২. দুকউদ্দেসো

৮. দ্ৱে পুগ্গলা –

(১) কোধনো চ, উপনাহী চ.

(২) মক্খী চ, পড়াসী [পলাসী (স্যা. ক.)] চ.

(৩) ইস্সুকী চ, মচ্ছৰী চ.

(৪) সঠো চ, মাযাৱী চ.

(৫) অহিৰিকো চ, অনোত্তপ্পী চ.

(৬) দুব্বচো চ, পাপমিত্তো চ.

(৭) ইন্দ্ৰিযেসু অগুত্তদ্ৱাৰো চ, ভোজনে অমত্তঞ্ঞূ চ.

(৮) মুট্ঠস্সতি চ, অসম্পজানো চ.

(৯) সীলৱিপন্নো চ, দিট্ঠিৱিপন্নো চ.

(১০) অজ্ঝত্তসংযোজনো চ, বহিদ্ধাসংযোজনো চ.

(১১) অক্কোধনো চ, অনুপনাহী চ.

(১২) অমক্খী চ, অপড়াসী চ.

(১৩) অনিস্সুকী চ, অমচ্ছৰী চ.

(১৪) অসঠো চ, অমাযাৱী চ.

(১৫) হিৰিমা চ, ওত্তপ্পী চ.

(১৬) সুৱচো চ, কল্যাণমিত্তো চ.

(১৭) ইন্দ্ৰিযেসু গুত্তদ্ৱাৰো চ, ভোজনে মত্তঞ্ঞূ চ.

(১৮) উপট্ঠিতস্সতি চ, সম্পজানো চ.

(১৯) সীলসম্পন্নো চ, দিট্ঠিসম্পন্নো চ.

(২০) দ্ৱে পুগ্গলা দুল্লভা লোকস্মিং.

(২১) দ্ৱে পুগ্গলা দুত্তপ্পযা.

(২২) দ্ৱে পুগ্গলা সুতপ্পযা.

(২৩) দ্ৱিন্নং পুগ্গলানং আসৱা ৱড্ঢন্তি.

(২৪) দ্ৱিন্নং পুগ্গলানং আসৱা ন ৱড্ঢন্তি.

(২৫) হীনাধিমুত্তো চ, পণীতাধিমুত্তো চ.

(২৬) তিত্তো চ, তপ্পেতা চ.

দুকং.