাতিপাতা ৱেৰমণী সিক্খাপদং, অদিন্নাদানা ৱেৰমণী সিক্খাপদং, কামেসুমিচ্ছাচাৰা ৱেৰমণী সিক্খাপদং, মুসাৱাদা ৱেৰমণী সিক্খাপদং, সুৰামেৰযমজ্জপমাদট্ঠানা ৱেৰমণী সিক্খাপদং.

৭০৯. তত্থ কতমং পাণাতিপাতা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং হীনং… মজ্ঝিমং… পণীতং… ছন্দাধিপতেয্যং… ৱীৰিযাধিপতেয্যং… চিত্তাধিপতেয্যং… ৱীমংসাধিপতেয্যং… ছন্দাধিপতেয্যং হীনং… মজ্ঝিমং… পণীতং… ৱীৰিযাধিপতেয্যং হীনং… মজ্ঝিমং… পণীতং… চিত্তাধিপতেয্যং হীনং… মজ্ঝিমং… পণীতং… ৱীমংসাধিপতেয্যং হীনং… মজ্ঝিমং… পণীতং পাণাতিপাতা ৱিৰমন্তস্স, যা তস্মিং সমযে পাণাতিপাতা আৰতি ৱিৰতি পটিৱিৰতি ৱেৰমণী অকিৰিযা অকৰণং অনজ্ঝাপত্তি ৱেলাঅনতিক্কমো সেতুঘাতো – ইদং ৱুচ্চতি ‘‘পাণাতিপাতা ৱেৰমণী সিক্খাপদং’’. অৱসেসা ধম্মা ৱেৰমণিযা সম্পযুত্তা.

তত্থ কতমং পাণাতিপাতা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং হীনং… মজ্ঝিমং… পণীতং… ছন্দাধিপতেয্যং… ৱীৰিযাধিপতেয্যং… চিত্তাধিপতেয্যং… ৱীমংসাধিপতেয্যং… ছন্দাধিপতেয্যং হীনং… মজ্ঝিমং… পণীতং… ৱীৰিযাধিপতেয্যং হীনং… মজ্ঝিমং… পণীতং… চিত্তাধিপতেয্যং হীনং… মজ্ঝিমং… পণীতং… ৱীমংসাধিপতেয্যং হীনং… মজ্ঝিমং… পণীতং পাণাতিপাতা ৱিৰমন্তস্স, যা তস্মিং সমযে চেতনা সঞ্চেতনা সঞ্চেতযিতত্তং – ইদং ৱুচ্চতি ‘‘পাণাতিপাতা ৱেৰমণী সিক্খাপদং’’. অৱসেসা ধম্মা চেতনায সম্পযুত্তা.

তত্থ কতমং পাণাতিপাতা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং হীনং… মজ্ঝিমং… পণীতং… ছন্দাধিপতেয্যং… ৱীৰিযাধিপতেয্যং… চিত্তাধিপতেয্যং… ৱীমংসাধিপতেয্যং… ছন্দাধিপতেয্যং হীনং… মজ্ঝিমং… পণীতং… ৱীৰিযাধিপতেয্যং হীনং… মজ্ঝিমং… পণীতং… চিত্তাধিপতেয্যং হীনং… মজ্ঝিমং… পণীতং… ৱীমংসাধিপতেয্যং হীনং… মজ্ঝিমং … পণীতং পাণাতিপাতা ৱিৰমন্তস্স, যো তস্মিং সমযে ফস্সো…পে… পগ্গাহো অৱিক্খেপো – ইদং ৱুচ্চতি ‘‘পাণাতিপাতা ৱেৰমণী সিক্খাপদং’’.

তত্থ কতমং পাণাতিপাতা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং সসঙ্খাৰেন…পে… সোমনস্সসহগতং ঞাণৱিপ্পযুত্তং…পে… সোমনস্সসহগতং ঞাণৱিপ্পযুত্তং সসঙ্খাৰেন…পে… উপেক্খাসহগতং ঞাণসম্পযুত্তং…পে… উপেক্খাসহগতং ঞাণসম্পযুত্তং সসঙ্খাৰেন…পে… উপেক্খাসহগতং ঞাণৱিপ্পযুত্তং…পে… উপেক্খাসহগতং ঞাণৱিপ্পযুত্তং সসঙ্খাৰেন হীনং… মজ্ঝিমং… পণীতং… ছন্দাধিপতেয্যং… ৱীৰিযাধিপতেয্যং… চিত্তাধিপতেয্যং… ছন্দাধিপতেয্যং হীনং… মজ্ঝিমং… পণীতং… ৱীৰিযাধিপতেয্যং হীনং… মজ্ঝিমং… পণীতং… চিত্তাধিপতেয্যং হীনং… মজ্ঝিমং… পণীতং পাণাতিপাতা ৱিৰমন্তস্স, যা তস্মিং সমযে পাণাতিপাতা আৰতি ৱিৰতি পটিৱিৰতি ৱেৰমণী অকিৰিযা অকৰণং অনজ্ঝাপত্তি ৱেলাঅনতিক্কমো সেতুঘাতো – ইদং ৱুচ্চতি ‘‘পাণাতিপাতা ৱেৰমণী সিক্খাপদং’’. অৱসেসা ধম্মা ৱেৰমণিযা সম্পযুত্তা…পে… অৱসেসা ধম্মা চেতনায সম্পযুত্তা…পে… ফস্সো…পে… পগ্গাহো অৱিক্খেপো – ইদং ৱুচ্চতি ‘‘পাণাতিপাতা ৱেৰমণী সিক্খাপদং’’.

৭১০. তত্থ কতমং অদিন্নাদানা ৱেৰমণী সিক্খাপদং…পে… কামেসুমিচ্ছাচাৰা ৱেৰমণী সিক্খাপদং…পে… মুসাৱাদা ৱেৰমণী সিক্খাপদং…পে… সুৰামেৰযমজ্জপমাদট্ঠানা ৱেৰমণী সিক্খাপদং? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং হীনং… মজ্ঝিমং… পণীতং… ছন্দাধিপতেয্যং… ৱীৰিযাধিপতেয্যং … চিত্তাধিপতেয্যং… ৱীমংসাধিপতেয্যং… ছন্দাধিপতেয্যং হীনং… মজ্ঝিমং… পণীতং… ৱীৰিযাধিপতেয্যং হীনং… মজ্ঝিমং… পণীতং… চিত্তাধিপতেয্যং হীনং… মজ্ঝিমং… পণীতং… ৱীমংসাধিপতেয্যং হীনং… মজ্ঝিমং… পণীতং সুৰামেৰযমজ্জপমাদট্ঠানা ৱিৰমন্তস্স, যা তস্মিং সমযে সুৰামেৰযমজ্জপমাদট্ঠানা আৰতি ৱিৰতি পটিৱিৰতি ৱেৰমণী অকিৰিযা অকৰণং অনজ্ঝাপত্তি ৱেলাঅনতিক্কমো সেতুঘাতো – ইদং ৱুচ্চতি ‘‘সুৰামেৰযমজ্জপমাদট্ঠানা ৱেৰমণী সিক্খাপদং’’. অৱসেসা ধম্মা ৱেৰমণিযা সম্পযুত্তা …পে… অৱসেসা ধম্মা চেতনায সম্পযুত্তা…পে… ফস্সো…পে… পগ্গাহো অৱিক্খেপো – ইদং ৱুচ্চতি ‘‘সুৰামেৰযমজ্জপমাদট্ঠানা ৱেৰমণী সিক্খাপদং’’.

৭১১. তত্থ কতমং সুৰামেৰযমজ্জপমাদট্ঠানা ৱেৰমণী সিক্খাপদং? যস্মিং সমযে কামাৱচৰে কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং সসঙ্খাৰেন…পে… সোমনস্সসহগতং ঞাণৱিপ্পযুত্তং…পে… সোমনস্সসহগতং ঞাণৱিপ্পযুত্তং সসঙ্খাৰেন…পে… উপেক্খাসহগতং ঞাণসম্পযুত্তং…পে… উপেক্খাসহগতং ঞাণসম্পযুত্তং সসঙ্খাৰেন…পে… উপেক্খাসহগতং ঞাণৱিপ্পযুত্তং…পে… উপেক্খাসহগতং ঞাণৱিপ্পযুত্তং সসঙ্খাৰেন হীনং… মজ্ঝিমং… পণীতং… ছন্দাধিপতেয্যং… ৱীৰিযাধিপতেয্যং… চিত্তাধিপতেয্যং… ছন্দাধিপতেয্যং হীনং… মজ্ঝিমং… পণীতং… ৱীৰিযাধিপতেয্যং হীনং… মজ্ঝিমং… পণীতং… চিত্তাধিপতেয্যং হীনং… মজ্ঝিমং পণীতং সুৰামেৰযমজ্জপমাদট্ঠানা ৱিৰমন্তস্স, যা তস্মিং সমযে সুৰামেৰযমজ্জপমাদট্ঠানা আৰতি ৱিৰতি পটিৱিৰতি ৱেৰমণী অকিৰিযা অকৰণং অনজ্ঝাপত্তি ৱেলাঅনতিক্কমো সেতুঘাতো – ইদং ৱুচ্চতি ‘‘সুৰামেৰযমজ্জপমাদট্ঠানা ৱেৰমণী সিক্খাপদং’’. অৱসেসা ধম্মা ৱেৰমণিযা সম্পযুত্তা…পে… অৱসেসা ধম্মা চেতনায সম্পযুত্তা…পে… ফস্সো…পে… পগ্গাহো অৱিক্খেপো – ইদং ৱুচ্চতি ‘‘সুৰামেৰযমজ্জপমাদট্ঠানা ৱেৰমণী সিক্খাপদং’’.

৭১২. কতমে ধম্মা সিক্খা? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং ৰূপাৰম্মণং ৱা…পে… ধম্মাৰম্মণং ৱা যং যং ৱা পনাৰব্ভ, তস্মিং সমযে ফস্সো হোতি…পে… অৱিক্খেপো হোতি. ইমে ধম্মা সিক্খা.

কতমে ধম্মা সিক্খা? যস্মিং সমযে কামাৱচৰং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং সসঙ্খাৰেন…পে… সোমনস্সসহগতং ঞাণৱিপ্পযুত্তং…পে… সোমনস্সসহগতং ঞাণৱিপ্পযুত্তং সসঙ্খাৰেন…পে… উপেক্খাসহগতং ঞাণসম্পযুত্তং…পে… উপেক্খাসহগতং ঞাণসম্পযুত্তং সসঙ্খাৰেন…পে… উপেক্খাসহগতং ঞাণৱিপ্পযুত্তং…পে… উপেক্খাসহগতং ঞাণৱিপ্পযুত্তং সসঙ্খাৰেন ৰূপাৰম্মণং ৱা…পে… ধম্মাৰম্মণং ৱা যং যং ৱা পনাৰব্ভ, তস্মিং সমযে ফস্সো হোতি…পে… অৱিক্খেপো হোতি. ইমে ধম্মা সিক্খা.

৭১৩. কতমে ধম্মা সিক্খা? যস্মিং সমযে ৰূপূপপত্তিযা মগ্গং ভাৱেতি…পে… অৰূপূপপত্তিযা মগ্গং ভাৱেতি…পে… লোকুত্তৰং ঝানং ভাৱেতি নিয্যানিকং অপচযগামিং দিট্ঠিগতানং পহানায পঠমায ভূমিযা পত্তিযা ৱিৱিচ্চেৱ কামেহি…পে… পঠমং ঝানং উপসম্পজ্জ ৱিহৰতি দুক্খপটিপদং দন্ধাভিঞ্ঞং, তস্মিং সমযে ফস্সো হোতি…পে… অৱিক্খেপো হোতি. ইমে ধম্মা সিক্খা.

অভিধম্মভাজনীযং.

২. পঞ্হাপুচ্ছকং

৭১৪. পঞ্চ সিক্খাপদানি – পাণাতিপাতা ৱেৰমণী সিক্খাপদং, অদিন্নাদানা ৱেৰমণী সিক্খাপদং, কামেসুমিচ্ছাচাৰা ৱেৰমণী সিক্খাপদং, মুসাৱাদা ৱেৰমণী সিক্খাপদং, সুৰামেৰযমজ্জপমাদট্ঠানা ৱেৰমণী সিক্খাপদং.

৭১৫. পঞ্চন্নং সিক্খাপদানং কতি কুসলা, কতি অকুসলা, কতি অব্যাকতা…পে… কতি সৰণা, কতি অৰণা?

১. তিকং

৭১৬. কুসলাযেৱ. সিযা সুখায ৱেদনায সম্পযুত্তা, সিযা অদুক্খমসুখায ৱেদনায সম্পযুত্তা, ৱিপাকধম্মধম্মা, অনুপাদিন্নুপাদানিযা, অসংকিলিট্ঠসংকিলেসিকা, সৱিতক্কসৱিচাৰা, সিযা পীতিসহগতা, সিযা সুখসহগতা, সিযা উপেক্খাসহগতা.

নেৱ দস্সনেন ন ভাৱনায পহাতব্বা, নেৱ দস্সনেন ন ভাৱনায পহাতব্বহেতুকা, আচযগামিনো, নেৱসেক্খনাসেক্খা, পৰিত্তা, পৰিত্তাৰম্মণা, মজ্ঝিমা, অনিযতা, ন ৱত্তব্বা মগ্গাৰম্মণাতিপি, মগ্গহেতুকাতিপি, মগ্গাধিপতিনোতিপি. সিযা উপ্পন্না, সিযা অনুপ্পন্না, ন ৱত্তব্বা উপ্পাদিনোতি, সিযা অতীতা, সিযা অনাগতা, সিযা পচ্চুপ্পন্না, পচ্চুপ্পন্নাৰম্মণা, সিযা অজ্ঝত্তা, সিযা বহিদ্ধা, সিযা অজ্ঝত্তবহিদ্ধা, বহিদ্ধাৰম্মণা, অনিদস্সনঅপ্পটিঘা.

২. দুকং

৭১৭. ন হেতূ সহেতুকা, হেতুসম্পযুত্তা. ন ৱত্তব্বা ‘‘হেতূ চেৱ সহেতুকা চা’’তি, সহেতুকা চেৱ ন চ হেতূ, ন ৱত্তব্বা ‘‘হেতূ চেৱ হেতুসম্পযুত্তা চা’’তি, হেতুসম্পযুত্তা চেৱ ন চ হেতূ, ন হেতু সহেতূকা, সপ্পচ্চযা, সঙ্খতা, অনিদস্সনা, অপ্পটিঘা, অৰূপা, লোকিযা, কেনচি ৱিঞ্ঞেয্যা, কেনচি ন ৱিঞ্ঞেয্যা.

নো আসৱা, সাসৱা, আসৱৱিপ্পযুত্তা, ন ৱত্তব্বা ‘‘আসৱা চেৱ সাসৱা চা’’তি, সাসৱা চেৱ নো চ আসৱা, ন ৱত্তব্বা ‘‘আসৱা চেৱ আসৱসম্পযুত্তা চা’’তিপি, ‘‘আসৱসম্পযুত্তা চেৱ নো চ আসৱা’’তিপি. আসৱৱিপ্পযুত্তা সাসৱা, নো সংযোজনা…পে… নো গন্থা…পে… নো ওঘা…পে… নো যোগা…পে… নো নীৱৰণা…পে… নো পৰামাসা…পে… সাৰম্মণা, নো চিত্তা, চেতসিকা, চিত্তসম্পযুত্তা, চিত্তসংসট্ঠা, চিত্তসমুট্ঠানা, চিত্তসহভুনো, চিত্তানুপৰিৱত্তিনো, চিত্তসংসট্ঠসমুট্ঠানা, চিত্তসংসট্ঠসমুট্ঠানসহভুনো, চিত্তসংসট্ঠসমুট্ঠানানুপৰিৱত্তিনো, বাহিৰা, নো উপাদা, অনুপাদিন্না, নো উপাদানা…পে… নো কিলেসা.

ন দস্সনেন পহাতব্বা, ন ভাৱনাযপহাতব্বা, ন দস্সনেন পহাতব্বহেতুকা, ন ভাৱনায পহাতব্বহেতুকা, সৱিতক্কা, সৱিচাৰা, সিযা সপ্পীতিকা, সিযা অপ্পীতিকা, সিযা পীতিসহগতা, সিযা ন পীতিসহগতা, সিযা সুখসহগতা, সিযা ন সুখসহগতা, সিযা উপেক্খাসহগতা, সিযা ন উপেক্খাসহগতা, কামাৱচৰা, ন ৰূপাৱচৰা, ন অৰূপাৱচৰা, পৰিযাপন্না, অনিয্যানিকা, অনিযতা, সউত্তৰা, অৰণাতি.

পঞ্হাপুচ্ছকং.

সিক্খাপদৱিভঙ্গো নিট্ঠিতো.