১-৭. পটিচ্চৱাৰাদি

পচ্চযচতুক্কং

হেতুপচ্চযো

১৬. গন্থৱিপ্পযুত্তং কুসলং ধম্মং পটিচ্চ গন্থৱিপ্পযুত্তো কুসলো ধম্মো উপ্পজ্জতি হেতুপচ্চযা (সংখিত্তং).

১৭. হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

১৮. গন্থসম্পযুত্তং অকুসলং ধম্মং পটিচ্চ গন্থসম্পযুত্তো অকুসলো ধম্মো উপ্পজ্জতি হেতুপচ্চযা… তীণি.

গন্থৱিপ্পযুত্তং অকুসলং ধম্মং পটিচ্চ গন্থৱিপ্পযুত্তো অকুসলো ধম্মো উপ্পজ্জতি হেতুপচ্চযা… দ্ৱে.

গন্থসম্পযুত্তং অকুসলঞ্চ গন্থৱিপ্পযুত্তং অকুসলঞ্চ ধম্মং পটিচ্চ গন্থসম্পযুত্তো অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

১৯. হেতুযা ছ, আৰম্মণে ছ, অধিপতিযা পঞ্চ…পে… অৱিগতে ছ (সংখিত্তং).

নহেতুযা একং, নঅধিপতিযা ছ, নপুৰেজাতে ছ…পে… নকম্মে চত্তাৰি, নৱিপ্পযুত্তে ছ (সংখিত্তং).

(সহজাতৱাৰোপি…পে… সম্পযুত্তৱাৰোপি ৱিত্থাৰেতব্বা.)

২০. গন্থসম্পযুত্তো অকুসলো ধম্মো গন্থসম্পযুত্তস্স অকুসলস্স ধম্মস্স হেতুপচ্চযেন পচ্চযো (সংখিত্তং).

২১. হেতুযা ছ, আৰম্মণে নৱ, অধিপতিযা নৱ, অনন্তৰে নৱ, সহজাতে ছ…পে… নিস্সযে ছ, উপনিস্সযে নৱ, আসেৱনে নৱ, কম্মে চত্তাৰি…পে… মগ্গে চত্তাৰি, সম্পযুত্তে ছ…পে… অৱিগতে ছ (সংখিত্তং).

২২. গন্থৱিপ্পযুত্তং অব্যাকতং ধম্মং পটিচ্চ গন্থৱিপ্পযুত্তো অব্যাকতো ধম্মো উপ্পজ্জতি হেতুপচ্চযা (সংখিত্তং).

২৩. হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)