১-৭. পটিচ্চৱাৰাদি

পচ্চযচতুক্কং

হেতুপচ্চযো

৫৫. কেনচি ৱিঞ্ঞেয্যং কুসলং ধম্মং পটিচ্চ কেনচি ৱিঞ্ঞেয্যো কুসলো ধম্মো উপ্পজ্জতি হেতুপচ্চযা. কেনচি ৱিঞ্ঞেয্যং কুসলং ধম্মং পটিচ্চ কেনচি নৱিঞ্ঞেয্যো কুসলো ধম্মো উপ্পজ্জতি হেতুপচ্চযা. কেনচি ৱিঞ্ঞেয্যং কুসলং ধম্মং পটিচ্চ কেনচি ৱিঞ্ঞেয্যো কুসলো চ কেনচি নৱিঞ্ঞেয্যো কুসলো চ ধম্মা উপ্পজ্জন্তি হেতুপচ্চযা. (৩) (সংখিত্তং.)

৫৬. হেতুযা নৱ, আৰম্মণে নৱ…পে… অৱিগতে নৱ (সংখিত্তং).

পচ্চনীযং

নঅধিপতিপচ্চযো

৫৭. কেনচি ৱিঞ্ঞেয্যং কুসলং ধম্মং পটিচ্চ কেনচি ৱিঞ্ঞেয্যো কুসলো ধম্মো উপ্পজ্জতি নঅধিপতিপচ্চযা (সংখিত্তং).

৫৮. নঅধিপতিযা নৱ, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে নৱ, নৱিপাকে নৱ…পে… নৱিপ্পযুত্তে নৱ (সংখিত্তং).

(সহজাতৱাৰোপি পচ্চযৱাৰোপি নিস্সযৱাৰোপি সংসট্ঠৱাৰোপি সম্পযুত্তৱাৰোপি পটিচ্চৱাৰসদিসা ৱিত্থাৰেতব্বা.)

পচ্চযচতুক্কং

হেতুপচ্চযো

৫৯. কেনচি ৱিঞ্ঞেয্যো কুসলো ধম্মো কেনচি ৱিঞ্ঞেয্যস্স কুসলস্স ধম্মস্স হেতুপচ্চযেন পচ্চযো (সংখিত্তং).

৬০. হেতুযা নৱ, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ…পে… কম্মে নৱ…পে… অৱিগতে নৱ (সংখিত্তং).

নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে নৱ (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং. কেনচি ৱিঞ্ঞেয্যং অকুসলম্পি কেনচি ৱিঞ্ঞেয্যং অব্যাকতম্পি কেনচি ৱিঞ্ঞেয্যকুসলসদিসং ৱিত্থাৰেতব্বং).

কেনচিৱিঞ্ঞেয্যদুককুসলত্তিকং নিট্ঠিতং.

চূড়ন্তৰদুকং নিট্ঠিতং.